Toupa’n a Saptuam Delhi a EBCC mite hon pi leh hon makaih mahmah chih muh theih in om a, lamdang sa in, hiai ah tamlou taklang leng I chi hi. A hon makaihnate I gelh kim thei keia, mihing hihna ziakin. Himahleh theih khak liai teng tomchik in kon taklang hi.
Toupa’n hon lem sakpih ahi ding Dt.25/4/2010 in EBCC Central Delhi Saptuam hon patpih a, tuni tan hon makaih tou den a, chik mah a hon taisan ngei lou tuh ana hi taktak hi. Kikhopna mun ding Biakin taktak mah lungngulhna bei thei lou in Dt.28/06/2010 ni’n Christ Methodist Church Biakin ngetna (lai) piak in om hi. Hun bangtan hiam ki vei nungin 26/06/2011 a zat theih dingin hong om ta hi. Hiai CMC Biakin bel 1931 apan tuni tan amau lou midang jang sak lou ua, ei pawl a va zatpih masapen hi hang ei . Toupa min phat hang.
Huchi kom kal ah, Dt. 28/06/2011 in EBCC Central Delhi Saptuam kem dingin Pastor G. Kamzamuan piakin ki-om nawn hi. Amah Saptuam School ah kum 12 sem, EBCC Zion, New Lamka ah kum 3, Nepal Mission field ah kum 3, ban ah, Amsterdam ah M.Div kum 3 va jil khin phet ahi. Tu’n a zi leh atate 2 toh, leh a naupa zi toh dt.22/7/2011 in Delhi hong tung uhi, Toupa hoihna toh.
Tua (Pastor) a tenna ding inn (Pastor‘s Quarters) thak kuamah luah ngei nai louh DDA Flat R Block-80-A, Dilshad Garden, Delhi-95 piak in ki om nawn hi (Inn neitu in leng ana luah nai hetlouh ahi). Toupa na thupi lua hi kou dingin, chih louh theihlouh ahi, Toupa na thupi lau hi.
Tuma kum sawm bang paita ah, North Delhi (DU) lam student te kiang lam a Asst. Pastor or (Chaplain) neih ding lung ngulhna ana lian mahmah tuni tan si thei lou pen, hichi lam a Toupa’n hon pi dan ana hi chih in om thakthak hi. Tuin Pastor G. Kamzamuan & inkuante’ tenna ding Pastor Quarters bel Dilshad Garden a Jhilmil Metro Station apan khe a tom chik pai a tun jiang na mun ahi. Hiai mun apan DU, Rohini, Gole Market, Minto Road, Central Delhi, South, Mayur Vihar, Vaishali leh Noida tan Metro a tuangin tung thei vek ding hi ta zen ei, nuam lua tel. Tua Biakna mun CMC direct a tung tou thei ding hi zomah lai nuam hina tel ee . Toupa tung ah lungdam na lian hi.
Huaiziakin, Toupa’n I lungngulh lel takte huchitel a hon vualzawl ahihleh amah nna sep ding tel ta mai zen le hang bang zahta a thupi leh lamdang hi ding hiam? Tuni’n Toupa nna mah chi tin ten ni. (Ei pawl in). Tua bang chi thei dingin a mahmah in eite hong makaih leh, ichi hi.
“Huaiziakin, Toupa na Pathian uh it dingin pil vang pha mah2 un… Huan Toupa nna sep hoih tuak louh bang a na theih uh leh tuni’n kua na ahia na sep ding uh tel mai un.” Joshua 23:16, 24:14-15.
