GRACE BIBLE COLLEGE
TUMA, TU & TUNUNG DING
Rev. V. Khamvum, Chaplain | Grace Bible College
THUMASA: I saptuam heutu masa te’n thumna, khitui, leh ngaihtuahna tampi seng in Bible
School neih dingdan ngaihtuah in Toupa’ khebul ah hun tampi ana zang uhi. I Saptuam:
Laisiangthou sinsakna bang a akhan a, paidan diklou leh sinsakna diklou apan kikep
siangthouna ding in Laisiangthou sinna i poimoh mahmah uh ahi. Huai dungjui in July 04,
1981 Dorcas Hall huangsung ah, Rev. Lalngaisang in honna leh siansuahna ana nei hi.
Tuazoh in Dorcas Hall sawng nuai ah C. Th. leh G. Th., Paite pau a sinna kipan hi.
ASIA THEOLOGICAL ASSOCIATION (ATA) POMNA: GBC hong din a kipan in saptuam a semtu:
Pastorte, Upate leh Skulpute’n hong sin siau siau ua huai in saptuam ah theihna thupi tak
ngah kia hilou in paidan hong kidangsak zou a, tuni tan saptuam a bitna hiaiziak ahi a
chihtheih hi thupi i sa mahmah hi. Dec. 7, 1991 ni in GBC mun leh mual ding in tua i mun uh
leikhiak ahi a, Rev. David G. Hornberger, Director of Missions, ECC in honkhiakna leh
siansuahna nei hi. 1993 Fall Semester a pan B. Th. Sinna sappau in pat ahi. Nov. 6, 1993 in i
munthak uah Rev. T. Jam Khothang, Executive Secretary, ECC in latna leh honna a neih toh
kiton in i Bible College Dorcas Hall apan in hiai mun thak ah kisuan hi. 1992 in Basic
Training Course (tua Ministerial Training Course) kipan hi. Hiai course bel saptuam kem upa
leh a lunglut mite awlmohna a kipan ahi. Kum 2000, Fall Semester in M. Div. Degree tan,
Asia Theological Association in a hon pomsak hi.
GBC APAN GRADUATETE LEH A SEPNA UH: Tuni chiang in, saptuam in thumna- khitui, thilpiak
leh sinsaktute kuhkalna gahsuah in GBC apan graduate hiai bang in muhtheih i neita uhi.
Toupa’n thupina tang hen!! M. Div. 209, B. Th. 271, G. Th/D. Th. (1981-1999) 97, C. Th.
(1981-1997) 82 leh BTC/MTC(1991-2010) 157. Avek a gawm in 816 pha hi.
Tuchiang in GBC apan amau sinna chiat zou a, mun tuam leh gam tuamtuam a Toupa’ gam
nasem a kalsuan tampite’ ziak in Toupa min phat in om hen! Haleluiah! Tulel in gam
tuamtuam China, Bangladesh, Thailand, Bhutan, Tibet leh Nepal bang ah leh India sung
Karbi Anglong, Manipur, Punjab, leh Arunachal Pradesh ah kapkawm a buhchi kuankhiak
pih tampi om uhi. Tuate’ ban ah FMPB, IEM, OMF, MVM, YCLT leh SIM khawng ah
Toupa nasem in tampi a kikhen uhi.
PATRON MEMBERS: Grace Bible College hiai tan i tuntheihna hi saptuamte’ thumna leh
thilpiakte’ tungtawn a Toupa’ Hon pina ahi. Mun tuam, gam tuam a saptuam bing in college a
honna te ah sap-tuam milip leh tualsung saptuam in naupangte vak/chawmna leh pro-ject
tuamtuam ah theihtawp in panla uhi. Pathian hehpihna in GBC in in-tek leh deihsaktu
member tuam-tuam hiai anuai a bang in a nei hi:
Special Patron Member
@ Rs. 5,000/- apan tunglam - Mi 33
Group Patron Member
@ Rs. 1,000/- chiang - Mi 92
Page 2 of 4
Individual Patron Member
@ Rs. 500/- chiang - Mi 1049
Memorial Gift Patron Member
@ Rs. 400/- chiang - Mi 254
Life Patron Member
@ Rs. 300/- chiang - Mi 475
Gawmkhawm - Mi 1903
GBC a Patron member list i et veng veng leh “Tualsung Saptuam leh Mimal mal te’n a zak
ding zah uh zalou leh a theih ding zah uh theilou a diam” hon chisak hi. Bible college a itlou
leh deihsaklou lah hilou, a awlmohlou leng hilou napi a, kisukha theilou adiam hon chisak hi.
Pathian hehpihna in Tualsung Saptuam hi in Mimal hitaleh naupang 2/3 chawm/vak zou ding
Pathian vualzawlna ngah tamtak i om uhi. Midang tampi’ sang a deihsakna leh dinmun
hoihzaw neite’n kiphaltak a GBC a na hong kihel chiang un Naupang Chawmna, Hostel leh
Dormitory te kilawmtak hong suak dia, Medical Clinic chihte hong kipan ding hi. Huai hun
chiang in naupangte Khalam, Lungsim lam, Siamna, Pumpi Chidamna leh Theihna a khanna
leh pichinna i ngah ding uhi.
