Compiled by Mr. Thangzasiam
Secretary, 2011
Delhi khopi a ECC Saptuam sung a Khristian Tuailai Pawl (KTP) vaipaw dia teelching a omte kilepna March 10, 1994 in Pu NT Khankhup Inn ah hiai bang in neih ahi:
Chairman: Vungzamuan Valte
Vice Chairman: S Nengdoupau
Secretary: L Ngulminthang
Assisstant Secretary: N Khamchinthang
Finance Secy.: Khamchin Naulak
Treasurer: Vungsuanching
Members: G Thangchinlian, T Lianchinpau, Pumsiankim, Thanglianmang leh Vanlalruat
Tua hunlai in Delhi ah tuailai milip 82 (numei - 35 leh pasal - 47) vel pha ua, sepna nei numei 5 leh pasal 15 (total - 20) vel hi uhi. August 28, 1994 in KTP Day zat pat ahi.
Saptuam’ biakna kikhop hunte ah lapina makaih zel ua, Local Committee deihna bang in Khristian Naupang Pawl(KNP) 1995 a Department tuama hong omkhiak matan KTP (D) in Superintendent khat makaih in Naupang Sunday School etkai toh thuah ahi.
1995-96
T-shirt 150 bawlsak a zuak ahih ban ah April 29, 1995 in ITNA ANNKUANG luina nei in sum kimute tungtawn a Hollow Guitar leh Master Key project sepsuah in om. Tuailai’95 a ding ECC Headquarter in Rs 5000/- hon bituk uh piakzoh ahi. ECC Kumsim khawmpi lian a Pastor ding teelna ah T. Tunson, KTP(D) Chairman hilel, teelching in om.
Missionary H Kamzathang’ sihni, July 9 pen ann-ngawla thumna hun a zang in ann neek taang sum kitawi khawmte Headquarter ah kithon hi. August 27, 1995, KTP DAY in tuailai-te makaih in Gospel Tract 6000 vel hawmkhiak ahi. November 18, 1995 in Mt. Carmel School, Anand Niketan ah TUAILAI MEET kizang a, Gospel fellowship ban ah indoor leh outdoor game-te kinei. Hiai hun toh kituak in KTP(D) lukhu kibawl hi.
Local Committee deihna bang in KNP leng KTP in enkaitou. Nipini biakna ah tuailaite Usher in kipang a, Local Committee in sep/bawl ding hon piakte kisemsuah zel. Christmas ni neek-le-taak a kisai ban ah video coverage kibawl hi. Hiai ni mah in member Lamka khopi a omkhate’n Lam-etna Mun (LRRC), Bungmual a omte toh Pathian min a kithuah khawmna vanei uhi.
1996-97
Tukum thupi din “Delh In, Na Pha Ngeingei Di” (I Samuel 30:8) telkhiak ahi. THEN SINGS MY SOUL chih minvuah La Bu, 200 vel kibawl khia a, Pastor in October 13, 1996 in latna nei. Pa N.Chinzakhup Inn, Sector-V, R.K.Puram ah lazilna kiginni teng in kinei zel. Saptuam’ Ni poimohte ah phatna lapawl kisa zel. Tukum a tuailai milip 181 (numei -63 leh pasal -18) pha.
November 16 - 17, 1996 in Mt. Carmel School, Anand Niketan ah TUAILAI MEET zat hi a, Local Pastor Rev.G. Paukhanmang leh Assistant Pastor T. Tunson sinsakna in “Tuailai Leh Koppih Zonna” chih seminar kinei. August 11, 1996 in Delhi hong tungthak tuailaite kikhoppihna hun a zat hi a, Pastor in amaute ading biikin thumsakna nei. Siamsinna a final examination leh civil service mains exam dingte thumsakna Local Pastor in hon neihsak. August 25, 1996 in Free Church, Green Park ah KTP Day kizang a, KTP(D) Chairman leh Adviser in thugenna nei uh. Hallo! Tuailai ’96 Fellowship chih minvuah in, Pastor toh tuailai Area Fellowship giat (8) a kikhente kiveh suak hi.
Assistant Pastor T. Tunson in Dan Siangthou zi hon neih lopsakna in beel lian khat kipia. Local Committee in khateng a Pathianni nihna a biakna programme bawl leh pitu hihna tuailaite khut a March 10, 1996 apan December tan hon pekhia ua, tu kum sung in Tuailai Day tel in biakna programme 11vei kibawl kha. Pathianni tenga Ushers in kipang.
1997-98
Tukum thupi ding in “Pathian pomtak hiding a nangmah kipe dingin theihtawp suah in kisin in.” (II Timothy 2:15) chih telkhiak ahi.
Saptuam biakna kikhop teng ah usher nna kisem zel a, tukum in kikhopna programme 5 vei kibawlkha hi. Pathianni kikhop tawp chiangin lazilna leh fellowship toh gam-le-nam damna ding in thumkhawmna kinei zel a, Pa N.Chinzakhup, Rev. T. Tunson leh Pa Khamkhanpau te’n a inn uh hon zangsak zel uh. Tukum sunga sum muhsuah ding leh zat ding Rs.15,000/- kibituk a, newspaper luite kaikhawm a zuak, ballpen bawlsa zuak, name plate hahsiang chihte apan sum kimu hi. Tg. Paukhanmung Guite in Pathian min thupina ding leh phatna thupi sem tuailaiten apiaktheihna ding in electric guitar khat leh amplifier – cum - sound box lianpi hon pia hi.
Tuailai Day October 18 - 19, 1997 sung kizang a thu-le-la a kidemna, talent tuamtuam lahna kinei. Delhi ECC saptuam a om apan a khat veina din December 23, 1997 in Christmas carol kipai a, tuailai mi 77 vel kihel uhi. Inn 19 kipha a nitak dak 6 apan a zingchiang zingkal dak 7 tan zang uhi. August 12, 1997 in Theological Research and Communication Institute (TRACI)-te vaisaina a India Independence Golden Jubilee toh kiton a gamsung vaihawmte leh mipite adia thumsak/thumpihna Constitution Club ah tuailai hunkhop kitel. December 14, 1997 in North-East Christian Fellowship Joint Service, Mavalankar Auditorium a om ah tuailaite mi 50 vel kitel leuleu.
