Compiled by Upa H. Kam Suanthang
Secretary 2011
British vaihawmte’n Kolkatta khopi apan India gam uk masa himahle uh 1911 apan in a vaihawmna munpi ding un Delhi ana telkhia uh a, Raisina Hill ah Viceroy tenna ding tua Rashtrapati Bhavan kichi leh a kimvel a govt office building tuamtuam a hon lam uhi. Govt ading a mun poimoh ahihziak mah in govt nasemte a tenglut masa uhi. 1947 a India in zalenna a hon muh a, India leh Pakistan chia hong kikhen chiang in Pakistan leh Bangladesh (huai lai a East Pakistan) apan galtai tampi honglut uhi. Tuanungsang India gam mun tuamtuam apan mi pemlut tawlngalou hi. Tu chiang in kumteng a Delhi khopi a mihing punna lak ah a kimkhat val (55%) pen mundang apan pem lut ahi hi.
Zomi sung pan kua bangchik hun a na lut masa hiam chih theih hikei mahleh a lubawk mahmah bel Pu N Gouzagin ahi. Member of Parliament, Lok Sabha (term 18.01.1980 - 31.12.1984) ding a Outer Manipur constituency apan telching in om a, Minister hikei mahleh 7-Canning Lane a om Ministerial bungalow piak in om hi. 1981 in Pu N Gouzaginte inkuan ban ah inkuan dang Pute V. Dongzathang (Chanakyapuri), Thangzamang Gwite( Pragati Vihar), Lian Za Go Hatzaw (Andrews Ganj), Frankie Gangte (Lodhi Colony), Thang Sian Mung Lethil (Palam Colony), NT Khankhup (KG Marg) leh sinlai naupang tamlou om uhi.
Amaute’n Pu N Gouzagin’ quarter ah kiginni nitaklam a kimukhawm in houlimna, thu leh la a kipolhna nei zel uh a, mi hong punbeh dungzui in Pathianni sunnung lam in kikhawm uhi. Tuabang kikhopna min ding in Delhi Inkuan kikhop/Zomi Fellowship chihkhawng abanban in kizangtou a, Pu N Gouzagin in Delhi a paisan nung in Pu Lian Za Go /Khatchin’ Qtr, Andrews Ganj, T. Thangzalian/Biakthang’ quarter, Vasant Vihar, V. Dongzathang’ Quarter, Chanakyapuri khawng ah kikhawm tou ua, Aug 20, 1988 apan Zomi Christian Fellowship (ZCF), Delhi kichi in, Aug 5, 1990 apan Free Church, Parliament street ah kikhopna Pathianni sunnung teng in nei gige uhi.
Siamsinna leh nektak zonna lam a Pathian vualzawlna tamsem Zomite’n atan uh toh kiton in Delhi ah leng hong pung semsem ua, tua dungzui in ZCF Delhi leng hong phungching semsem in Kuki Worship Service, Hmar Christian Fellowship, Vaiphei Christian Fellowship, Evangelical Organisation Church, Gangte Baptist Church, New Testament Baptist Church, Evangelical Baptist Convention Church leh adangdang hun tuamtuam ah hong gahsuah khia hi.
Sept/Oct 1990 vel apan in EBC (huailai a Evangelical Convention Church) mi Munirka a inluah a omte’n sintawpni nitak teng in Prayer Fellowship chih minvuah in biak khawmna chikhat ana pan uhi. May 1992 in Khamkhanpau Guite, Pushpa Vihar Sector-4 a om Govt quarter piak in om a, 19 May 1992 apan luahta hi. Hunlem masapen (Jun 1992 Pathianni masa pen) in tua quarter ah biakkhawmna hon nei thei uhi.
26.07.1992 – 31.03.1993
July 26, 1992 in vaipo masa ding hiai bang a seh ahi: Chairman - G Damsawmthang, Vice Chairman – Tuanmuanthang, Secretary – Hausuanthang Guite, Assistant Secretary cum Finance Secretary – Khamkhanpau Guite, Treasurer – Khamkhansuan. Amaute ECC Delhi ading a vaipo masapen ahi uhi. Vaipo ding kitelna ah byelaw a om bang a kum 3 term zuih ding, huai sung a kum teng a mohpuakna lepthak zel ding thupuk ahi.
Kikhopna 6vei neih nung a thohlawm Rs 117 pha zou achiamteh ahi. Biakna Late bu 2 lei in saptuam vanneih leh lei masakpen ahi uhi. Audit neih ding thupuk in Auditor ding in Khamchin Naulak leh B Ginkhanmang seh ahi ua ECC Delhi ading a auditor masapen a chiamteh ahi uhi. ECC Zenhang Lamka’ saptuam in khuang khat in phungvuh ua, Paukhanmang, GBC Lecturer, in leng biakna labu khat in panpih hi.
Mi’ quarter khat a kikhop chihpen sawt hithei lou ding ahihdan mu in Biakinn khelhding zon ding a thupuk ahi a Pathian vualzawlna ziak in Green Park a om Free Church, zangthei ding a phalna mu in nisim 14.03.1993 apat kikhopna ding a zat ahi. Khakhat in Rs 250/- kipia a, sunnung dak 1-2 kikal a kikhop ahi.
Piching Nipi Skul neih ding thupuk ahi a, sinsaktu ding in Thangzamang Gwite, Haukhum Hauzel leh N Chinzakhup seh ahi uhi. Sunday School Superintendant leh Assisstant Superintendant ding in K Ginkhanthang leh S Biakthang guan in om uhi.
ZCF vaisaina a Bible Camp kinei a teltheihna ding in Oct 4, 1992 in kikhopna kineilou a, Camp a teltheiloute’n a telte ading in Khamkhanpau’ quarter ah thumkhawmna ana nei uhi. Pushpa Vihar Sector 4 a garage ah Dec 5, 1992 in Advance Christmas zat ahi a, thugentu in Mr T Tunson, BD, Missionary, pang hi.
01.04.1993 – 31.12.1993
Biakna kikhop omte ah Nipi Skul a ECC headquarters sinlai zang in kisinsakna kizang a, kumtawp in mi 20 in exam hi. ECC khawmpilian Lamphel a om ding ah delegate ding in Damsawmthang leh S Biakthang sawl ahi ua, khawmpilian a saptuam palai masapen a suak uhi. Hiai khawmpilian in saptuam pomna (recognition) bawl hi. Saptuam census masa pen bawl ahi. Pathian pina a Delhi a om tambeh zel ding mukhol in Hanmual zoppah theih ding zon ding thupuk ahi,
Saptuam ni poimohte zat vek sawm ahihban ah naupang lam kisinsakna leng pat sawm ngal ahi. Saptuam memberte adia thu kizaktuahna leh khalam khanna om ding lametna in Delhi Khristian Thukizakna kichi kha khat in 2vei suah ua, editor Khamkhansuan ahi. Delhi pumpi area 3 a khen in 26th Nov leh 3rd Dec in nitak thumkhawmna neihding thupuk ahi. ZCF vaisaina a Dec 2-6, 1993 sung Family Evangelistics Camp kinei panpihna Rs 1000/- piak ahi.
