Malai deuh a Khristian Tuailai Pawl (KTP) kichi tuin Baptist Youth Fellowhip (BYF) chih in om hi. Delhi a saptuam din kum 1992 mah in, tuailaite lak a nasepna uangbawl tupna tawh in, Tualsung BYF phuhkhiak pah ahi. Committee member 15 mipi teel nei in, amau term kumkhat jel a bikhiah ahi. EBCC, Delhi, tuailai saptuam (tuailai tampen ahihmanin) ahihbang in, saptuam in tuailaite lak a nasepna awlmawh mahmah khat in kinei hi. Huan, tuailaite siamsin leh sepna nei ahihban uah, tulai in Private sector a sem ahong pun leh huai in tuailaite lak a nasepna ngaihkhawkna lian sak semsem hi.
Nasep tangpi:
- Tuailai Delhi or NCR uapsung a omte fellowship tuamtuam a khenzak in amaute vehna leh kithuahkhawm pihna hun neih zel ahi
- Tuailaite career tawh kisai, koppih zonna tawh kisai, sepna tawh kisai, discipleship tawh kisai bang sinsakna biik ki nei zelzel hi.
- Fellowship tuamtuam a kikhen in, tuate ah weekly Bible study leh Prayer fellowship neih zel ahi.
- Tuailai Box hawm in Pathian gam nasepna a a poimawh bangbang a zat ding sum-le-pai kaihkhawm zel ahi.
- Singtang lama EBC saptuam' school, haksataka ki run te, tundingna nasep awlmohna ziakin 2009 in PROJECT NEHEMIA kichi patkhiak ahi. Hiai project in masawn jelin tukum 2010 adin budget Rs. 1,00,000 kiguang hi.
- Tuailai Retreat, Evangelistic Camp chihte sai zelzel ahi.
- Outreach program - Jail vehna, orphanage home vehna, chihte nei in theihpihna nna sep touh zel ahi.
