A spiritual life without discipline is impossible. Discipline is the other side of discipleship.
-Henry Nouwen
EBCC Delhi biakna kikhop ah TOUPA hehpihna zar in mithak/ melthak hong kikhawm, Pastor deihtak in ‘Jesu Khrist min a’ ana vaidawn di om zeuhzeuh hi. Kipahhuai. PTL! Tua i gente laka tel (Good Friday, 2011 a hong kikhawm) tuailai nih tawh, biakna kikhop pel lam ah kithuahna (informal meeting) hun saulou mu thei zenhouh ung, TOUPA hoih hi. Tua hun ah, sawm kholh or kidawpkholh hi hetlou napi, kou innkuan leh TOUPA hakkol baatpih Upa Kaithang te nupa tawh hisawnsawn. Nuam.
Tuailai mi nihte tancin tomkim taklang aw –
TG. THANGBIAKMUANG GUITE
1. Zoar veng, Bungmual a om Pa Thangkhogin leh Nu Vungzangai te kal a piang, Tg. Muangboi in Ebenezer Academy, Lamka apan Class X, 2001 kum in zoukhia. B.Th. zomtou in Faith Baptist Bible College & Seminary, Kerala ah June 2001 khabul in lut. B.Th. zou, aban zomtou in 2007 kum in M.Div zoukhia. 2008 June khabul apan Koinonaia (G) Bible College, Pune ah Lecturer in seemtou a, International Graduate School of Leadership, Philippines ah M.Div. ban zil theihna di hamphatna ngah. Tu in, i gen Leadership School ah M.Th. (OT) sin in omlel hi. Philippines a tun nunga Rev Nenglian,
Upa Kaithang, hiai laigelhpa, leh midang tamloute a khak e-mail nisim 17/5/11 taklang ni (kitheihtuah semna di’n): Pathian ompihna leh noute thumpih na zar in dam in Philippines mun ka tungta. Kal nawn ciang a pan in Fresher Integrated Training ka pan di uh. Huai zoh ciang in Semester ka pan ding uh hi.
Thumna ah ana phawk zel un aw!
Kipak e, - Thangbiakmuang Guite, Manila, Philippines.
2. Mr Muangbawi in bang gen? “Sum-le-pai (kipiak) sanga thupi thumna (thumna a kiphawk-tuah) ahi.”
LIA MUANI TOMBING
1. Hebron veng, New Lamka a om Pa T Kaisiam leh Nu Ngaikhoniang te kal a piang, Lia Muani in Rayburn College, Lamka apan Class X (2002) leh Class XII (2004) in zoukhia hi. Kor-in Theological College & Seminary, Bangalore ah 2005 kum in B.Th. zom, zou; March 2010 in M.Div. zoukhia [M.Div. course zawhkhiakna dia a submit paper: “Study on depression and its implication for the pastoral care and counseling in EBCC Manipur.” Wow]. June 2010 in Delhi hongpai, BCD sinsaktu khat in pang. Delhi a a-om sung in sepna mun nih ah mu – (i) Zion Baptist Bible College, Khrishna Dist., A.P. ah leh (ii) Asian Theological College & Seminary (Serampore), Warrangal Dist., A.P. Tua amuh lecturer post nihte lalou; “Rhema” for Asia organization zom zaw in July 6, 2010 apan Andhra Pradesh state a namniam, Dalit (outcaste) te lak ah Lia Muani lut hi.
2. Lia Muani in Skul pansan a va seem (uh) ahihdan gen kawmin, “Nam mawltak ahilai ua, khedap buhna chang le thei nailou uh, innkong khawnga giak, inn bang le chabi a kalh cih om seselou...” ci. Lia Muani houlimpihna a hong lang, lungkhoih khat ahihleh, Class XI a zillai E.U. a piangthak, Staff Nurse sep a, a khalawh akipan mi (missionary) chawm di cih lungput a neih pen, TOUPAN ‘amah’ tektek deih ahihlam a theihtel cia, a hoihpen (mikhat adia tuailai
hun) TOUPA piak kisiik omlou diing ahi, ci-a risk na la (na kipia), Bible seminary a lut - kisiiklou mah hidan ahi. TOUPA min phat in om hen!
“Lailung muanna nuam, lungsung khawlna nuam, Ka kha ah kitheihna nuam; Tuipi lauhuai ah Jesu’n hon houpih, Lauhuai tui kihawt adaai” ci thei khangnou/ tuailai te tawh kithuah nuam in manpha hi. Unaute Tg Muangbawi leh Lia Muani, thuzak zom nuam hiam kup (beh) nop nei i om leh