01.01.1994 – 31.12.1994
Biakinn neite’n Naupang Nipi Skul ding a biakin tung zatman khateng a Rs 250/- hon ngiatziak un biakin leh Nipi Skul ding a zatman Rs 500/- khateng in kipia hi. KTP leh Dorcas Department kiphuan a, KTP Committee member ding mi 11 telna nisim 6.3.94 in kinei a , Dorcas Committee member 7 telna 13.03.1994 a neih ahi. KTP te’n KNP a heutu hihna toh thuah ding ua thupuk ahi. Adviser ding in NT Khankhup –(KTP leh KNP) leh G Damsawmthang – (Dorcas) seh ahi uhi.
Nisim 20.03.1994 in piching leh naupang lam nipi skul kipan hi. Parents Day leh KTP day lopnate Dorcas leh KTP in programme bawl uhi. Pathian gam nasepna a panna khat hiding in Patron Member hihna tungtawn in GBC kiphungvuh hi.
01.01.1995 – 31.12.1995
ECC Headquarters in Pastor ding a Rev Paukhanmang Guite hon koih dungzui un hong tung a, loplutna nisim 12.02.1995 in kinei hi. Amah ECC Delhi a pastor masapen ahi. Hiai kum in khateng a nipini masa nihte biakna dan inkizang a, adangte ah nipi skul kisinsakna a zat ahi. 30.07.1995 in Upa ding telna kinei a, kitelching lou hi.
Delhi a mun-le-mual neih ding hoihsa in committee phuan ahi. Member ding in Haukhum Hauzel, NT Khankhup, N Chinzakhup, N Vumsuan, L Ngulminthang leh Tuanmuanthang guan ahi ua, a kipatna ding ua Rs 2000/- piak ahi. Saptuam van neih tuamtuamte toh kisai kizat dingdan, khelhtheih dingdan bawlkhiak ahi. Pemthakte apan pemlai ngiat zel tak ding thupuk ahi. KNP heutu mohpuakna KTP committee memberte khut a kinga pen kumnawn apan khenkhiak ding thupuk ahi.
Sept. 29 – Oct 4, 1995 sung Mount Carmel School, Anand Niketan ah Papi Camp kinei a thugentu in Rev Thang & Ching Ngaihte (Ginnei Thang te nupa) kizang hi. Mimal/pawlpi kiphalte apan laibu kaihkhawm a, saptuam fund zang hetlou a saptuam Library neih ding thupuk ahi. Ginkhanmang leh Thianmuanching in Saptuam Dansiangthou a kitenthak ding anget bang un nisim 12.03.1995 in saptuam dan in kitengthak ua ECC Delhi a saptuam dan a kiteng thak masapen ahi uhi. Nisim 21.04.95 in mi 4 - Helen Lalruatsang, Khamromuan, Paukhanmung Guite leh HK Remthangte’n Baptistna tang ua, Delhi saptuam ading a amasapen achiamteh ahi uhi.
Hiai kum Christmas thohlawm pen saptuam sung a itna thilpiak a hawmkhiak ding leh kumthak 1996 thohlawm pen Grace Bible College phungvuhna ding a paisak ding a lemsak ahi.
01.01.1996 – 31.12.1996
Vanneihte kepdingdan rule bawlkhiak ahi a, van neihte enkai ding in property secretary kiguang hi. Saptuam van mun tuamtuam a omte kaikhawm in mun khat ah koihkhawm ahi. Delhi saptuam a tanvou/mohpuakna neih lai a Delhi paisan ding omchiang a ahithei tan a Biakna kikhop hun ah hunkhat piak hizel hen chih thupuk ahi. Asst Pastor T Tunson in hiai kum ECC khawmpilian ah Pastor ding in thaunilhna (ordination) sang hi.
Local Missions Committee dinkhiak ahi a, kum 1996-97 sung a vaipo ding guanthoh hiai bang in: N Vumsuan, Khamkhansuan, Tuanmuanthang, NT Khankhup, Thanglianlal, Ginkhankam, LT Ngaihte.
Upa Bial khenna neih ding lemsa. Saptuam member kuahiam in a pianpih sanggam, zi-le-ta, anu-le-pa, Delhi pua a omte tung a lusunna tuak om leh hun lem masapen ah saptuam in pastor makaih in tuabang unau lusun thuakpihna/thumsakna neih hihen chih lemsak ahi. Suangdoh khua a om M Chinkhogin in a tapa M Ginlianthang panpih dia hon nget bang in Rs 1000/- pia in panpih ahi. Free Church, Green Park-te Slide project ah panpihna Rs 1000/- kipia hi. Delhi Zillai Evangelistic cum Motivation Camp, Vikaspuri a kinei ah panpihna Rs 1500/ piak ahi.
01.01.1997 – 31.12.1997
Delhi a khosa ding in Upa B Langkham leh Upa Sutzachin hong tung ua, saptuam in Upa ordain 2 nei kisuak hi. Amaute Delhi saptuam ading a upa ordain masapen ahi uhi. Missions Committee member ding hiai kum apan mi 7 telthoh ahita hi. Kumsim khawmpi 49na tukum a kinei ah mainline Church zop ding thupuk toh kiton in saptuam min Evangelical Convention Church apan Evangelical Baptist Convention chi a khek hita hi.
FMPB a Missionary semtuak P Thawngkhankap leh Niangzangai in Delhi a kiten ding ut a hon nget ziak un ahong kipatna saptuam uh HQ veng leh Vengnuam, New Lamka saptuamte apan lemsakpihna la in, nisim 30.11.1997 in biakna kikhopna ah pastor in kitengsak hi. ECC Delhi a Dansiangthou a kiteng masa pen ahi uhi.
Gambuaina ziak in 29.06.97 a kikhopna hun pen thumna hun in kizang a, hiai kum in Relief thohlawm kaihkhawmna 3 vei kinei in, a kikhon khawmteng ban ah Local Committee in Rs 4500/- thoh hi.
01.01.1998 - 31.12.1998
Upa telna kinei a Zamkhothang telching in om. Amah Delhi saptuam in Upa ding a a telching masakpen ahi. Khawmpilian a thaunilhna a tanzoh in Christmas ni in saptuam in loplutna nei hi. DDA in Biakinn mun ding a hon piak uh Plot no 16, Pocket 6, Dwarka Phase I, possession lakzoh in Nov 4, 1998 in Ground Breaking Ceremony kinei a officiating minister ding in Right Rev Karam Masih, Bishop of CNI, Delhi zat ahi.
North-East Christian Fellowship Music Festival neihna a tel ding lemsa in panpihna Rs 2000 piak ahi a, Committee a palai ding in Local Committee a Chairman leh Secretary guan ahi uhi. North East Joint Advance Christmas Fellowship Dec 5, 1998 a kinei ah tel in panpihna Rs 3000/- thawh ahi. Chandigarh a saptuam mi sepaih leh siamsin a omte vehna kinei hi.
