WORSHIP TEAM ORIENTATION 2012

Ani :   February 19, 2012 (Pathianni).
Ahun :   Biakna Kikhop tawp.
Amun :   Biakinn Basement.

Pastor Nenglian in conduct in hunzat dite Pathian kiang a latna thumna nei masa. Tua zoh in sinsakna/orientation hunpi zang in ‘Worship Team’ ichih bang hihiam, a manphatna khenkhat-te, a mohpuakna, member hihtheihna ding te, team convenor leh song leader mohpuakna chih thulu te zang in sinsakna manphatak anuai a bang in pia hi:-

I. Worship Team bang ahia?:

Worship Team ichih chiang in akizatna leh mohpuakna zil in genchet theih dan tuamtuam om ding hi. Tu hun a eiten i zatdan ua pan etin Worship Team tuh Pathian biakkhawmna hun a phatna lasak leh thumkhawmna hon makaih tute genna ahi. Huaiziakin, Worship Team tuh phatna lasakna leh biakna-thumna tungtawn a mipite (congregation) leh Pathian kaal a palai (makaitu) ahi.

II. Worship Team manphatna khenkhat-te:

1. Mipite’ lungsim munkhat a gawmkhawmtu ahi.
2. Mipite’ lungsim hongtu vanzat/nasep poimoh mahmah ahi.
3. Biakna hing hong pian theihna ding a ‘khuam’ poimoh mahmah ahi.
4. Mimal chih te’n ahihna bangbang uh Pathian’ lama aki pulaak theihna uh vanzat ahi.
5. Biakna nuam tehna poimoh pen Worship Team kizatna ahi.

III. Worship Team mohpuakna:

1. Biakkhawmna hun a phatna lasakna leh thumkhawmna makaih gige ding.
2. Lasakkhawm dingte telsa neih gige ding leh tuate etlawkna (practice) hoihtak neih gige ding.
3. A poimoh zil a mipi ma-a dinkhiak ding – patna lam a mipi mai a dingkhia a laa pii ding; tawpna laa pen a tuh mipi mai a va dinkhiak chitchiat louh a pii leng poilou.
4. Thilpiakte latna hun sung a mipi dinsak akilawm.
5. Thumkhawmna point ding kichian tak neih ding.
6. Thumna toh mahni leh biakna pumpi kilatkhiak gige ding.
7. Music instrument te manphatak a zat ding leh kepbit ding – a kepna bawm (box) di ua kibawl te a koihhoih zel ding.

IV. Worship Team member hihtheihna dingte:

1. Piangthaksa, ginna a piching, Pathian’ min thupina ding a hinkhua kizang ut mi ahih ding.
2. Phatna lasak lunglut mi ahih ding.
3. Omdan leh gamtat kilawm chiing mi ahih ding.
4. Kisak-kholhna (practice) dia hun pengap mi ahih ding.
5. Thum-mi ahih ding.

V. Worship Team Convenor leh Song Leader mohpuakna:

• Convenor  - Worship Team memberte khateng a fellowship neihpih ding.

-          Worship Team memberte’ kipumkhatna leh pankhawmna etkai a bawlhoih sawm

gige ding.

-          Worship Team member list hoihtak etkol ding.

-          Member thakte vaidawnna leh a pawtkhe te khakna hun zatpih ding.

-          Worship Team toh kisai kipahna/haksatna Pastor/Music incharge (TBSUC)

kiang a tut pahpah ding.

• SongLeader -     Biakna kikhop hun a lapitu a pang ding.

-          Biakna kikhop hun a diing lateel sehsa neih gige ding (sak masak leh nanung ding).

-          Lapii hun a lasak ding te etlawkna (practice) makaih ding.

-          Music tum dingte leh laa part sa dingte seh ding.

Atung a bang a kisinsakna hun zoh ahih in Pastor in achial bang in Upa Khamkhanpau, Music incharge (TBSUC) in thukup khenkhat anuai a bang in bawl hi:-

i)             Worship Team piitu in alemtang bang dan a Laisiangthou simkhiakna aneih chiang in abung ataang gen tuan khollou in simkhe maileh.

ii)           Leenkhawm la lamdeuh sak ahih chiang in khuang tum in keyboard zang tuan kholkei le’ng.

Hiai bang a kisinsakna leh thukupna hunte zat ahih zoh in  Worship Team sung a Convenor, Song Leader leh sum lam toh kisai (financial matters) mohpaw din anuai a te sehna neih ahi:-

Convenor : T.Pumsuanlal.

Song Leader : M.Thangsuanmung.

Finances : K.Ginminlun.

*Thupukna poimoh : Thuthak om nawn mateng lazilna (practice) Kiginni teng a nitaklam dak 3.00 a

neih gige ding; atel theilou di te’n  Song Leader kiang a theihsak pahpah ding.

Tua teng zoh in paikhawmte’n thumkhawmna hun zang in Pastor’ sehna bang in azohna (Orientation programme zohna leng hingal) Upa Thiankhanmuan in nei hi.

*****

Worship Team member paikhawmte:

1)      T.Songzalian, 2) Mankhodim, 3) Florence Sonkim, 4) K.Ginminlun, 5) Kimremmawi, 6) G.Paulalsiam, 7) M.Thangsuanmung, 8) Ginmuanlal Gualnam, 9) T.Pumsuanlal.

Member teltheilou/tellou te:

1)      Nemkhanmawi, 2) Ching Lydia, 3) N.Vumsuan, 4) Lun-i (active zou lolou di).

Uap dia chial a omte:

1)      Upa Khamkhanpau, Music incharge (TBSUC), 2) Upa Thiankhanmuan.

*******

Recorded by:

Upa Thiankhanmuan,

Secretary, Ministerial Committee