MI TENGTENG TAWH KITUAHNA LEH SIANGTHOUNA – I
Upa Chinsum
Camp: Bungmual.
“A person may claim to be a born again Christian, but if no positive changes take place in him and he continues his old habits and vices, most probably he is not truly born again... all born again Christians are expected and ought to be good, honest and righteous in their behaviour or conduct (Matt. 12: 33 refers).” – Upa H Chin Khenthang, Shillong.
Kha Siangthou theihsak in Hebrute kianga laikhak gelhtu’n, “Mi tengteng tawh kituahna leh siangthouna delh un, huai siangthouna lou in kuamah in TOUPA a mukei diing uhi (12:14) na ci hi. Mi tengteng tawh kituak omsun, Thu sa hongsuak, za-a-za Pasian leh za-a-za mihing Jesu Khrist ahi. Tua mawhna neilou Pasian’ Tapa Jesu Khrist’ itna in azawng-ahau, aneu-alian, leh amawl-apil batlah a neikei a, A’ ngaihdamna in khelhna ngaihdam lah a nei bok kei. TOUPA hoih hi, lungkham hun in honghuh a...
Sanggam it, TOUPA ma ah na lungkham kha ngeita hia? A.k.l. na khelh puakgik tawh Amah kiang na zuan ngeita am? “N’on zong diing ua, na lungtang tengteng ua na hon zon hun ciang un n’on mu diing uh. Huan, na hon muh un ka om dia, TOUPA thupawt in a ci, na omdan uh ka hei diinga...” (Jer. 29: 13,14). Gelh dang ah, “Ka tapa, na lungtang honpia in” (Pau 23:26a). Lungtang piak, lungtang tengteng a Amah zon, Kha Siangthou huhna tawh TOUPA leh A tangtawn thilgel muhkhiak (Mihing bang atel hiam! Toupa?), hucia Amah mah in I omdan hon heisak/ kheksak hinkhua cihte thu kizom tou diudeu ‘Khrist Kha’ neita mite experience hidan in atheihtheih hi.
Rome-te 8: 9, 13 & 14 ah: “Pasian Kha noumau a a om taktak leh, sa a om na hikei ua, Kha a om na hizaw uhi. Ahihhangin kuapeuh Khrist Kha neilou zaw amah a ahikei. Sadan a na om uleh, na si mahmah diing uhi; ahihhangin pumpi thilhihte Kha-a na hihlup zel uleh na hing diing uhi. Pasian Kha pii a om peuhmahte zaw, Pasian tate ahingal ua.” Hiai tang 14na, gendan tuamdeuh in, Pasian’ tate Pasian Kha in pii ahi. Wow! “Pasian’ ta, Pasian innkuan hizou ing,” kici na hihleh Pasian Kha pii hinkhua ah na hing takpi hiam? Laphuaktu’n: “Nanga ka hih hon ngilhsak ke’n ka Mang Jesu, Na hinna in hon hingsak in damlai gamdai a ka zin sung in, Ka kalsuan bangkim Nang thu hita hen!” (absolute surrendered life) ana cih ngitngit, ci dik law diingdan ahi. Halleluijah!
Hotdamna tang, piangthak i cih bel Kha Siangthou nasep spiritual conviction of sin vis-à-vis experiencing the righteousness of God shown in Christ Jesus, neitu kikhek hinkhua zong ahi – h.t. diabol ta, gul suan hilai Siangthou Pa (Holy Father) ta suahna. Pa Siangthou’ ta/ Pasian’ ta suakzou Khristiante, khelhna pomrem diing leh Pa Siangthou’ ta i hih lam mangngilh or taisan di’n sual/ setan in nisim-hunsim in honzol/ honkhem den, i mihinglui (pumpi sa utna & deihna) pansan in. Tua ziak mah ahi Rom 8: 13b “pumpi thilhihte Kha-a na hihlup zel uleh na hing diing uh” kici Thu a poimawh luat. I doute, sa leh sisan ahihlouh dan, lalnate, thuneihnate, leh tu-a omlel mial tunga khawvel vaihawmte leh vanmun khawnga kha gilou hon omte hizaw ahihdan Eph 6: 12 ah hilh in i omta uhi. Thute theisiam di’n TOUPA thupha maw!