1998
North leh South Delhi-te ah Pastor’ makaih in Bible Study khatvei tuak kinei hi. October 17-18 sung Tuailai Day kizang a, thu-le-laa a kitaitehna leh kithuahkhawmna hun in kizang. Kha khat hala Biakna Kikhop Programme khatvei zel KTP in kibawl zel. Nipini chiangin Ushering nna a kisep zel banah la/solfa zilna kinei zel hi. Saptuam hun pite ah lapawl leng sak zel ahi.
Missionary Day (May 7) in Missions Committee toh kithuah in khopi sung mun tuamtuam ah Gospel tracts hawmna kinei hi. ZCF Raising Day lapawl toh va ki-uap. May 24, 1998 in unau Hmar Fellowship-te chial in hun kizangkhawm hi. April, 11 leh December 5, 1998 a North East Christian Joint Fellowship omte ah lapawl ava kisak ban ah Ushering leh Volunteer lam ah pan va kila.
AIR/Doordarshan ah December 3 leh 15, 1998 in recording va kibawl hi. Christmas Carol nei in mun tamtak kipha. Fund Raise na ding in Exercise Book 500 ki bawlsak in kizuak ngal hi. Music Project dungzui in Saptuam a ding in Hollow Guitar khat kilei khia hi.
1999
Thupi ding “Rooted and Built up in Christ” (Col 2:7) chih zat ahi
Pathianni Biakna Programme 2 vei kibawl hi. February 21, 1999 (Sunday) in Rev. K.S. Hong (South Korea) in thugen a, August 8, 1999 (Sunday) in a Delhi hong paithak tuailaite kikhoppihna hun kizang. October 31, 1999 in Mount Carmel School ah Tuailai Meet kizang a Local Pastor Paukhanmang leh Adviser P.C.Guite apan thugen ngaihkhiak ban ah thu-le-la a kitaitehna tuamtuam om a, tua ni tana Bible sim saupente kiang ah pahtakman piak ahi.
Pathianni Biakna Kikhop tawp chiang in Prayer Fellowship kinei zel hi. Ban ah Rev. T. Pumzathang, Ph.D scholar, USA leh Rev. Dr. Gin Neihthang, Missionary to Thailand te JNU ah Special Fellowship kineihpih in dot nop tuamtuam dotna hun a zat ahi. July 11, 1999 in Tuailai Missionary phamsa H. Kamzathang suunna hun leng kizang hi.
October 8, 1999 in Tuailaite’ inntekna in Camp leh Nupa Seminar a ding liauliau in zankhovak thumna Thianzakham’ inn ah mi 34 vel paikhawm te’n neih ahi. “Evangelistic Youth Camp” Oct.15-19, 1999 sung Mount Carmel School ah kinei a camper 168 (numei-57, pasal-111) tel in, pianthak mi 24 leh kilatthakna nei mi 108 pha hi. December 31, 1999 in 20th Century mangpha khakna leh Millenium thak vaidawnna Mid-Night Service pa N. Thanglawm inn, Khirki Extn. ah zat in om.
February 28, 1999 Zomi Christian Fellowship Foundation Day leh Thanksgiving Ceremony hun ah lapawl toh vaki-uap. December 11, 1999 a North-East Advance Christmas hun ah tuailaite lapawl 2 toh kitel.
February 25 leh April 2, 1999 in tuailai 30 vel leh Music Band khat in Doordarshan ah Good Friday la recording kibawl. December 17, 1999 in Doordarshan ah Christmas lapawl kikhum nawn a, December 22 nitaklam 5:30 p.m in DD-I ah khahkhiak in om. Tuabang mah in, December 24, 1999 in Star Plus te’n Dwarka a Biakinn mun ah tuailaite Christmas dia kisakkholh lai shooting hong bawl ua, Christmas Ni zingkal dak 7:00a.m in suah uhi. CNYCC te hon ngetna bang in Christmas leh Kumthak Lopna lapawl zilna akimakaih ban ah, December 21, 1999 in President of India in Christmas Carol Programme a bawlna ah tuailai 38 vel in lapawl kisa. Huai hun ah Vice President, Prime Minister leh Sonia Gandhi te leng kihel uhi.
Tu kum tuailai mi 400 val kipha. Saptuam’ Biakna Kikhop hunte ah Ushering nna kiseem ngiitngeet. October 13-14, 1999 Nupa Seminar hun ah tuanvai leh usher in kipang bok. Biakna Kikhop hunte ah lapi a pan ahih ban ah, Saptuam’ Ni poimohte ah lapawl kisa zel. KTP (D) T-Shirt kibawlsak Delhi a zuak ahihnung in a omlai Calcutta, Mizoram leh Manipur ah thotkhiak ahi. Ms Pausawmching, May 1, 1999 a Delhi a pasal nei, leh Haukhum Hauzel, October 16, 1999 a Delhi a Dansiangthou a zi nei, kipahpihna bawl ahi.
2000
Thupi “Tuailai Gahsuah” (Kol 1:10) ahi.
Biakinn kikhop teng ah la pina neih ahih ban ah Ushering mohpuakna sep leh etkai ngiitngeet ahi. Saptuam’ Ni poimoh teng ah Special Number leh lapawl kinei suakvek. Mission Centre/Biak Inn honna ah eipau mahmah a phuah la sak a ki-ut ziakin laphuah sapna kibawl a, Singngat a om Pa Kam Khogin’ la phuah kitelkhia hi. La lam ah khantouh zawksem deihna in Light Choir bawl in Kiginni tamzawte la zilna in Jamthian Mung, T. Songzalian, Thianzakham leh N Thanglawm te’ in kizang. Nagate lapu N. Mozhui sinsakna nuai ah kum dang a om ngei nailou staff notation zilna neih ahi.
ZCF Thanksgiving Day leh Unau Joint Fellowship Good Friday Programme ah lapawl va kisa a NEC Joint Fellowship lapawl toh a ki-uap ban ah, Usher mohpuakna va kisem hi.
Tuailai kikhop 4 vei kinei a, kidemna tuamtuam sai ahi. Pathianni kikhop tawp chianga Fellowship neih hizel. Lasak khawmna, sharing, discussion, leh thumkhawmna/kipahthu genna khawng kinei hi. Students Prayer Cell a convener dia seh ahih dungzui in prayer cell makaih ahi. Tuailai Box (bawm) kihawm a, avangkim in asum va kaihkhawm hizel. Thesis/desertation type a kiloh, van tuamtuam zuakna a commission leh mi phatuam ngaite apan kaihkhawm sum muhna tangpi ahi.