01.01.1999 – 31.12.1999
Hiai kum apan in KTP Committee ding member 11 apan 15 tel hita a, Dorcas leh Missions Committee member ding leng 7 pan 11 tel hita hi. Manipur a namkal buaina ziak a haksatna zangna dopna ding United States of America apan relief van a thawn a puaktung na ding in pan kila a, Ministry of Civil Aviation in van ton 5 a thawn a hon puaksak ding in Air India sawl hi. Pastor T Tunson leh a inkuante’n Shillong a sem ding a hon paisan ding ahihziak un saptuam in a khakna June 20, 1999 in neih ahi. KTP Camp neihna ding toh kisai zankhovak thumna neih ahi.
01.01.2000 – 31.12.2000
Upa ordain ding telna om in Thianzakham leh Khamkhanpau Guite telching ahi ua, ordination a lakzoh un loplutna 24.12.2000 a neih ahi. Saptuam adia vanzat poimoh hi athei in Newsletter/publication bawl ding thupuk ahi a Gamchiam chih min zang a suahkhiak ahi. EBC Mission Centre kep leh zat dingdan guideline bawlkhiak ahih ban ah a kemtu Janitor ding lakna ding Recruitment Rule bawlkhiak ahi. Biakinn lam zohsiang ahihtoh kiton in Nov 11, 2000 a biakin honna neih ahi. A hongtu in Rev L Kham Kho Lun, Executive Secretary, EBC ahi. Kikhopna ding a Dec 12, 2000apan zat ngal ahi. Green Park a biakin neite toh mangpha khakna Free Church, Green Park ah Dec 19, 2000 a zat ahi.
KTP Evangelistic Camp Shillong adi’n huhna Rs 2000/- kipia a, North East Joint Advance Christmas fellowship ah tel in Rs 4000 kithawh hi.
01.01.2001 – 31.12.2001
Pastor Paukhanmang in Seoul, South Korea a Master of Theology sin ding a hon kuan san dek ziak in saptuam in a inkuan ua khakna 07.01.2001 in nei a, a thakheng ding Pastor T Tunsonte inkuan 18.01.2001 in hong tung uhi. Janitor lak ding thupuk dingzui in DPC bawlkhiak ahi a, recommend a bawl bang un nisim 01.03.2001 apan H Khamchinthang, Janitor ding a lak ahi. Dept tuamtuam, Dorcas, KTP, KNP leh Missions Committee term ding in kum 3 hita hen, byelaw abang in, chih thupuk ahi. Baptismal pool bawl ding lem kisa hi.
Gujarat zinling ziak a haksatna thuakte panpihna nasem in Feb 14-23, 2001 sung Pastor T Tunson, K Thangzalun, MT Muanding Guite, Luaikhanlian Ngaihte, M Pauminsang Guite leh G Chinkhanlun te vakuan uhi.
Manipur Christian Fellowship Decennial Celebration a ding in huhna Rs 1000/ kipia. Missions Committe te malakna in Hindi worship service pat ding a thupuk in Nov. 18, 2001 a pat ahi. EOC Delhi te’n biakin hong zatpih ut a ngetna hon piak uh pom pih in khateng a Rs 500/- hon piak di ua zatsak ahi uhi.
13.10.2001 in KNP heutute leh Nu-le-pa seminar neih ahi. EFICOR-te saina a seminar “Workshop on Trauma Care & Counselling” kichi Mar 6-10, 2001 sung a kinei ah pastor va kihel. CANA in Michael Care Home /Sahara a inmates-te ading a counselling/Bible study khaguk sung EBC chapel a neih ding leh a panpihdia Pastor a hon ngetna uh phalsak ahi.
01.01.2002 – 31.12.2002
Upa ordain ding telna kinei a G Damsawmthang leh Tualzapau telching ahi uh. Building Extension/pastor Qtr lambeh ding chih building committee toh joint meeting ah thupuk ahi. Janitor semlel H Khamchinthang in hon sihsan ziak in nisim 10.11.2001 apan T Lianchinpau, Janitor ding a lak ahi.
Kum khat sung a khatvei kipahthu genna ni chi a sehtuam a zat ding, ani ding in saptuam kiphuhkhiak ni toh kinai pen ding in June kha nipini masapen zat zel ding lemsak ahi. Rev Pum Za Thang Tombing chial in Nov 29 – Dec 1, 2002 sung “Spiritual Living in a Metropolitan City” chih subject a nei in Saptuam pumpi in chialpina neih ahi. Headqurters in a sehsa department tuamtuam a ni poimohte ban ah pathianni khat chiat dept kiang a programme bawl ding a piak khiak ahi uhi. Nipi skul ding a nipini 25 zat ding thupuk ahi.
Bethel Fellowship in Sunday nitaklam chiang a biakin hongzat ding a nget uh phalsak ahi. North East Christian Fellowship, Delhi vaisaina a advance Christmas ah tel in panpihna Rs 5000 kipia hi.
01.01.2003 – 31.12.2003
Delhi Cemetries Committee ah donation Rs 1500/- kipia a, All Souls Day, Nov. 2, 2003 in Cantonment Hanmual ah Social work vakinei hi. Byelaw a om bang in Ministerial Committee dinsuah ahi. Thuamminlian s/o LC Guite, New Lamka in Trivandrum Bible College, Kerala a BTh zil dia kuan ding thumsakna May 25, 2003 biakna hun ah Pastor in nei.
Nov. 29 – Dec. 1, 2002 sung Spiritual Living in Metropolitan City chih thupi zang a Rev Dr Pum Za Thang Tombing makaih a chialpina kinei a thugenna (Audio) record kibawlte cassette a bawl in kizuakkhia hi. EHA, Delhi toh pangkhawm in 25th Jan, 2003 zandak 10 – 12 sung Cold Wave Relief Operation kinei a, volunteer 16 in lamlian dung a mizawng taktak 201 vel blanket silhsakna va kinei hi. Sahara Rehabilitation Centre a om eilam mi bangzah hiam in Khristt hondampa a pomta ahihdan uh zak ahihman in biakna a neihtheihna ding ua Sahara House fellowship chih GK II ah April 6, 2003 in kipatpih hi. North East Christian Fellowship Advance Christmas Dec. 6, 2003 a kinei ah tamtak
vakitel in Rs 7000 leng kipia.
Hindi Service a kikhawmzel Unaupa Sunder Raghawan, kum 42 in April 14, 2003 in hon sihsan a, a invengte’n Pastor hong zongkhia in, Pastor in Cantonment Hanmual ah vuina nei hi. April 27, 2003 in a zi hehnepna hunseh Pastor in vazang nawn hi.