Leitung pate in ta, pa dungsun neih a kipahna uh ahi. A ta in innkhang pa or innsak pa suun mawk taleh, pa kipahlouhna (thangpaihna) a suak thei. Tua bangdeuh in neitu kikhek, Pa Siangthou (Pasian) ta hita ing kici napi, Pa Siangthou mel suunlou i hihmawk leh i Pa, ei Pasian cih a om na zum or thangpai, A hehna sampawt dia kisa maitai mahmah lai zaw-mah i hikha mawhkei diing. Ta masa Jesu Khrist, nang adia na ‘u’ (Pasian in tu/ grandchildren neilou!) hita ci na hihleh, sanggam it, na ‘u’ Nazareth Jesu lungput pukha in na kithei hia? Khrist batna nei in na khang zel hia leh? Baptistpa Johan in maw, Jesu Khrist amuh a hiai ci eive, “Amah (Jesu) alian seemseem diinga (Johan hinna ah), kei bel ka kiam seemseem diing hi” (Jn 3: 30). Johan kammal tawh kizul mahmah, Pasian’ ta hita, Jesu Khrist a ‘tanpa’ leh ‘u’ a nei mi khat in hici’n na ci veh aw (a testimony):
Great change since I was born (3)
There’s a great change since I was born.
Thing I used to do, I do them no more (3)
There’s a great change since I was born.
Songs I used to sing, I sing them no more (3)
There’s a great change since I was born.
Places I used to go, I go there no more (3)
There’s a great change since I was born.
Things I used to see, I see them no more (3)
There’s a great change since I was born.
Southern Manipur a mi pawl khatte hinkhua - omdan, kampau leh thilciin et vengveng in, “Small change since I was born (3), There is a small change since I was born. Things I used to do, I do them again, There is no more change (in my life) since I was born” ci thei di ‘Khristian’ bangzah hiam (ahonpi khat mahmah) om mawk le’ng kilawm! ‘Piangthak’ i kicih bulphuhna, leh i vangam lampite zong in ENCIAN CIAT NI, TOUPA lamah kiiknawn ni. Sanggam it, pumpi thilhih, Kha a hihlup diing na taksa tung ah bang khawng a active lel? Mi tengteng tawh kituahna leh siangthouna Jesu Khrist kia ah om. Tua Jesu TOUPA a omte diing in bangkim ah hauhna hi, Itna ah zong itna lian seemseem; Zawnna ah zong hauhna thupipen, TOUPA a neihte adi’n (PKT). Simtu it, i hinkhua, Kha Siangthou in hong cian/ fiah leh ut a om ngei... Jesu Khrist’ siangthouna, thupina, leh diktatna koppih a TOUPA muh lah i kideihsak pen ahi-ngal a. Selah.
“Amah tuh Khrist a noute hinna naak ahi; huan, Pasian in Khrist tuh i pilna bang, i diktatna bang, i siangthouna bang, i tatna bang hidiing in a bawlta. Huaiziakin, gelh ahih bangin, a suang peuhmah in TOUPA suang hen” (1 Kor 1: 30, 31).
(5.1.2011/Bungmual.)
------------------------------------
MI TENGTENG TAWH KITUAHNA LEH SIANGTHOUNA – II
Upa Chinsum
Camp: New Delhi
God has given us Christ. There is nothing now for us to receive outside of Him. The Holy Spirit has been sent to produce what is of Christ in us; not to produce anything that is apart from or outside of Him. We are “strengthened with power through His Spirit in the inward man; ...to know the love of Christ” (Eph 3: 16,19). What we show forth outwardly is what God has first put within. – Watchman Nee in his book SIT, WALK, STAND (p. 33).