2001
Thupi ding in “Dare To Be Different” ( II Korinth 6:17) zat ahi.
Tuailaite Zone/Group 10 in kikhen in mahni lemtaang bang zelin fellowship akineih zel ban ah, khateng in khatvei Biak Inn ah Joint Fellowship kinei zel. October 20 – 21, 2001 sung Tuailai Day kizang a, “Effective Personal Management of Time and Money” leh “Christianity, Tradition & Modernity – The Dilemma” chih thupi zang in Rev. Dino L. Touthang in thuhilhna nei hi. Ban ah, “Involving God in Decision Making” chih pansan in Tuailai Day message Rev. Ricky Medom in luikhiakna nei. Souvenir Tuailai Beacon honna leng Local Pastor Rev. T. Tunson in nei.
Biakna/fellowship dangte toh kitanau semna ding ngimna in hiai kum sung in Guest Speaker mi 5 Rev. Khupzagou, Pastor, Z.C.F, Delhi, Jeremy Dawson, Pastor, D.B.F, Delhi, Rev. Daniel Gangte, Chaplain, G.C.F., Delhi, Rev Dino L. Touthang, General Director, EFICOR, Delhi, leh Rev. Ricky Medom, Chaplain, N.C.F, Delhi kichial hi. April 10, 2001 leh October 20, 2001 in Doordarshan ah Good Friday leh Christmas Lapawl recording kibawl. India Independence Day (August 15, 2001) ni in New leh Old Delhi Train Station-te ah Gospel Tract copy 10,000 kihawmkhia. Hiai hun ah Dorka Pawl in thumna toh honna nungthuap uhi. Mission Committee Outreach programme, December 22, 2001 hun ah tuailaite’n lapawl in va ki-uap hi. November 25, 2001 a JNUCF Christmas
programme lapawl toh va ki-uap.
December 2, 2001 in “Praise the Lord Oh! My Soul” chih theme a zang in, First Gospel Music Festival Biak Inn ah kinei. Hiai hun ah Music Band 20 vel in phatna la 40 phial sakhe ziahziah uhi. December 31, 2001 nitak in tuailaite makaih in Biak Inn ah midnight service zatkhawmna kinei. Kumlui khakna annkuang sawkkhawm in, lenkhawmna, kipolhlimna, meditation hour leh New Year cake cutting chihte neih ahi.
Jamzachin Ngaihte, Operation Mobilization (O.M)-te missionary dia kuan, kipahpihna in Rs. 1000/- a kipiak ban ah thumna toh kikha hi. Biak Inn kemtu leh tuailai pih Khamchinthang Hangzo in hon sihsanna ah lapawl toh kikhakhia. Tu kum sung a Delhi ah Dansiangthou a kiteng P.H. Laldonglian leh Babie Chingzasiam kipahpihna thilpiak leh lapawl in ki-uap hi.
2002
Thupi dia zat “Khristt Batna Nei a Khang” (Ephesate 4:10-15).
Biakna kikhop teng ah Ushers ding seh/etkai leh la pitu a pang hizel. Saptuam’ Ni Poimoh teng ah Lapawl kinei suak vek hi. Area Fellowship-te ah Nehemiah leh Mosi character suutna/sinna kinei hi. Tuailai tengteng Group 5 a khen in, Joint Fellowship neihzel ahih banah kum danga om ngei nailou English Worship Service 5 vei kinei hi. October 19 – 20, 2002 sung tukum thupi pansan in Tuailai Day progamme kizang a thugentu dingin Mr. Raj Kumar kichial hi.
Tuailai Beacon- II suahkhiak ahih ban ah BYF T-Shirt bawlsak in zuakna kinei hi. “Tuailai Takheh” chih minvuah newsletter 2 vei leh Gamchiam 3 suahkhiak in om. Nam dam nanga zankhovak thumna neih ahi. Advance Christmas-cum-Music Festival, EBCC Biak Inn ah kinei hi. Nemneihkim in Opeation Mobilization (O.M)-te laka Pathian’ nnasem dia a kipiakna kipahpihna in ‘itna thilpiak’ kipia a, Pathian thu-le-la in khakna kinei hi.
August 15, 2002 in Pastor’ makaih in Delhi Cantonment a Kirbi Place kichi mun ah Outreach Programme vakizang. Naupangte’n skit lahna nei in, tract hawmna leng kinei hi. NECF Joint Advance Christmas Programme ah Lapawl va kisa. Germantown Baptist Church ten Delhi a “Worship” tungtang Seminar hong neihna uah tuailai hunkhop kitel. Unau EOC a kikhawmte vehna khatvei kinei. NECF Joint Advance Christmas Programme ah Reception, Ushering leh Security nna va kisem.
2003
Thupi dia zat “Build Up One Another” (Juda 20)
Tuailaite Area 10 a khen in, fellowship leng mahni Area lemtaan dan banga neih zelzel ahi. Pathian gam nnasepna a mi toh sepkhawm tamsemna dia kisakkhawlna in Area teng kigawm in English Joint Fellowship kha khat in khatvei ah kinei zel. Tuailai Day zatna ding in September 28, 2003 in kipan a, October 18 – 19, 2003 in Topic nih pansan in Seminar a kisai ban ah kidemna thu-le-la chi 10 kinei.
Bible pumpi simsuak sawm in Area Fellowshipte amau tandi kihawmsak dimdiam a Area khenkhatte’n mahni tankhakna portion busuah uhi. Lapawl zilna Kiginni chiangin a neih zel hi a, tuate Saptuam’ Ni Poimohte ah kisa zel. EBCC Hqtr. a Music Promoter Rev. Thangminlun Mangte Delhi a hong zin, October 19, 2003 in Tuailai Pawl in Pathian min a kithuahpihna leh houlimpihna kinei. October 14, 2003 a EBCC, Delhi Biak Inn a Kamhau Vualnam leh Lalthanpuii Pachhuau kitenna hunah Tuailai Pawl in phatna Lapawl leh thilpiakin kiloppih hi.