01.01.2004 – 31.03.2005
Nisim 25.01.2004 in Mission Centre cum Pastor Quarter honna kinei a, a hongtu Rev Dr Luaichinthang, Executive Secretary, EBC ahi. Zomi Christian Fellowship, Hmar Christian Fellowship, Manipur Christian Fellowship, Mizo Christian Fellowship leh Good News Centre apan palai hongtel te’n deihsak thu hong gen uhi. Saptuam vaisaina ah Govt
Financial year zuih ding a thupuk ahihban ah BYF leh Dorcas Committee term uh kum 1 zeldia thupuk ahi. Guidelines relating to use and maintenance of Property chih detail tak bawlkhiak ahi. Church Bulletin suah ding lemsak ahih dungzui in nisim July 18, 2004 apan Delhi EBCC Weekly (DEW) suahkhiak ahi. ZCF a Pastor semlel Rev Khup Za Go damlou vehna in Rs 1000/- piak ahi. Bessy Choir Mizoram-te’n 21.11.2004 in saptuam hong veh ua, sun an kinekpih in Tuailai Beacon Vol. IV copy khat chiat na kipia hi.
Feb. 14, 2004 in EHA toh kithuah in saptuam a intekpate Seminar on AIDS Awareness program zatpih ahi. FMPB a missionary Ms Chiinpi kiang ah Rs 10,000/- panpihna piak ahi. Unau Joint Fellowship in October 20-24 sung Mt Carmel Jr School, Anand Niketan a Bible Camp neih a sawm uh huhna Rs 10,000/- piak ahih banah camper 60 val vakitel hi. India gam zinling ziak a tsunami thuakte panpihna ding in saptuam in Prime Ministerial National Relief Fund a ding in Rs. 5261 kipia hi.
01.04.2005 - 31.03.2006
Rev Khup Za Go, Pastor ZCF in gari tuahsia tuak a hon beisan man in a suunna in Pathianni 10.04.05 biakin khak in, a luang puandum atuam in galna Rs 1000 kipia. Upa ordain ding telna nisim 11.09.05 in neih hi a Pa Chinsum leh Pa Thiankhanmuan telching ahi uhi. Saptuam sumsaina a zat ding Finance Code bawl ahi a 01.04.06 apan zatpat ding a thukim ahi. Saving Bank Account neih hoihsak ahihbang in State Bank of India, Parliament Street ah Saving Account khat hon ahi. Dept tuamtuam a sumsaite tel in azat didan kisinsakna leng neih ahi. Phak 3te kichi TEAM (Retd Pastor Thangsut, Retd Pastor Kamzakham leh Evan Thuamkai) in Sept. 12-25, 2005 sung saptuam hongveh uhi.
Delhi tuailai Lia Ruth S Ngaihte d/o (L) S Daipau, Dwarka a om in Asia Evangelical College & Seminary, Bangalore a B.Th sin ding in kuan hi. Saptuam a papi teng leh committee tuamtuam a panna neite ading ngimna in Leadership training cum seminar neih ding thupuk ahi. Dept joint fellowship kinei. NECF in joint Christmas Fellowship cum Food Festival Dec 3, 2005 a neih ding a sawm uah Rs 10,000 kipia. Canada a om Mr Ken Hewett, Guest Lecturer, GBC in hon sponsor bang in Discipleship Building Seminar, Feb. 14-16, 2006 sung kinei a mi 10 vel kitel thei hi.
01.04.2006 – 31.03.2007
February 2 in Pastor Khamkhanchin Ngaihte & Family (Azi Niangzaching, tapa Jamthiansiam) in Local Pastor ding in hong tung ua, amau loplutna Feb. 5, 2006 in kinei. Dec. 19, 2005 apan biakinn kepna Pastor leh phatuamngai memberte khut a omkha pen Lalsuanmang Naulak s/o N Chalthang ki-volunteer in Jan 11, 2006 apan Feb. 28, 2006 sung biakinn kepna nna sem hi. March 1 in Caretaker ding a lakthak Ginsuan Haulai in jointa. Toilet kidaihlou lua ahihman in keklet leh bawl beh ding thupuk ahi. Vehicle project tangtun in Santro car khat Missions committee malakna in leikhiak ahi a, Gari zat didan guideline bawl ngal ahi. May 14, 2006 in Pastor Tunson & family in Bangalore a further study ding in hon kisuankhiak san uhi.
Andrews Bible Camp chih minvuah pasalte ading bik Camp Oct 25-29. 2006 sung Papi Camp neih ahi, Rev L Kham Kho Lun leh Pastor S Ginjam thugen in pang uh. Global day of Prayer, Talkatora Stadium a kinei ah panpihna Rs 1000 kipia. EFICOR-te leh ZCF Silver Jubilee lopna ah sum-le-pai seng in kihuh. Kota, Rajasthan a Orphanage Home a buaina ziak a pikhiak naupangte’ Delhi tawn in hongpai ua, kithuahpihna Rs 2000 kipia. IEM-te’n West Bengal leh Orissa a gam tuantualte a ding biakin lamna ding panpihna hon nget uh huhna kibawl hi.
01.04.2007 -31.03.2008
Toilet kidaihlou deuh sak ziak a kibawl beh ban ah caretaker quarter leng neudeuh sakna om ziak a keklet ahi. Biakinn a electric pen a kilamlai a contractor in ana zat connection mah paitou den a, bill leng Commercial rate a hong pai ahihman in tampipi pha a, Company lam a delhzui in Nov 2007 apan Domestic rate a khekkhiak hita hi. TBDF term ding kum 3 ding a bikhiah ahi.
Paukhanchin, Janakpuri a park khat a lambansam leh damlou a om, amukhate’n Pastor Khamkhanchin Ngaihte ana theihsak bang un pastor in ana kem a, hong halhdeuh nung in Lamka lam ah ana paisak hi. Lampai man leh adangdang Rs 5500 senna lak ah a inkuante’n Rs 3000 dinzou ua, Pastor in na hoih ana sepna tung ah kipahpih in sum kisam teng saptuam in kipiaksak hi.
Saptuam a Executive Secretary a sawt tak ana pang (L) Rev T Jam Khothang’ nutsiat azi Ms Nemvung kiang ah Christmas thilpiak Rs 10,000/- piak ahi. Moonlight Ministry min zang a Missionary nasem Paul Pauzakham in saptuam toh pangkhawm dia hon dawpna lemsakpih in sepkhawmna kipan hi. “Contemporary Trends in World Mission: Opportunities & Challenges” chih leh “A Church in Urban City with a Mission” chih thupi pansan in October 2 in seminar kinei a Rev Dr Ginnei Thang Ngaihte leh azi Mrs. Ningkhanchingte’n sinsak uhi.