I houlimna thupi, Khenpi-Ina ah, “Sanggam it, TOUPA ma ah na lungkham kha ngeita hia? A.k.l. na khelh puakgik tawh Amah kiang na zuan ngeita am?” ci’n i kidong a, Southern Manipur a mi pawl khatte, “Small change since I was born, There is no more change in my life since I was born” ci thei di ‘Khristian’ bangzah hiam om mawk le’ng kilawm!” ci kawm in, “Kha Siangthou in hong cian/ fiah leh ut a om ngei... Jesu Khrist’ siangthouna, thupina, leh diktatna koppih a TOUPA muh lah i kideihsak pen ahi-ngal a” i na cita hi.
Pasian Kha pii a om peuhmahte zaw Pasian tate hi uh (Pasian’ tate Pasian Kha in pii ahi), LST in acih in, huai Kha vehna/ lawnna masa mikhial takmeuh hih kikphawkna, kisiikna (lungheina), leh khial a lungkhamte taksap theitu Jesu Khrist kiang zotna gen, tua a kalbi masa hi’n i theithei hi. Laphuaktu’n, “Jesu hon sapna aw ngai in, Nou mikhialte hongpai un; Khawlna leh muanna ka nei hi, Nang adia ka honpiak diing. Hotdamna kim (3), TU IN nei inla, nuam in. Tu in tung thangvan sangtak ah, Om zong leh hon sam lailai; Ginna in A’ aw i zathei, ‘Noute hongpai un,’ A ci. Jesu kiang kia ah na mu diing, Hinna nang dia piaka om; Sum leh pai kham leh ngun lou a, Pasian thilthawnpiak ahi” (P. Ngla. 58) ana cih in cikha bilbel hi. Nuam.
TOUPA Kha Siang piina leh pawlna thupitak tang heutupa V Siampu in hici’n na gelhkhia: Na vak ah mialna om ngeilou, Na siang ah muanna kim hi; Nang ah muanna nga ing, Hong len gige’n. TOUPA Nang lou belh diing, ke’n simlei ah nei ke’ng, Ka mit thukseem mu di’n hong vaksak in; Aw Na itna, hoihna, hehpihna a thuukdan, Nang naihseem a mu di’n hong vaksak in. Ka thumna ngaikhia in Nang ngai a dangtaak hi’ng, Khemna huihpi lak ah ka kha a vai; Hihhang ko’ng sap ciangin, Nang kei ah Na om a, Pahna mittui luang tawh phatla ka sa. Heutupa V Siampu kia hilou in, mi khempeuhte’n TOUPA lou buang belh diing neilou leh belhtaak dang ‘omlou’ hizaw mahmah ahi. [“TOUPA lou belh diing ka nei, belhtaak sak zawk dang nei ka hi” ci i om zenzen le-lah, EI (MIMAL) THU; nitawp ni, lei khempeuh Jesu Khrist’ ma a kipuang a, khuk khempeuh a khukdin hun cia’n poi i salaw sin a hive’n ah. Tuailai kingaihsun in, sihna hongtung diing hi, Tuailai leh nu-le-pa lungtang khauhte kumpite’ Kumpi ma’h i ding sin uh; TU (NOW) a hunlai (hehpihna hun ah) lunghei in kibawlpha ciat ni].
Heutupa V Siampu in, “TOUPA Nang lou belh diing, ke’n simlei ah nei ke’ng, Ka mit thukseem mu di’n hong vaksak in...” a cih na cihpih theita hia? TOUPA Jesu thukseem a na muhna di bang thilte’n hon hihbuai (tuailai sak) sek a? Ahikeileh, nang poi na sak pilouh (compromising attitude pu dihdiah maw!), lah, midangte’n Jesu Khrist amuhna di ua liahtu/ daaltu hithei gige na satung ah bangbang in mun anei(lai) a? Kha Siangthou theihsaka Hebrute kianga laikhak gelhtu’n, “...hon hihnok peuhmah leh khelhna eimah a belhte koihmang ni, huan, i ma ua kitaitehna diing om ah kuhkal tak in tai ni” (12:1b) a cih leh tulaitaka i Khristian hinkhua, i dinna lai, h.t. i thilciin, leh ciinlouh, i zuih leh zuih louh, adg.dg. i enpha tek di uam? Vaigam a missionary seem ngei, tua EBCC pastor a pangta khat in, “Tua i gen niahniahte bang uh gen in, i ciin khiukheute bang uh ciing suk ciing tou in Hindute lak ah kilut le bel, i thugen gingta lou diing uh; hon um vetlou diing uh ahi,” a ci. Waka.