BYF min in eipau Christmas Card 150 bawlna leh zuakna kinei. Emmanuel Hospitals Association (EHA) te’n Tuailai Beacon hon sponsor sak ua, HIV/AIDS lam focus a nei in November 30, 2003 in honna kinei hi. December 16, 2003 in Siri Fort Auditorium ah North East Advance Christmas zatna om a, Tuailai Pawl in Pathian phatna lapawl toh vaki-uap hi. Banah, December 19, 2003 in mi 60 velte zan khovak in Christmas Carol kipai a, Christmas thukhah leh phatna lasakna va kinei.
Independence outreach programme zang in Aug 14, 2003, in Tihar Jail veh ahi. EHA in Gospel Tract honpia in Camera hon zangsak ua, Good News Centre in gari honthoh in Prison Fellowship of India in permission hon ngaihtuah ban uah thugentu in kum 15 suangkul tangsa Evan N.A. Rajan hong pang hi. Jail a suangkul tang mi 10000 vel lak a Gate No. 3 huamsung a om 2300te kiang ah Tangthupha tangkoupih in mi 33 kihoh a, tuailaiten gospel skit leh cultural dance lahna leh tumging toh phatna lasak nei uhi. Dec. 23, 2003 nitaklam dak 3-5 kikal in Tihar Jail Gate No. 5 ah Outreach Program kinei nawn a, mi 30 kipaikhawm a, tangmi 1500 mai ah tuailaiten Christmas la Hindi a sa in, naupangten shortplay a lah ban uah Pastor Daniel Kumar in thugenna nei hi.
2004-05
Theme: “Douna Hoih Tuh Dou In” - I Timothy 06:12.
February 29, 2004 apan Pathianni kikhop tawp chiang in Joint English Fellowship neihzel ahi. August 8, 2004 in Delhi hongpai thak tuailai pihte vaidawnna programme kizang a Pastor in amaute ading biik a thumsakna nei. “Fight the Good Fight” chih thupi a nei in, Tuailai Day October 17, 2004 kizang a, thugen in Dr. Rev. Yashwant Singh pang hi. December 17, 2004 in Advent Christmas-cum-Musical Night zat ahi.
February 22, 2004, ZCF Thanksgiving Day ah lapawl vakisa. Christmas Carol in Missions Committee toh Palra Children (Orphanage) Home leh St Mary (Old Age) Home, Civil Lines te kiveh. Dec. 10, 2004 in St Stephen Hospital in Advance Christmas a zatna uh lapawl toh va ki-uap a, Bible quiz ah kidemna ah John Thawmte, Langbiaklian leh H Kam Suanthang-ten khatna la uhi.
Tuailai Box BYF member teng kianga hawm ban ah BYF Joint Fellowship chianga thohlawm don hizel. Committee member Thangzalun Khuptong leh H. Kam Suanthang ten Dan Siangthou a zi a neih uh uh kipahpihna in programme kizatpih a, kipahpihna thilpiak leng kipia. Tuailai Beacon 2004 suahkhiak ahi. March 18, 2005 in Doordarshan ah BYF in Good Friday leh Easter Sunday Special Programme a ding Phatna Lapawl recording va kibawl.
2005-06
Lapawl zilna khateng a Pathianni nihveina leh li veina (2nd leh 4th Sunday) a neih hizel. Sum muhna ding in May 1, 2005 apan mipi kikhop tawp chianga theitui zuak zel ahi. Ban ah, tuailaite 378 kiangah Talent kihawm.
August 14, 2005 mipi biakna kikhop hunah tuailai Delhi hong paithakte vaidawnna neih ahi. Thugentu ding in Pa Lalkhanhau leh Pa H. Kam Suanthang zat hi uh. “Tuailai Mahni Kitoudelh” chih thupi pansan in, October 16, 2005 in Tuailai Day zat ahi. Thugen in Rev. Dr. Nengkhanthang pang a, Muanniang Tunglut’ pina nuai ah “The Purpose of Life” (Mihing Hinsan) chih thupi tungtawna Discussion hun leng zat in om. December 10, 2005 in Advance Christmas-cum-Musical Night neih hi a, Christmas zatna ding Biak Inn cheina bawl ahi. ‘Follow-Up Tuailai 2005’ chih pansan in February 19, 2006 in BYF Joint Fellowship kinei. Dec 2-6, Tuailai 2005 Lamka a zatna ah BYF Delhi in drama skit & Lapawl vakisa. December 3, 2005 in ‘The Joint Christmas Celebration 2005 & The North-East Food Festival’ ah lapawl leh drama lahna va kinei.
2006-07
Theme: “Tuailai Mahni Kitoudelh”
BYF Prayer Fellowship Area-wise a kibawl pen sutzop touh hi a, amaute toh joint fellowship neih hizel. November 5, 2006 in BYF Committee member-ten D. Ginthianmang, Martial Artist toh fellowship leh houlimkhawmna hun kizang. December 2, 2006 in Advance Christmas-cum-Musical Night zatna kinei a thilpiak lakkhawmte Evan. Totawng sepna, Uttam Nagar a tagahte kepna inn “Mercy Home” a naupang omte kiangah Christmas gift lei/piakna in kizang.
March 19, 2006 in Pastor T. Tunson leh ama mun luah dia hong pai Pastor Khamkhanchin Ngaihte toh kipolhkhawmna hun zat ahi. Saptuam’ Ni poimohte ah lapawl sak hi zel. Delhi a hongpai thak Tuailai memberte Vaidawnna programme August 13, 2006 in kinei a T Kaithang leh H Kam Suanthang in thugenna hun zang uhi. Tu kum thupi pansan in, October 15, 2006 in Tuailai Day zat hi a, thugentu in Pastor Khamkhanchin Ngaihte pang hi.
Andrews Bible Camp Oct 25-29. 2006 sung Papi Camp kinei ah organize tu in tuailaite kipang. ZCF, Delhi a Youth Department in T-shirt a bawl uh zuaksak dia hon ngetna bangun zuaksak hi a, Thanksgiving
Day Ni lapawl toh va ki-uap. September 2, 2006 a Mr. Donglianthang Tonsing leh Ms. Chingmuankim Saptuam Dan Siangthou a kitenna uah usher dia hon chialna bang un semsuah ding om bangbang vasem in BYF min kipahpihna thilpiak leng kipia hi.