01.04.2008 - 31.03.2009
Saptuam ki-etkolna ah Ministerial Committee kizanglou a om pen activate ding chih pha kisa. Tua dungzui in hiai Committee in tutkhawmna (meeting) masapen nisim 18-4-2008 in Biakinn Basement ah nei. Hiai Committee makaihna in nisim 10-5-2008 in Departmental Joint Fellowship neih hi a, hiai hun ah topic “Tuban kum 10 nung a EBCC, Delhi dinmun ding ka muh dan” zang in heutu tuamtuam in vision sharing nei uh. Saptuam in Office nei apai hoih kisa a hilele Office Assisstant neih hun kisa nailou in executive te’n sepding omte hon etkai ding uh kichi phot hi. Rs 46,500/- bei in biakin zotna lampi bawl hoih ahi.
Moonlight Ministry a sem Pauzakham toh sepkhawmna kum teng a et thak ding in MOU kibawl hi. Vacation Bible School neihna ding, Special programme neihna ding leh seminar neihna ding in a kigawm in Rs 5500/- in panpihna kipia, ban ah avan in Nylon carpet kileisak hi.
Mautaam kial toh kisai a HQ in Relief panpihna dia hon bituk Rs 25,000/- lak ah Rs 50,000/- kipia. Committee on Mautam Famine Aid (COMFA) Delhi kiang ah Rs 5000/- kipia.
“Effective Christian Leadership in Urban Church” chih thupi zang in Seminar Aug 15&16 2008 sung kinei a Rev Paukhanmang Guite, Director (Missions) leh Rev V Thangkhangin, Director (Institutions) te resource person in hong pang uhi. Tuaban ah 27.07.08 in ‘One Day Seminar/Counselling on personal Finance Management’ kinei a T Kaithang leh H Kam Suanthang te’n sinsak uhi. Tuaban ah Rev Pum Za Thang Tombing makaih in dt 17.10.2008 in ‘One Day Counselling Training/Seminar on Depression’ kinei hi.
FMPB te’n October 3-5, 2008 sung Mount Carmel School a National Missions Conference a neihna uh hong uap EBC Central Choir-te Upa L Vungzamuan, Youth & Child Coordinator in hon makaih a, amaute Mission centre a ki-camp sak in ana kizintun ban ah Delhi om sung uh ana kimakaih hi. FMPB-te leng a conference ding uh Rs 5000/ in kipanpih hi. Saptuam memberte lak a informal deuh a kithuahkhawmna poimoh sa in Nipini teng a kikhop tawp a singpi dawn khawmna, Table Ministry, chih minvuah in nisim 28.9.08 in kipan hi.
Naupang chialpina kinei a, BCD’ library ding Mr Joe Missingill, First Secretary US Embassy in hon bawlsak. Nepal Mission Field a biakin bawlna ding HQ in hon nget bang in Rs 60,000/- piak ahi.
01.04.2009 – 31.03.2010
Upa diing mi 3 teelna nisim 02.08.2009 in kinei a, T Kaithang, H Kam Suanthang leh Tuanmuanthangte telching ahi ua, ordination a lakzoh un Dec 13, 2009 in saptuam in loplutna nei hi. Saptuam zat ding Fire Proof Safe (Iron Chest) leh Accounting Software leikhiak ahi. Auditor leh dept a sumsaite toh sumsaidan kitheihsiamsakna hun zat ahi. EBCC Delhi Saptuam Office Kivaisaina Dan (Manual of Office Procedure) bawlkhiak ahi a, tua toh kituak ding in Saptuam Finance Code khekzek in Centralised Accounting System July 1, 2009 a pat ahi. St Thomas Christian Cemetry, 2- Institutional Area, Tughlakabad ah member hihna kila. Biakinn baang polam leh Pastor Qtr rong nuhna neih ahi. EBC Khawmpilian in Calendar year zuih ding a thupuk ziak in tu term pen March 2010 tan ngeina bang a paitou sak a, term nawn pen Kha 9 daih sak in April 2010 apan Dec 2010 tan hihsak ding thupuk ahi.
Moonlight Ministry toh sepkhawmna etthak ahi a, thuthak om matan partnership a sepkhawm lemsak ahi. Kha teng a Rs 4000/- a pan ding lemsak ahi a, ministry adia sum-le-pai poimoh bikna (Camp/outreach/Seminar etc.) a om hun in saptuam in hihtheih tan ahuhna piak lemsak ahi a, omna mun toh kisai, khosakna, sepna leh kim-le-kiang apan haksatna om hun in saptuam in huhna pia in pan alak pih ding. Pawldang/midang toh sepkhawm lunglutna a omleh kipahpih ahi. Advance Christmas zatna ding in Rs 2500 leng kipia hi.
Hindi Worship service toh kisai buaina neneuh omziak in khawlsak phot ahi a, Pastor Rajnesh Mathew etkolna nuai ah a kikhawmte mah in St Luke Church chih min vuah in kikhopna sunzom in biakin mah zangtou uhi.
Damlouhna ziak a Delhi a ki-ensak a hongzin Rev (Retd) Thangsuan vehna Rs 2000 piak ahi. Apostolic Indian Mission (C/o Pastor Maylawmthang) in Kandhamal, Orissa gam a Khristtmas zatna ding in Rs 5000 kipia. Pastor Khamkhanchin Ngaihte leh a inkuante siamna sangzaw sin ding a US a hon paisan man un mangpha khakna Rs 45,000 piak ahi. Southern Manipur Gospel Centenary Celebration Committee, Delhi kiang ah centenary lopna ding in Rs 75,000 kipia hi. HQ in Centenary Hall Project ding a Rs 2 lac hon guansak lak uah 20,000/ khak ahi. Mission Khawmpilian cum Gospel Centenary Celebration April 29- May 2 kikal Lamka a kinei a ding Centenary Cake bawlsak dia hon nget uh sepsuah ahi.
Pastor Khamkhanchin Ngaihte leh a inkuante’n siamna sangzaw sin ding in January 13, 2010 in a USA lam hon zot san uhi. Pastor thak Rev Nenglian leh a inkuante (a zi Ruati, tanu Betty Niangmuankim) Jan 7, 2010 in hongtung uh. Saptuam Car masa Santro 2004 model leh Bike zuak khia in Rs 3,97,352 bei in Car thak Wagon R lei ahi a, Rev Dr V Ginsianthang in March 7, 2010 in latna nei hi.
Saptuam plan leh policy ding ngaihtuahna in sub-committee kibawl a, amau report TBSUC in a pom bang in 2010 apan kum 5 sung in, EBCC Delhi pen, Local Saptuam khat kia hinawnlou in, EBC HQ bial khenna dan a Division khat a hongsuah poimohta kha ding hi. Tua ding in, Bial Upate panlakna toh, National Capital Territory of Delhi huamsung a om Saptuam member te hiai anuai a bang in Local Saptuam 5(five) tan in khenzak theih ding bang hi:- (i) EBCC Delhi HQ Church (South West Delhi - tua I neih pen); (ii) EBCC Central Delhi (Gole Market, Minto Road , Gulabi Bagh Motia Khan etc.); (iii) EBCC Delhi South-East (Pushp Vihar, Saket, Faridabad , etc.); (iv) EBCC Delhi Trans-Jamuna(Ghaziabad , Mayur Vihar etc.); leh (v) EBCC Delhi North Delhi (Students’ Chapel); maban ah tua gam (plot) I neihna Nasirpur Church pen Divisional Hqrs hong hidinga, hiai mun pansan in EBCC Delhi administration leh establishment bangkim I sai hun hongtung ding in lamet ahi.