Sual in vanzat in zang kei henla. Naupang cik hihlai in, laizial tep (smoking) ka muhkhakte lak ah filter (a tepna omtuam) tepte na ngaisang ing. ‘Tangval cia filter sigret tep di’ cih lungsim tawh k’ong khanlet cia’n, khawnung theihkhiak khat om: Smoking is injurious to health. The beautifully designed ‘filter’ part of sigret do not really filters, but it is put to attract people and finally destroy the smokers. Vo kadei! Gu diing leh hihlum diing leh hihse diinga hongpai SATAN, Hinna neihna diing leh abundant life neihna dia hongpai/ hong kilui JESU (John 10: 10). Sanggam it, Jesu bang na lawh dia? Hihsiat leh hihlup hontum den Satan vanzat ‘injurious to health’ thilte hideuh vek ahi, cih na ciangta am? Rev K Kamchinkhup in EBCC Delhi tuailaite laka a thugenna khat ah, “Tualthatte, mahni kithatte huamtel in, vangam kailou diing cih i pomlai in; siatna leh sihna tunthei thil i ciin sekte awl-le-dam a mahni kithahna (slow motion to suicide) ci khat ahi hongci le’ng gen hang lua ka hidia’m?” ci’n ittak leh deihsaktak in tuailaite thutak huau hi.
Kuva (mithapati) k’on hai tei a, lim petmah himai; mui vengveng chechhen. Khatvei, ka nu’n, “Bawi, huai kuva na hai sek, hai nawn dahmai ve. Gil vahna leh hilou, sumsenna hizaw-mah lai” hongci! Ka nu kammal TOUPA’N zang – “gilvahna le hilou, sumsenna hizaw-mah lai, cih in – ka lungtang vut hi. Sunggil kial, laidip na-a khawisa vungvung theipa Chinsum in, TOUPA vualzawlna tawmtawm a donte gilvahna (food item) le hilou, KUVA - sumsen sawnna hilai, banghang in ka zarbawl laizang dia... Jesu Khrist i Toupa ziakin, ka nu tungtawn in, Pasian kiang ah kipahthu ka gen ahi. Tutung December 2010, Tedim Road a pailai in Toupa ngai mahmah nu 1 tawh kituak kha ung. Lamgei a houlim, ama’n hon genna ah, “Kum bangzahhiam tulai a kithang ‘khaini’ te ka na muam a, tu’n TOUPA hehpihna tawh ka ngawl theita. Tua tawh kiton in, ka khaini man tang/hu khateng in FMPB ah missionary chawmna in pia ing,” hongci. A zak nuam hina mai e! Tua inn nupi i gen bangbang Lamka leh asehvel southern Manipur gospel centenary lawm theitate lak ah hong kibehlap hen zel hen!
Hong kipatna lam apan UNLF te’n teptheih-muamtheih a dou uh ahithei, a.k.l akhahzan uh ahithei. Bangleh-bangleh, ‘Piangthak’ i kicih bulphuhna, leh i vangam lampite zong in ENCIAN CIAT NI, TOUPA lamah kiiknawn ni. Watchman Nee kammal mah tawh i houlimna zou ni aw: More and more things will turn up to hurt our Christian sense of righteousness and to test what our reactions are going to be. We need to learn the principle of the Cross – that our standard is not now the old but the new man “which after God hath been created in righteousness and holiness of truth” (Eph 4: 22-24). “Lord, I’ve got no rights to defend. Everything I have is through thy grace, and everything is in thee!” I knew of an old Japanese Christian woman who was disturbed by a thief who had broken into her house. In her simple but practical faith in the Lord, she cooked the man a meal – then offered him her keys. He was shamed by her action and God spoke to him. Through her testimony that man is a brother in Christ today (SIT, WALK, STAND- p.37).
Preach the Gospel always, if necessary use words. Toupa thupha maw!
------------
18.1.2011.