2007-08
Theme: “Pathian Naih Un” (Jakob 4:8)
Tukum in Tuailai Box kihawm nawn. Tuailaite Area Fellowship 16 a kikhente Committee in vehsuak ban ah Veng khenkhat a fellowship ana nei ngei nailoute fellowship va kipatpih hi.
Ngeta om bang in Aizawl EBC souvenir “EBENEZER”, “GBC Praise –III: Shout to the Lord”, ZCF Bangalore Directory, ZCF Delhi Silver Jubilee Souvenir chihte kizuaksak hi. Hiai term sungin Committee member Rousangpui leh Mangnou Ngaihte, in Dan Siangthou in koppih nei ua, amaute kipahpihna thilpiak kipe tuak.
BYF Melthak Vaidawnna kikhop August 12, 2007 in neih ahi. “Pathian Naih Un” chih thupi a nei in, October 14, 2007 in Tuailai Day zatna om a Local Pastor Khamkhanchin Ngaihte in thugen hi. December 15, 2007 in Advent Christmas programme kizang. Message Pastor T.K. Lian, Asst.Pastor, ZCFD in agen ban ah, chial a om bang un EOC leh ZCF apan tuailai hunkhoptak in lapawl leh special numbers toh hong uap uh. Orphanage “Only Grace” ading thilpiak lakkhawmte Committee in behlap in, Rs. 5000/- leh Santa Cap (lukhu) hunkhoptak December 22, 2007 in Lamka ah vapiak ahi.
2008-2009
Theme: “Rekindle the gift of God which is in you” (II Timothy 1:6-7)
Lapi: “Nang teekteek hong deih”
Area Fellowship neihzom zel hi a, Committee in amaute vehsuakna leng kinei hi. Area Leader-te leh Committee member-te’n leng fellowship kineikhawm zel. Sum muhnang toh kisai in tuailai milip kianga Tuailai Box hawm in, tuate Area Leader-te’n hon kaikhawm zel uh.
Saptuam’ biakna programmete ah Area Fellowship te’n khateng a kikhel in la pi na hon makaih uh. Delhi hong paithak tuailaite vaidawnna August 10, 2008 a neih ahi. Pastor Khamkhanchin in thugenna leh thumsakna hun zang. October 18-19, 2008 sung Tuailai Day kizang a Rev.(Dr.) T. Pumzathang in mi lohchingte hihna (characteristics) hon suut pih banah “Forgiveness” chih thupi pansan in thugenna hun la.
ZCF Youth Department 10th Anniversary, September 28, 2008 a lopna ah lapawl toh va ki-uap. Friends Missionary Prayer Band (FMPB) Conference (October 3-5, 2008) sunga volunteer/usher dia organizer te’n mi hon nget ziakun tuailai hunkhop in tua nna sem in vaki-uap. Hiai Conference tel dia hong hoh EBC Central Choir-te toh kithuahkhawmna hun October 5,2008 in kizang. Advance Christmas “Musical Nite” December 13, 2008 in kizang a local pastor in thugen. EOC, ZCF, VCF leh NTBC a tuailaiten leng hong uap uhi.
2009-10
Theme: “Khrist Nungzui Muanhuai” (Luka 9: 57-58)
Lapi: “Nang Na Omna Nuam”
Project Nehemia: Zodawn siamsinna puahphatna dia tuailaite'n panlak theihna ding in EBCC Mission Skul-te phungvuh hoih kisa in Project khat patkhiak hi a, “PROJECT NEHEMIA” chih minvuah ahi. Pathian’ hauhsakna muangin, Project budget Rs. 10,0000/- (Lakh khat) bituk ahi. Project a ding biik in Box bawlsak hi a, a lunglut leh awlmoh peuhmah te'n chiklai peuh a panpihna a piak/khiak theihna ding uh ngiimna leh lam-etna toh Biak Inn nunglam ah kikoih zel a, tuailaite kiangah Tuailai Box koih in, hiai apan muhsuahte peuhmah Project phungvuhna dinga zat ahi. Tuailai Day, 2009 in table clock hoihtak bawlsak in, tuailaite laka zuakna kinei. Mission skul panpihna poimoh diakte Director(I) tungtawn in kizongkhia hi.
August 16, 2009 in Delhi a siamsinna, sepna leh nna tuamtuam toh kisai a hongpai thak tuailaite vaidawnna progamme zat ahi. Hiai hun ah thugenna hunpi local Pastor in azat banah fresher-te adia thumsakna nei. ‘Student Life’ leh ‘Local Guardian-Ward Relation’ chih topic based a thugenna Muanniang Tunglut leh L. Ngulminthang in hon nei uhi. October 17-18, 2009 sung Tuailai Day zat in om, kidemna tuamtuam sai ahi Pastor in thugenna hunpi zang. Hotdamna Chialpi, November, 2009 sunga tuailai chialpina hun poimoh tak kinei. “Na Pathian tuak dingin mansa in om in” (Amos 4:2) chih thupi in kinei hi. December 5, 2009 in Advance Christmas programme kizang a pastor in thugenna nei hi.
Delhi veng tuamtuam a tuailai omte Area 15 in kikhen a, Leader ding guang chiat in, tuate makaih in Area chih a fellowship kinei touzel. Amaute BYF Committee in ban vehna neih ahi. Saptuam’ biakna kikhopnate ah Music Department leh toh kithuah in Tuailai Area Fellowship te’n la pina hon makaih uhi. ZCF, Delhi in ‘Youth Icon’ kichi lasak kidemna sai ua, huai a teldia Delhi BYF apan participant hon nget bang un B. Haulaljohn, BYF ai-awh a teldia seh hi a, aman tua kidemna ah thumna (Third place) vala. February 20, 2010 a ZCF Anniversary/Foundation Day programme zatna ah BYF min in lapawl toh va ki-uap. Tuailai pih Thuamzalal leh Christy Chingbiakkim, Chingmuansiam leh Pausonlian, BYF Chairman hilel, S. Thuambiaklian leh Sangi-te Dan Siangthou a kitenna BYF min in va ki-uap a, kipahpihna thilpiak leng va kipia.