ATA guidelines dungjui in hun paisa ah, admission thu ah nawngkaina ana omkha mahleh
tuni chiang in tua buainate hihfel ahita hi. Huan admission leng ATA Guidelines zui in strict
deuh a neih ahi. Tukum 2011 a kipan GBC a sintu, naupang hiai anuai a bang in om hi.
Master of Divinity 32, Bachelor of Theology 59, Diploma in Theology 5, Certificate of
Theology, x, Ministerial Training Course 72. Avek a gawm in 168 pha hi.
GBC HIV&AIDS Home Based Care Project: GBC HIV & AIDS Home Based Care
Project kum 2007 apan kipan khia hi. Hiai Project ahihleh Tearfund te huhna nuai a, GBC leh
EBC Tualsung saptuam pangkhawm a nna kisem ahi. Hiai Project in a tup ahihleh
Churachandpur leh akiim-akiang a teng HIV/AIDS in ahihkhak mimal leh a sungkuante uh
salam leh khalam a kep ahi. Tulel in Staff 5 in sem uhi: Miss K. Nianghoihching Project
Coordinator, Mr Jamkho-mang Guite, Accountant, Mr H. Thangzasiam, Counselor, Mrs
Chingmuankim Nurse, Mrs Chinglalkim Nurse Aid.
Nasep Tangpite:
1. Nutritional Support: Khateng in mi 65 kiangah Nutritional support, beneficiaries (kep
a omte) nek & tak hoih piak ahi. Hiai pen saptuam a Core Groupte’ tungtawn bang,
ahihkeileh a inn uah piak ahi. Veng khenkhat ah Core Group member ten ana hawm
chiang un fellowship toh nei khawm ua, beneficiaries ten kipahpih mahmah ua,
phatuam mahmah chi uhi.
2. Schooling Support: Naupang 35 te kiangah Schooling support kipia a, hiai naupang
khenkhatte HIV hik paikha bang ahihkeileh nu-leh-pa a vei khate tate ahi uhi. Hiai
schooling support in a huam khak ahihleh admission fee, tuition fee leh laibu man ahi.
3. Provision of Equipment (Nasepna ding vanzat piakna): Siamgatna Khawl mi 4 kiang
ah training sak zoh ahih nung un piak ahi uhi. Khat kiangah puankhuina khawl piak
ahi. Hiai in a tup ahihleh amau leh amau nekzonna ah a panpih theihna ding leh
innmun pansan a nektak zonna bawlsak ahi.
4. Micro Finance: Nuai ah numei 5 leh pasal 5 kiang ah sum 5000/- kipia a, hiai pen in
amau a nekzonna ding uh kipatna dia zatsak ahi uhi. Hiai pen khateng a dinkik in a
kum nawn chiang a midang inle a phattuampih theihna ding ua zatsak ngim ahi.
Page 3 of 4
5. Family Attendee Training: Damlou kemte’ sungkuante leh a enkoltute piak ahi a, a
damlouh hun chiang ua entuam leh kem siamlou a om mai lou a bangchi kep ding leh
sungkuante poimohna damloute adia theihsakna dia zat ahi.
6. Group Meeting: Beneficiaries (kep a omte) te group a khen in amau toh kibangte koih
khawm in kithuah khawmna neihpih ahi. Hiai hun ah amau lak a khat/nih thu gensak
in, a lawmte uh hanthawn tu in pansak ahi.
7. Core Group Training: Tualsung Saptuam 13 apan core group member mi tamlou toh
pangkhawm in kep a omte a inn uah bang kikhoppihna hun zang in khateng a NS
(Nutritional Support) piak amaute khut a kinga ahi a, mun khenkhat ah saptuam a core
group memberte tungtawn in i kepten hon thuzak thei zel ua, core group training chi
in memberte thupi tuamtuam pansan in sinsakna kipe zel hi.
8. Home Visit and Counselling: Counselor in Khalam, taksa leh lungsim lam ah
counselling na neihpih zel hi. Nurse leh Nurse Aid te’n inn vehna nei zel in a poimoh
hun uah damdawi pe jel uhi. Home Based Care ahih mah bang in inn vehna tungtawn
in damloute kep zel ahi.
9. Attendant Assistance: Damlou kep ngai, a kemtute thaman piaksak chihna ahi. Mi
khat damlouhna ziak a, a nekzongtu pen a kemtu a hong pan chiang a nektak zong
ding a paikhe man nawnlou ahihman in kipia hi.
10. Referral Support: Beneficia-ries ten damlouhna a tuah chiang ua sum-leh-pai nei kei
mah le uh leng a ki-etsak theihna ding un Consultant Doctor chi in Dr. V.C. Pau leh
Dr. T. Nengkhanmang ki zang hi.
11. Nursing Care: Beneficiaries (kepte) te lak a damlou hong om chiang un damdoi a
thawn in hawm zel ahi. Kietsakna lai hon tawi ua kipat a damdoi piak ahi uhi.