Trans-yamuna Prayer Cell in biakin kaina gamlat ziak a kikhopna tuam pat ding phalsakna hon nget uh lemsakpih ahi a, North leh Central Delhi leng huamsak ahi. Kikhopna ding a BM Gange Girls Sr Secondary School, Rajniwas Marg zat phot ding leh Rs 1 lac a intuan lemsak ahi.
World Book Fair ah Delhi Bible Institute tungtawn a tel in kithuahpihna Rs. 5000 piak ahi. IEM in Aug 14-16 sung Mt Carmel School a 44th National Conference a neih ding uah kithuahpihna Rs 4000/- kipia hi. Sungji Church, Seoul, South Korea a Mission Programe zang ding a chialna a muh bang in Pastor in Feb 3-10 sung India Mission toh kisai sharing na hun vazang hi.
BYF in project Nehemiah chih minvuah a zodawn lam a siamsinna puahphatna ding a panlak a sawm uh lemsak pih ahi. “Na Pathian tuak ding in mansa in om in”(Amosa 4:12) chih thupi a zang in Chialpina Nov 20-22 sung neih ahi a Rev. Kamchinkhup, Divisional Superintendent (Mizoram) in thugenna hun zang hi. Nisim 21.09.09 in Siamsin Fellowship leng neih ahi. TBMC tungtawn a saptuam in Missionary khat vakna ding a khateng aRs 4000/- piak ding lemsak ahi.
01.04.2010 -31.12.2010
Dept tuamtuam ah kitel hun tung nawn ahihman in TBSUC ah member 11 leh a dangteng ah 15 tel hihenla, BYF ah kum 1 term leh a dangteng ah kum 3 term ding in chih thupuk ahi. Ministerial Committee makaih in nisim 13-2-2010 leh 15-5-2010 in Departmental Joint Fellowship neih in om. Ministerial Committee leh Missions Committee in 30-5-2010 in Joint Consultation programme zang.
Guest room ah Rs 36,285 bei in Air Conditioner kithuahsak hi, Biakinn cheina paizom zel in Stone Skirting leh Water point khawng kibawl hi. TBSUC term kum 3 zel himah leh kum teng a office bearer kilemthak gige pen tawpsan a kum 3 dan a kilep thak ding chih thupuk ahi. South-West Delhi Christian Cemetry Association, Dwarka ah membership hihna kila a, membership fee Rs 5000 leh annual maintenance fee Rs 1000 kipia. Department tuamtuam a sumsaite’n sumsaina toh kisai workshop kinei hi. EBCC Central Delhi toh khat vei Joint meeting kinei a coordinating committee khat kisep hi.
Sumsaina a vanzat ding a kilei Tally Accounting Software zatna ding in EHA apan sinsakna piak ahi. Accounts leh office paidan hoih semna ding in Sept 19 in dept a President/Chairman, Secretary, Finance Secretary leh Treasurer in joint meeting neih ahi.
EBCC Delhi a biakna 2na ding BM Gange Girl’s Sr Secondary School, Rajniwas Marg ah April 25, 2010 in pat ahi. Member masa ding in inkuan 20 hu leh milip 130 vel ban ah sinlai leh sepna nei single hunkhop om uhi. Nasirpur a biakin khak in mipi paina ding Bus hire in kikhopna programme vakizang hi. Saptuam Bible leh labu neih tengteng lak a akimkhat, khuang khat leh sumtang in Rs 1lac a intuanna bawl ahi.
Southern Manipur Gospel Centenary Celebration Committee in hon ngetna bang in Centenary lopna a thugen ding a kichial Rev M Khamkhanchin leh Rev Dr Pum Za Thang Tawmbingte nupa zintun ahi.
Moonlight Ministry a sem Pauzakham NECTAR, Shillong ah Cross Cultural Missionary Training ding in kisawl a Rs 15,850 kiseng hi. Mahni ki-host a Saptuam website kibawl Oct 17, 2010 in Pastor Nenglian in Pa, Tapa leh Khasiangthou min toh honna nei hi. Mission Conference 2010 (October 30-31) kinei a, thugen in Rev L Kham Kho Lun, General Secretary,EBC pang a, seminar paper “EBC Church and Fulfilling the Great Commission” chih leh “Evangelism and Church Planting in North India: Challenges and Opportunities” chih pansan in Rev S Vungminthang, Director (Missions), EBC leh Lalchuangliana, Exe. Director, CONCERN in sinsakna pia uhi. YWAM, Dehradun DTS a om Vanlalngai leh a lawmte’n nisim Nov 21 in hong veh ua, panpihna thohlawm ana kaihkhawmsak ahi.
01.01.2011 – 31.12.2011
Saptuam zatdi labu thak HQ in Biakna la leh Pathian Ngaih la kigawm labu a sutsak biakin a zat ding in mi 15 apan labu 215 piakkhawm a kimu hi. Annual Report Laibu a bawl ding kum teng a annual report pen Laibu (book form) bawlkhiak ding thupuk ahi. TBSUC sung a committee member tuamtuam in mohpuakna bik neih hoihsa in executive heads leh property & maintenance lam enkolte ban ah kumdang a om nai lou reception/ushering, beautification, music, sound & light, media/website, publication leh liaisoning chih khawng in mohpuakna kihawm tiltel hi. Biakna toh kisai a vanzat ding Projector, Voice Recorder, Bass Guiter leh Hollow Guiter khat leikhiak ban ah Sound system puahpha in Sound Engineer leh architect khawng toh pangkhawm in biakin sung a wood panelling bawl toh instrument tamtak kilei thak hi.
Punjab Mission Field a ding MOU dungzui a Nov 2011 apan EBC Hq in khateng a Rs 10,000/- FMPB kiang a peta ding ahihban ah Field thak ading a poimoh vanzat tuamtuam man ding a sum atuat a Rs 1,37,500/- poimoh ahihdan HQ in hon zaksak pansan in motorcycle khat Rs 50,000/- man leh tukum sung akhateng a thohzah kimkhat (Rs 5000x2 = 10,000/-) piak ahi. EBCC, Central Delhi-te Vehicle Project a panpihna din Rs 1 lac piak ahi. EBCC Shillong-te Biakinn lam pailel panpihna ding in Rs 30,000/- a huh ahi. GBC apan computer zatding kitaksap ziak a ngetna hong pai Rs 25,000/- a panpih ahi. HQ vaisaina a Lamka a Pastor’s Training cum Seminar a vatel pastor sumguan Rs 10,000/- piak
ahi. Pastors’ Fellowship makaih a Missionary Day zatna Rs 10,521/- seng a sponsore ahih ban ah Himachal Pradesh a Kinnaurte lak a chialpina bawl ding toh kisai a Pastor James Minlun, EOC apan panpih ngetna muh dungzui in Rs 2000/- piak ahi. December kha nipini masa AIDS Sunday chi a zatding a HQ in hon theihsak dungzui in SHALOM te toh zatkhawm ahi. October 01-14 sung Music Training program zat a om ah sinsaktu in Mr. Khamchin Tunglut, EBC Music Promoter hong pang hi. Departmental Joint Fellowship 2vei (April 2 & December 31) neih in om.