2010
Theme: “Na Vaak uh Mite’ Muh in Taang Hen” (Matt. 5:16)
Zodawn siamsinna phuahphatna nnasep, Project Nehemia-II chih min vuah sunzom in Budget- Rs. 1,00,000/- (Lakh khat) guan ahi. Tuailaite Area Fellowship 10 a khen in, mahni Area chiatah fellowship lamzang takin kinei tou zel. Committee amaute vehsuakna khatvei kinei.Saptuam’ calendar a khateng a Pathianni 5 om khaknate a 5th Sunday pen tuailaite programme in kizang zel. Melthak vaidawnna August 8, 2010 in kinei hi
October 16-17, 2010 sung Central Delhi a tuailai pihte toh Tuailai Day ki zangkhawm. Ni masa pen kidemna hun, leh Ni nihna mipi biakkhawmna a zat ahi. Kidemnate - Bible Chang Action, “Gospel Centenary zoh ah bang?” chih pansan a Topical Sermon, Mi li lapawl (Quartet), Khutsiam silbawl leh Photography. Banah, Area chih apan special item tuamtuam lahna leng om. Thugenpi dingin Local Pastor kizang.
I gam a tangthupha honglutna kum zakhat chinna, Gospel Centenary Lopna programme, Delhi a Saptuam tuamtuam kigawm a zatna hun ah BYF in Saptuam min in lapawl ki present. December kaal masa Tuailai 2010 khawmpi ah BYF Delhi min in tuailai bangzah hiamte va kihel ua, Opening Night (December 2, 2010) in musical drama kilak. Organizing Committee in hon nget dungzui un, Delhi BYF apan Kimremmawi leh E. Henthiangin te December 4, 2010 a kikhopna hun ah compere in va pang uhi.
BYF Asst.Secretary, Stephen T.Songchinmuan in September 26, 2010 in honna mualliam san. A luang puandum a tuam in, “Tul Ngeilou” chih lapawl toh khelah takin ki khakhia. October 5, 2010 in a innkuante tenna R.K.Puram Sector –VIII ah BYF Committee member-te’n a gaalna nei in kal va kisuan. Pathian min in programme saulou va kizang a, lusunte thuakpihna leh amah theih gigena dingin thilpiak Almirah kipia.
Joy Thanglian in Lamka a Saptuam Dan Siangthou a zi aneih va ki-uap a, kipahpihna thilpiak leng va kipia. BYF Finance Secretary M. Pauminsang leh Ningngaihlun te Lamka a Saptuam Dan a kiteeng ua, amaute kipahpihna thilpiak Committee member omkhaten va kipia. February 20, 2010 a EBCC Delhi a kiteng, Committee member Pamngaihvung leh L. Chinhaugou te leng phatna lapawl toh ki-uap banah thilpiak kipia hi.Hiai programme ah tuailaite ushering, phatna lapawl in ki uap.
2011
Theme: “Toupa a kihihhaat” (Isai 40:30-31)
Kum thumna din PROJECT NEHEMIA kisunzom in Rs.1, 25, 000/-kibituk a, BYF, Central Delhi inleng Rs.25,000/- hon bituk utoh kigawm in Total Project Budget Rs. 1,50,000/- guan ahi. Hiai muhsuahna dingin Area chih a tuailai milip kiangah ‘Tuailai Box’ kikoih a, Area Leader-te’n khateng in hon dong gige ua, Project T-shirt kibawlsak tungtawn a summuh leh TBSUC panpihna toh, Director of Institutions, EBC HQ apan work proposal kimu dungzui in, panpihna kipia hi.
Tuailaite Area Fellowship tuamtuam 10 a khente March 26, 2011 apan June 11, 2011 sungin khatvei vehsuakna kinei. Hiai hunte ah, Adviser & Pastor in tuailaite thu manpha taktak toh challenge na a neihzel banah, city life a niteng experience-te tungtawna Khristian tuailaite heetkha issues, queries leh doubts tuamtuamte toh kisai houlim khawmna (interaction) om zel. Area khenkhat vehna ah Missions Committee apan heutu bangzah hiamte leng hong tel uhi.
Saptuam’ Ni poimohte ah lapawl, medley action song, leh thugenna in ki-uap zel. February 6, 2011 in naupang, piching a lut thak mi 6 (pasal 4 leh numei 2) te toh programme kizang khawm a, Upa H. Kam Suanthang in hasotna leh kipahpihna thugenna hun zang.
August 7, 2011 Meelthakte Vaidawnna hun in kizang. Meelthakte ading biik leh tuailaite adia thumsakna leh thugenna hun Upa T. Kaithang in zang. BYF makaite, Area khenna, Area Leaders/Asst. Leaders, Projects/Year Plan etc. tuanna handout meelthakte lak ah kihawm. September 24, 2011 in Biakinn ah BYF, Central Delhi-te toh Joint Fellowship kizang. Tuailai-te apan phatna la ngaihna, leh Bible a Who’s Who a kidemna kinei a, thugen ding in Rev. Ram Khaning, Pastor, Dwarka Community Church kichial a, aman tuailai’ huna nungak-tangval kaal (relationship) a sianthouna a poimoh dan gen.
Tu kum a Bible simsuak tuailai mi 9-te E.Thonsuanmung, L.Chinhaugou, M. Lamlun, Paukhanthang Buansing, Ruth Nemliankim, Chingremmawi, Vungbiakmawi, Kamthianlal Valte leh Kimbiakmuan Ngaihte kiangah kipahpihna piak chiat ahi. Nipi Skul final exam a Honours Certificate muzou tuailai mi 5-te E.Thonsuanmung, Chingoulian Guite, S.Thangbiaksang, Zenlianmawi, leh T. Jambiakmang leng kipahman piak ahi uhi. Chingngaihlun leh Mr. K. Anbalagan, August 10, 2011 a biak in a akiteen uh kipahpihna in BYF in programme zatpihna nei in thilpiak kipia hi.
Tu kum thupi a pansan in, October 15-16, 2011 sung TUAILAI DAY, 2011 zat in om. Kidemna tuamtuam kisai a Khristian tuailaite’n niteng hinkhua a tuah leh phuutkhakte uh pansan a houlimna hun zat ahi. Thugenpi ding in Pastor Nenglian Vualnam pang. December 17, 2011 in ‘Christ Centered Christmas’ chih thupi a nei in Advance Christmas-cum-Coffee Night, Central Delhi leh Dwarka tuailaite’n kizang khawm. Leenkhawmna, tuailai lasiamte apan Christmas lapawl, duet/quartet ngaihkhiak hi a, mittai huai leh lungsim khoih Musical Drama, Short Skit (Silhouette) chihte lahna leng om. Pastor in Christmas Challenge/Message genna hun zang a, Coffee Night ahihtoh kiton in, phalbi khovot nuai ah coffee dawn in Christmas cake limtak kine. Laisiangthou sinna a kalsuan tuailai Ruth Ngaihte (Calcutta Bible Seminary a M.Div Final Year sinlel) leh Loisy Vungtanching (Tokyo Christian University a B.Th sinlel) kiang ah thilpiak kipia.