12. Integral Mission: GBC students te Integral Mission subject tawisak ahi ua, hiai in a
tup ahihleh a maban a kalsuanna ding ua panpihtu muanhuai leh damloute laka nasep
dan a siamna ding ua zilsak leh HIV/AIDS tungtang diktak zilsakna ahi.
13. Scholarship: HIV/AIDS in a hihkhakna mun apat hong paite scholarship piak ahi ua,
amaute’n a sinna uh a zoh hun chiang ua a sinsaktu a pang ding ua thop leh zilsak ahi
uhi.
14. Catechism on Christians and HIV & AIDS: EBC Mission schoolte ah zilsak ahi a,
class VI apan a tung lamte’n a zil uhi. Tukum apat in EBC Lamka South Division leh
Lamka North Division sung ah Nipi Skul naupangte lak ah biakinn 6 ah kizilsak hi.
Hiai laibuta in a tup ahihleh naupangte lak ah theihna dik piak leh bangchi leh kikep
siangthou ding banah mundang apan hilou in Pathian thu toh pangkhawm a theihna
diktak piak ahi.
15. Church Mobilization: Biakinn 13 te toh kithuahkhomna neih a, GBC HIV&AIDS
Home Based Care Project tungtawn a i mikep-te’n bang haksatna tuak a, bang bang
kithuahpihna poimoh uh hiam chihte genchet zel ahi.
16. Evangelistic Week: Schooling Support piak naupangte lak ah chialpina, a school
khawl sung un neihpih ahi a, hiai tungtawn in nau-pang 17 in Jesu Kris Hondampa
ding in sang uhi.
Page 4 of 4
Nasep Gahsuah Muhtheihte:
1. Project Beneficiaries minih in Ministerial Training Course (MTC), GBC apan zou
khia uhi.
2. Saptuam dan siangthou akiteng kop nih om uhi.
3. Siamgatna khawl mi li leh puankhuina mi khat kiangah piak ten a nasepna gah uh lou
theita uhi.
4. Micro Finance piak aom mi sawm ten amau sep theihna lam chiat ah zang thei uhi.
5. Catechism Khristiante leh HIV/AIDS laibuta tualsung saptuam guk ah naupang
Sunday school ah zilsak ahi.
6. EBC Mission school ah Catechism on Christian and HIV/AIDS zilsak ahi.
7. Fellowship, Project benefi-ciaries, Core Group leh Pastor te toh neihkhom ahi a, hiai
te tung tawn in khalam ah kiphawk thakna tampi’n ngah loh uhi.
8. Sunday school naupangte lak ah Catechism Kristiante leh HIV/AIDS examna a hih
hoih tungtuan (90 tunglam mu) te kiangah kipahman piak ahi.
GBC TEACHING & NON TEACHING STAFF:
Kum 2011 Spring Semester a kipan in GBC ah semtu kikheng bangzah hiam om a, tulele a
semtute hiai anuaia bang ahi.
1. Rev. Dr. Kamkhanthang Principal.
2. Rev. Dr. V. Ginsianthang Vice Principal
3. Rev. Dr. Luaichinthang, Liaison Officer
4. Rev. V. Khamvum Chaplain
5. Mr. T. Damkhothang Dean of Students and Warden
6. Mr. Pauthianmuang Registrar
7. Miss Grace Ngaihvung Lect. & Coordinator, MTC
8. Mr. V. Thanggoumang Library Asst & Lect.
9. Dr. G. Suankhanhau Lecturer
10. Mr. Gideon Singh Lecturer
11. Mr. Suresh Singh Lecturer
12. Mr. Lalchungnung Lecturer
13. Mr. Dina Chandra Lecturer
Non-teaching staff:
1. Upa K. Ngilzakhup Head Clerk & Accountant
2. Mrs.Manniang UDC (Academics)
3. Upa H. Tualdouthang UDC
4. Mr. H. Chinsuanlal Computer Operator
5. Upa T. Ginzathang Peon leh Chowkidar
6. Mrs. Ningkhanching Janitor
7. Mr. L. Paukhanmang Driver
8. Mr. T. Chinkhanlian Cook
THUKHITNA: Hun paisa ah GBC hang in saptuam kalsuanna ah lamzanna lianpi ana om
man in heutu, college ana makaihte tung ah kipahna a lian hi. Hatzoh louhna leh lungkiak hun
na om jel mahleh saptuamte’ thumna leh thilpiak tungtawn in Toupa’n hon tung ding jel a,
Toupa’n thupina tang hen! Hun hong pai jel ding ah, saptuam in a totkhak ding hun haksa leh
lungjinhuai om jel mahleh i Bible College hi Vak bang a i paijel na ding lampi kawkmuhtu
ahih jel theihna ding in Thumpih ni. Maban ah Thumna, Thilpiak tamsem leh Awlmohtu
tamsem, tualsung saptuam leh mimalte’ apan sepkhawmna khut taklam leh kithuahpihna
sangjaw lam-en in, kon ngen uhi.
