KHRISTMAS, 2014 ETKIKNA
By- Upa Chinsum,
Mahavir Enclave.
Thupatna: Zomi Nam Ni, Missionary Day, Tuailai Day, Christmas, SSPP Conference, etc zat ahih cianga, a vaisaite’n a hun nawn di galdot kawma zat zawhcet prog ‘etkikna’ kichuptak neih zel di kuul leh poimawh sakna mimal lungsim na om hamtang. Tua hileh, a pikpik teng nuse kawma, a mengmeng teng (leh behlap tuakte) la-khawm a program, TOUPA’N hunpha honpiak leh, khantouhhuai leh manpha zawseem zangtou thei di; tua mah tuh path-way to growth hilai di cih ziak in. Tak-heh!
Khristmas, 2014
11AM KIKHOP: Biakinnpi kongpi bul ah Pastornu (Nu Ruati) leh Upa bangzah hiamte’n Khristmas program zang di’a hongkuante vaidawn in cibai buukna na nei uhi. Biakinn basement & balcony a mi kitu thripthrepta, 11AM ging nailou deuh… Pastor Lian in, maitaitak kawm in amun honluah, program hon patpih mai, nuam e! WT te lah kituak (ki-match) uh, Media Team inlah a’ tavuan uh zou thazawh, basement a tute le [screen a lang lim (pic) leh aw (voice) kikhah, ciangkelkel ahihmanin], biakinnpi a kai mah abang uhi; kithununtakin pulpit lama thil kihihte en kilkel in ngaikhe thripthrep uhi. Wow! Pastor sermon manpha mahmah, link kipia ah aw: http://ebccdelhi.org/resources/sermons/795-sermon-christmas-2014.html Puanlawkna omman zek hileh, Media Team leh Sound+Light i/c te pankhawmna tungtawna sepsuah Christmas program (internet) live telecase| LIVESTREAM na hamphatpih, leitung makaih mun tuamtuam, gam tuamtuam a omthei di hitah e cih in om. Ebenezer!
1.30-5.30PM LENKHAWM: Mi tamsem taakna di ngaihsun kawma biakinnpi a lenkhawm ahi. Saptuam buppi et ci’a TOUPA mit tunlouhna kitam mel… ci in, thupha tawina leh TOUPA sapna “AW NA MITE NANG LAM A HEI DI’N” sakhawm masa in, tua pen mimal kilatkhiakna/ thumkhawmna in zui. Khuang 1 (Saptuam in khuang 2 nei kisakleh 1 nei I na hi ua!), leh tumging vanzat dang keyboard, guitar tawh, lavek/ lagen nu nihte’ vek zui kawm in lenkhawm pattouh ahi. La kaih key sang lua leh niam lua, kinsim leh olsim sak zom ahih ci’a lasak’ luang (flow) buaithei, mipi lengkhawmte’n kithuak zel cih ziakin lapi, WT in lateel & volhsa a na neihte uh sak touh masak ahi. Sharing leh la, teel hun a la (teel) deihna ziak genkhe kawm a teel nei nu leh pa bangzahhiam omte’n lenkhawm bouruak nuamsak tuan, banah midangte hinna chawm/ sukha biik mahmah hia theih ahi. Lenkhawm zaw, I ki-uktuah deuh leh nuam, basement a neihtak ahoih di maw, cih houlimna kiza zeuhzeuh.
1.30-5.30PM NEKTAK: Nektak Committee thusiamna tawh saptuam member, nek-le-dawn saina a mi tawm I kizat pen kum uh a hikha diing huci’a, Khalam thu + la a kithuahna hun uap siausiau thei di’a hunpha ngah. Meh ci 3 (Chinese, Indian & Zomi) teel theih tawh Khristmas I zat masak hun uh, banah, biakinn, a sung leh pua chei a om.. Khaw-mial nuai ah biakinn building paw-lam hongvaak phihphiah bang zaw nuam kha-na e! Biakinn huangsung’ pua, (kongmai a gam-awng ah) nek & dawn sai ahi, tua mun a naupang neudiakte kimawlna di nektak committee in hon lemgel uh uh zong fuh e! Biakinn huangsung a nekna kuang tawh kivei I omlouh uh zong thawveng leh etlawm khat ahinawn. Ahia, dawn di leh nek di laak| ngaak hun a mipi kivual (queue) sau ziaizuai pen in lenkhawm attendance leh mi pawl khatte mood effect khazek hia theih ahi. Check!
Hiai tungtang saptuam makai khat in a muhdan a genna ah, “Lenkhawm leh an nek(pah) tonkhawm theilou deuh ade aw, ka ci ve. Nikum a I hihdan bang vagen ta le’ng: kikhawmtawp lenkhawm pantou in, bangtanhiam nunga ankuang latna nei; tua khit, lenkhawmna a panglou (kong a om) te’n na ne masa uh.. amau a ven simtak ua lengkhawmte awl-awl a kipawt. Tua paidan pen kichup zaw abang” ci hi. TOUPA’N pha Asak leh kumnawn cia’h coffee/ singpi/ an dawhna mun (counter) tamdeuh hon hileh, kiphutnotna kiamsot di’n uphuai. Kikhawm tawp cet a mipi dawn pah di’a hisap pen bang tuh, dawhkan lian deuh zeizoi khawnga nou 20/30 sunsa koih a, a’ la leh a’ sunbeh pawl tonkhawm thei di’a lamet ahi. Huci mah bang in an nek hun a, menu lun deuhte counter honbeh pilhuai kha diing, I think we can, and we will, by His grace – NEXT TIME!
Thukhupna: Hici’n gelh ahi (a sappau in), “God has spoken once, twice I have heard this: that power belongs to God” (Ps. 62: 11). Toupa mizat Oswald Chambers in hiai na ci: We can all see God in exceptional things, but it requires the growth of spiritual discipline to see God in every detail. Never believe that the so-called random events of life are anything less than God’s appointed order. Be ready to discover His divine designs anywhere and everywhere. [www.myutmost.org]. Dik mahmah kha diing hi. Tua (Oswald Chambers) thugen za, zom leh metpih mimal khat ciat hi di’n simtute, TOUPA thupha! Na na vek un kumthak cibai aw. Lungdam.
------
01.01.2015.