Saptuam’ biakna programme-te ah BYF in ushering mohpuakna len touzel in Area chih apan Usher ding kisep zel. March, 2011, in 2010 leh 2011 a Area Leaders/Asst. Leaders teng toh Pathian min a kithuahkhawmna kinei. Pastor V. Nenglian in heutute adia thumsakna nei a, Leader luite’n a experience ua pan thu manpha taktak hon share ban uah, a thakte apan mahni fellowship tup-le-ngiimte genkhawmna, open discussion hun zat ahi. Tuailaite adiing biik fellowship poimoh sakna om ziakin, amasapen dingin May 8 leh July 17, 2011 in BYF Joint Fellowship kizang. Tuailaite Area 10 a kikhen te’n mahni lemtaan’ bang chiat in fellowship kinei zel. Ban ah, mahni Area chiat in Project tuamtuam- guitar/khuang, labu bawl, group outing/tour, advance Christmas programme - khawng bawl in semsuah uh. Tuate tungtawn in, tuailaite’n Pathian thupina dingin lam tuamtuam ah pangkhawm in, khat-le-khat kihihhaat tuah zel ahi.
TUALSUNG BAPTIST YOUTH FELLOWSHIP (TBYF)
/1994 - 1995
Chairman Vungzamuan Valte
Vice Chairman S Nengdoupau
Secretary L Ngulminthang
Asst. Secretary N Khamchinthang
Fin. Secretary Khamchin Naulak
Treasurer Vungsuanching
Members G Thangchinlian
Pumsiankim
T Lianchinpau
Thanglianmang
Vanlalruat
Adviser NT Khankhup
/1995 - 96
Chairman T Tunson
Vice Chairman N Vumsuan
Secretary L Ngulminthang
Asst. Secretary Khamchin Naulak
Fin. Secretary Piangrouding Ngaihte
Treasurer Thuamkhoman
Members K Khamminthang
Pumsiankim
T Roumuan
Vanlalruat
VL Roui
Adviser NT Khankhup
/1996 - 97
Chairman T Songzalian
Vice Chairman Pum Chinkhup
Secretary T Lianchinpau
Asst. Secretary T Roumuan
Fin. Secretary Piangrouding Ngaihte
Treasurer P Ngailiankim
Members Chiinngaihlian
K Khamminthang
Pumsiankim
V Jamthian Mung (May apan)
Vanlalruat
Vungzamuan Valte
(5.96 tan chairman)
Adviser V Dalzakam
/1997 - 98
Chairman Khamchin Naulak
Vice Chairman Pum Chinkhup
Secretary T Lianchinpau
Asst. Secretary K Khamminthang
Fin. Secretary Piangrouding Ngaihte
Treasurer Vanlalruat
Members Pumsiankim
Chingthanmawi Kullai
Helen T Chingsiam
P H Laldawnglian
T Benjamin
Adviser L Ngulminthang
/1998
Chairman Khamchin Naulak
Vice Chairman V Siamzading
Secretary K Khamminthang
Asst. Secretary N Khamchinthang
Fin. Secretary Piangrouding Ngaihte
Treasurer Chingthianvung
Members Augouching
Chingthanmawi Kullai
Helen Chingsiam
K Vungzamawi
PH Laldawnglian
Pumsiankim
T Benjamin
T Thangson
Vanlalruat
Adviser Upa B Langkham
1999
Chairman K Vungzamawi
Vice Chairman P H Laldawnglian
Secretary T Lianchinpau
Asst. Secretary K Nengliansiam
Fin. Secretary H Kam Suanthang
Treasurer Augouching (25.9 tan)
Members Chingthanmawi Kullai
Benjamin Thanggoumang
(25.9.apan)
N Vanlalsiam
Pumsiankim
T Benjamin
T Luaizakhum
T Thanghnun
T Thangson
Thangzalun Khuptong
Vanlalruat
Adviser Pum Chinkhup
/2000
Chairman T Roumuan
Vice Chairman K Vungzamawi
Secretary H Kam Suanthang
Asst. Secretary Kamhau Vualnam
Fin. Secretary V Jamthian Mung
Treasurer Chingthanmawi Kullai
Members Hoihnu Hauzel
N Ngailianching
N Vanlalsiam
Ningngaihvung
Piangrouding Ngaihte (26.2 tan)
Roselyn Luni Tonsing
S Lalengzau Ngaihte (26.2 apan)
T Luaizakhum
T Thangson
Thangzalun Khuptong
Adviser Tuanmuanthang
/2001
Chairman T Roumuan
Vice Chairman S Lalengzau Ngaihte
Secretary H Kam Suanthang
Asst. Secretary Kamhau Vualnam (Sept 01 tan)
T. Lianchinpau ( Sep 01 apan)
Fin. Secretary Vanlalruat
Treasurer Chingthanmawi Kullai (Sept 01 tan)
Thiankhokim (Sept 01 apan)
Members Joan Roumawi
K Vungzamawi
Liankiamlou Guite
N Ngailianching
N Vanlalsiam
Roselyn Luni Tonsing
T Thangson
Thangzalun Khuptong
Thuamkhoman
Adviser Upa Thianzakham
/2002
Chairman H Kam Suanthang
Vice Chairman Vanlalruat (23.3 tan)
Secretary K Vungzamawi (23.3 tan)
Asst. Secretary T Thangson
Fin. Secretary N Vanlalsiam
Treasurer Ngaihman
Members Chingpi Tonsing (23.3 tan)
Chingthanmawi Kullai (30.8 apan)
Chinkhanlun Guite
Josh T K Mang (20.7 tan)
K Biakkhanmang (20.7 apan)
Liankiamlou Guite
M Lamlun (23.3 apan)
Mangzapau Suante
N Ngailianching
P Biakkim (23.3 - 30.8 kikal))
Rachel N Guite (23.3 apan)
Roselyn Luni Tonsing
T Lianchinpau
Thangzalun Khuptong