Moonlight Ministry in Aug 21, 2011 in 5th Moonlight Co-Action Training Centre (MCATC) Anniversary zatna hun ah course zou mi 6 kiang certificate pekhia hi. EBC HQ in Aug 22, 2011 nitak inkuan vai a zat ding chi a theihsakna a bawl uh a zangthei liai in zat ahi.
Nisim 29/01/2011 Practical Training on BREAKTHRU LIVING chih thupi zang in kisinsakna om. Hiai hun ah International Training Alliance/ Wycliffe Bible Translation a kum 30 vel ana semta International Preacher John King in sinsakna pia a Life Dimensions & Core Values, Dreams for the Future, Setting Goals & Plans of Action chihte sinsak hi.
PAST COMMITTEE MEMBERS: TUALSUNG BAPTIST SAPTUAM UPA COMMITTEE (TBSUC)
26.07.1992 – 31.03.1993
Chairman G Damsomthang
Vice Chairman Tuanmuanthang
Secretary Hausuanthang Guite
Asst. cum Fin. Secy. Khamkhanpau Guite
Treasurer Khamkhansuan
01.04.1993 – 31.12.1993
Chairman Thangzamang Gwite
Vice Chairman G Damsomthang
Secretary Hausuanthang Guite
Asst. Secretary N Thanglawm
Fin. Secretary (L) Khamkhanpau Guite
Fin. Secretary (T) Khamkhansuan
Treasurer Haukhum Hauzel
Members K Ginkhanthang
N Chinzakhup
S Biakthang
Tuanmuanthang
01.01.1994 – 31.12.1994
Chairman Haukhum Hauzel
Vice Chairman G Damsomthang
Secretary Hausuanthang Guite
Asst. Secretary Khamkhansuan
Fin. Secretary (L) Khamkhanpau Guite
Fin. Secretary (T) N Thanglawm
Treasurer Thangzamang Gwite
Members K Ginkhanthang
N Chinzakhup
S Biakthang
Tuanmuanthang
01.01.1995 - 31.12.1995
Pastor Paukhanmang Guite
Chairman Haukhum Hauzel (8.7 tan)
N Chinzakhup (8.7 apan)
Vice Chairman N Chinzakhup
Secretary Hausuanthang Guite
Asst. Secretary Khamkhansuan
Fin. Secretary (L) G Damsomthang
Fin. Secretary (T) Khamkhanpau Guite
Treasurer Thangzamang Gwite
Members K Ginkhanthang
N Thanglawm
S Biakthang
Tuanmuanthang
01.01.1996 – 31.12.1996
Pastor Paukhanmang Guite
Asst Pastor T Tunson
Chairman Hausuanthang Guite
Vice Chairman N Vumsuan
Secretary L Ngulminthang
Asst. Secretary Khamkhansuan
Fin. Secretary (L) G Damsomthang
Fin. Secretary (T) Khamkhanpau Guite
Treasurer Thianzakham
Members Dalzakam Valte
Jamkhothang
N Chinzakhup
Tuanmuanthang
01.01.1997 - 31.12.1997
Pastor Paukhanmang Guite
Asst Pastor T Tunson
Chairman Hausuanthang Guite
Vice Chairman G Damsomthang
Secretary N Vumsuan
Asst. Secretary Khamkhansuan
Fin. Secretary (L) Khamkhanpau Guite
Fin. Secretary (T) L Ngulminthang
Treasurer Thianzakham
Members Dalzakam Valte (27.9 tan)
Jamkhothang
N Chinzakhup
T Muanpu (27.9 apan)
Tuanmuanthang
Upa B Langkham
Upa Sutzachin
01.01.1998 - 31.12.1998
Pastor Paukhanmang Guite
Asst Pastor T Tunson
Chairman T Tunson
Vice Chairman N Vumsuan
Secretary Local Pastor
Asst. Secretary Hausuanthang Guite
Fin. Secretary (L) G Damsomthang
Fin. Secretary (T) Khamkhanpau Guite
Treasurer Thianzakham
Members K Ginkhankam (3.1 apan)
Jamkhothang
Khamkhansuan
L Ngulminthang
N Chinzakhup
T Muanpu (3.1 tan)
Tuanmuanthang
Upa B Langkham
Upa Sutzachin
01.01.1999-31.12.1999
Pastor Paukhanmang Guite
Asst Pastor T Tunson (29.5.99 tan)
Chairman Upa Sutzachin
Vice Chairman G Damsomthang
Secretary Local Pastor
Asst. Secretary N Vumsuan
Fin. Secretary (L) Khamchin Naulak
Fin. Secretary (T) Khamkhanpau Guite
Treasurer Thianzakham
Members K Ginkhankam
K Ginkhanthang
K Tualzapau
Khamkhansuan
Pum Chinkhup
Tuanmuanthang
Upa B Langkham
Upa Jamkhothang
01.01.2000 – 31.12.2000
Pastor Paukhanmang Guite
Chairman Upa Jamkhothang
Vice Chairman G Damsomthang
Secretary Local Pastor
Asst. Secretary N Vumsuan
Fin. Secretary (L) Khamkhanpau Guite
Fin. Secretary (T) K Tualzapau
Treasurer Thianzakham
Members Pum Chinkhup
K Ginkhankam
K Ginkhanthang
Khamchin Naulak
Khamkhansuan
Tuanmuanthang
Upa B Langkham
Upa Sutzachin
01.01.2001 - 31.12.2001
Pastor T Tunson
Chairman Upa B Langkham
Vice Chairman Upa Thianzakham
Secretary K Ginkhanthang
Asst. Secretary N Vumsuan
Fin. Secretary (L) Upa Khamkhanpau Guite
Fin. Secretary (T) K Tualzapau
Treasurer G Damsomthang
Members Pum Chinkhup
K Ginkhankam
Khamchin Naulak
Khamkhansuan
Tuanmuanthang
Upa Jamkhothang
01.01.2002 - 31.12.2002
Pastor T Tunson
Chairman Upa B Langkham
Vice Chairman Upa Khamkhanpau Guite
Secretary G Damsomthang
Asst. Secretary K Ginkhanthang
Fin. Secretary (L) Upa Thianzakham
Fin. Secretary (T) K Tualzapau
Treasurer Khamchin Naulak
Members Chinsum
K Ginkhankam
Khamkhansuan
N Vumsuan (30.8 tan)
T Roumuan
Thiankhanmuan (30.8 apan)
Tuanmuanthang
Upa Jamkhothang
V Vumlunmang
01.01.2003 – 31.12.2003
Pastor T Tunson
Chairman Upa Khamkhanpau Guite
Vice Chairman Upa B Langkham
Secretary Upa Thianzakham
Asst. Secretary V Vumlunmang
Fin. Secretary (L) Khamchin Naulak
Fin. Secretary (T) Upa K Tualzapau
Treasurer Upa G Damsomthang
Members Chinsum
K Ginkhanthang
Khamkhansuan
T Roumuan
Thiankhanmuan
Tuanmuanthang
Upa Jamkhothang
01.01.2004 -31.03.2005
Pastor T Tunson
Chairman Upa B Langkham
Vice Chairman Upa Thianzakham
Secretary Upa Khamkhanpau Guite
Asst. Secretary V Vumlunmang (24.10 tan)
Fin. Secretary (L) Khamchin Naulak
Fin. Secretary (T) Upa K Tualzapau
Treasurer Upa G Damsomthang
Members Chinsum
K Ginkhankam
K Ginkhanthang
Khamkhansuan
T Roumuan
Thiankhanmuan
Tuanmuanthang
Upa Jamkhothang
01.04.2005 - 31.03.2006
Pastor T Tunson
Chairman Upa Thianzakham
Vice Chairman Upa G Damsomthang
Secretary Upa Khamgoupau
Asst. Secretary T Roumuan
Fin. Secretary (L) Siamno Ngaihte
Fin. Secretary (T) Upa K Tualzapau
Treasurer Thiankhanmuan
Members Chinsum
H Kam Suanthang
K Biakkhanmang Guite
K Ginkhanthang
Khamchin Naulak
Khamkhansuan
Lalkhanhau
Upa B Langkham
Upa Jamkhothang
Upa Khamkhanpau Guite
Vungzamuan Valte
01.04.2006 – 31.03.2007
Pastor Khamkhanchin Ngaihte
Chairman Upa Thianzakham
Vice Chairman Upa Khamkhanpau Guite
Secretary Upa Tualzapau
Asst. Secretary T Roumuan
Fin. Secretary (L) Siamno Ngaihte
Fin. Secretary (T) Khamchin Naulak
Treasurer Upa Thiankhanmuan
Members H Kam Suanthang
K Biakkhanmang Guite
K Ginkhanthang
Khamkhansuan
Lalkhanhau
Upa B Langkham
Upa Chinsum
Upa G Damsomthang
Upa Jamkhothang
Upa Khamgoupau
Upa Khamkhanpau Guite
Vungzamuan Valte
01.04.2007 -31.03.2008
Pastor Khamkhanchin Ngaihte
Chairman Upa Thianzakham
Vice Chairman Upa G Damsomthang
Secretary Upa Tualzapau
Asst. Secretary Upa Chinsum
Fin. Secretary (L) Siamno Ngaihte
Fin. Secretary (T) Khamchin Naulak
Treasurer Upa Thiankhanmuan
Members H Kam Suanthang
K Biakkhanmang Guite
K Ginkhanthang
Khamkhansuan
Lalkhanhau
T Roumuan (7.10 tan)
T Songzalian (7.10 apan)
Tuanmuanthang (25.3 apan)
Upa B Langkham
Upa Jamkhothang
Upa Khamgoupau
Upa Khamkhanpau Guite
Vungzamuan Valte (25.3 tan)
01.04.2008 - 31.03.2009
Pastor Khamkhanchin Ngaihte
Chairman Upa Thianzakham
Vice Chairman Upa Khamkhanpau Guite
Secretary Upa Thiankhanmuan
Asst. Secretary Upa Chinsum
Fin. Secretary (L) H Kam Suanthang
Fin. Secretary (T) Khamchin Naulak
Treasurer Upa K Tualzapau
Members K Biakkhanmang Guite
Hausuanthang Guite
K Ginkhanthang
Khamkhansuan
L Ngulminthang
Lalkhanhau
Robert Suanlian
Rosangpui
Siamno Ngaihte (31.5 tan)
T Kaithang
T Songzalian
T Thangson
Tuanmuanthang
Upa B Langkham
Upa G Damsomthang
Upa Jamkhothang
Upa Khamgoupau
01.04.2009 - 31.03.2010
Pastor Khamkhanchin Ngaihte
Chairman Upa G Damsomthang
Vice Chairman Upa Thianzakham
Secretary Upa Chinsum
Asst. Secretary Upa Thiankhanmuan
Fin. Secretary (L) H Kam Suanthang
Fin. Secretary (T) Khamchin Naulak
Treasurer Upa K Tualzapau
Members K Biakkhanmang Guite
Hausuanthang Guite
K Ginkhanthang
Khamkhansuan
L Ngulminthang
Lalkhanhau
Robert Suanlian
Rosangpui
T Kaithang
T Songzalian
T Thangson
Tuanmuanthang
Upa B Langkham
Upa Jamkhothang
Upa Khamgoupau
Upa Khamkhanpau Guite
01.04.2010 - 31.12.2010
Pastor Nenglian Vualnam
Chairman Upa Khamkhanpau Guite
Vice Chairman Upa Thianzakham
Secretary Upa Kaithang
Asst. Secretary Upa Thiankhanmuan
Fin. Secretary (L) Upa H Kam Suanthang
Fin. Secretary (T) Upa Tuanmuanthang
Treasurer T Thangson
Members K Biakkhanmang Guite
Hausuanthang Guite
K Ginkhanthang
Khamchin Naulak
Khamkhansuan
L Ngulminthang
Robert Suanlian
Rosangpui (July tan)
T Songzalian
Upa B Langkham
Upa Chinsum
Upa G Damsomthang
Upa Jamkhothang
Upa Khamgoupau
Upa Tualzapau
01.01.2011 – 31.12.2011
Pastor Nenglian Vualnam
Chairman Upa G Damsomthang
Vice Chairman Upa T Kaithang
Secretary Upa H Kam Suanthang
Asst. Secretary Upa Thiankhanmuan
Fin. Secretary (L) Khamchin Naulak
Fin. Secretary (T) T Songzalian
Treasurer Upa Tuanmuanthang
Members
Cdr Lalsuonglien Tonsing (Media i/c)
Hausuanthang Guite (Table Ministry i/c)
K Ginkhanthang (Maintenance i/c)
L Ngulminthang (Liaison i/c)
N Suakzathang (Beautification i/c) (8.1.12 tan)
Robert Suanlian (Publication i/c)
T Gou Khangin (Sound i/c)
T Thangson (Suptd BCD)
Thangkhosiam Tonsing (Sound i/c)
Upa B Langkham (media i/c)
Upa Chinsum (Ushering i/c)
Upa Khamkhanpau Guite (Music i/c)
Upa Thianzakham (Maintenance i/c)