Adviser Upa B Langkham
/2003
Chairman H Kam Suanthang
Vice Chairman Liankiamlou Guite
Secretary T Thangson (25.10 tan)
Asst. Secretary T Lianchinpau
Fin. Secretary K Biakkhanmang Guite
Treasurer Roselyn Luni Tonsing (9.11 tan)
Members Chingthanmawi Kullai (25.10 tan)
Chinkhanlun Guite (20.8 tan)
Chinkholian (25.10 apan)
Hoihthianmuan (5.1 apan)
JH Ginmung Guite (20.8 apan)
M Lamlun (9.11 tan)
Mangzapau Swante (18.1 tan)
N Ngailianching
N Vanlalsiam (5.1 tan)
Ngaihman (5.1 tan)
Niangneihkim (9.11 apan)
P Biakkim (25.10 apan)
P Langbiaklian (18.1 apan)
Rachel N Guite
Rousangpui (9.11 apan)
Stephen T Songchinmuan (5.1 apan)
Thangzalun Khuptong
Adviser Pastor T Tunson
/2004 - 05
Chairman H Kam Suanthang
Vice Chairman K Biakkhanmang Guite
Secretary T Lianchinpau (Mar 01 tan)
Rousangpui (Mar 04 apan)
Asst. Secretary Rousangpui (Mar 01 tan)
M.Gouzamang Guite (Mar 01 apan)
Fin. Secretary P Langbiaklian
Treasurer P Biakkim
Members Hoihthianmuan
JH Ginmung Guite (11.1 tan)
Lamthianmuan Guite (11.1 apan)
Liankiamlou Guite
N Ngailianching
Niangneihkim
Rachel N Guite (25.4 tan)
Stephen T Songchinmuan
T Chinkholian
Thangzalun Khuptong
Vungthansang (25.4 apan)
Adviser Pastor T Tunson
/2005 - 06
Chairman P Langbiaklian
Vice Chairman T Thanghnun
Secretary Rousangpui
Asst. Secretary M Gouzamang Guite
Fin. Secretary Muanniang Tunglut
Treasurer P Biakkim
Members B Mangnou
Chingmuankim (9.7.05 apan)
Chingmuansiam
Jacqueline Hauching (9.7.05 tan)
John Thawmte
Liankiamlou Guite
Pumsuanlal
S Lianlalmuan
T Hauginlian
Vungthansang
Adviser Pastor T Tunson
/2006 - 07
Chairman Rousangpui
Vice Chairman P Langbiaklian (9.9.06 tan)
Secretary T Thangson
Asst. Secretary Thangkhanlal Ngaihte
Fin. Secretary Chiinngaihlian
Treasurer Chingmuansiam
Members B Mangnou
Ginlalmuan (9.9.06 apan)
Muanniang Tunglut
P Biakkim
S Lianlalmuan
T Hauginlian
T Lianchinpau
T Pumsuanlal
T Thanghnun
Vungthansang
Adviser Khamkhanchin Ngaihte
/2007
Chairman Rousangpui
Vice Chairman T Lianchinpau
Secretary S Lianlalmuan
Asst. Secretary H N Muanlal
Fin. Secretary Helen T Chingsiam
Treasurer Mary C Hangzo
Members B Mangnou
Chinghoihkim
Ginlalmuan
Muanniang Tunglut
S Thuambiaklian
T Thanghnun
Thangkhanlal Ngaihte
Thuamzalun Thawmte
Vungthansang
Adviser Khamkhanchin Ngaihte
/2008 - 09
Chairman T Lianchinpau (24.1.09 tan)
Vice Chairman P Khamkhanthuam
Secretary S Lianlalmuan
Asst. Secretary Thangkhanlal Ngaihte
Fin. Secretary S Thuambiaklian
Treasurer G Biakching
Members Ginlalmuan
H N Muanlal
Helen T Chingsiam
Joy Thanglian
Mary C Hangzo
Muanniang Tunglut
T Hauginlian
Thuamzalun Thawmte
Vungthansang
Adviser Khamkhanchin Ngaihte
/2009 - 10
Chairman S Thuambiaklian
Vice Chairman Thangkhanlal Ngaihte
Secretary S Lianlalmuan
Asst. Secretary Joy Thanglian
Fin. Secretary Mary C Hangzo
Treasurer G Biakching
Members Chinkhansiam Tunglut
E Henthiangin
Gladys Manthianching
K Ginmuanthang
Niangngaihmang (Oct. 09 apan)
Pamngaihvung
Stephen T Songchinmuan
T Hauginlian
Thuamzalun Thawmte
Vungthansang (Oct. 09 tan)
Adviser Khamkhanchin Ngaihte
/2010
Chairman S Thuambiaklian
Vice Chairman Thangkhanlal Ngaihte
Secretary S Lianlalmuan
Asst. Secretary (L) Stephen T Songchinmuan
(26.9 tan)
Fin. Secretary M Pauminsang Guite
Members Chinkhansiam Tunglut
E Henthiangin
G Biakching
Jenny Ngailunman
Mary C Hangzo
Ngailianching
Phunggoutan Guite
T Hauginlian
Thuamzalun Thawmte
Vungroukim
Adviser Pastor Nenglian
/2011
Chairman Ginthanlian Valte
Vice Chairman Thangkhanlal Ngaihte
Secretary Thangzasiam Paite
Asst. Secretary E Henthiangin
Fin. Secretary David Nengsonlian
Members Chinkhansiam Tunglut
G Biakching
Goulal Hangzo
Jenny Ngailunman
L Chinhaugou
Mary C Hangzo
Ngailianching
Phunggoutan Guite
Thuamzalun Thawmte
Vungroukim
Adviser Pastor Nenglian
/2012
Chairman L Chinhaugou
Vice Chairman Ginthanlian Valte
Secretary Thangzasiam Paite
Asst. Secretary Muanthang Ngaihte
Fin. Secretary Kimremmawi
Members Bliss Chinglianniang
David Nengsonlian
G Biakching
Haumuanlun Samte
Lalsuanmang Naulak
Nancy Chinghoih
Ngailianching
Phunggoutan Guite
Thuamzalun Thawmte
Vungroukim
Adviser Pastor Nenglian
