Kipahthu Genna:
1. Mission nasepna ah eisanga munahuai zaw tampi a om laiin Toupan EBC hong
deihlai, kipah thu genni.
2. A Kuankhia Kibehlap: Tukum sungin I tuailaite 30 val mission field ah kuankhia
ua, amaute’n Agency tuam tuam, leh field tuam tuam ah nna sem uh, kipah thu
genni.
3. Thilpiak Kibehlap: Tukum in kumdangteng sangin missionary vaktu nasatakin
kibehlap hi. tua ban ah khobing hiam, DMC hiam, mimal ah leng field taaksapte
huhtu ding kibehlap hi. Kipah thu genni.
4. Field Kibehlap: Kumtampi ineihsa fieldte buaipih den a I om laiin, tukumtawp
apan in field thak piakbeh in I omta; Punjab a Batala leh Assam a Lakhimpur ah
FMPB te toh partnership a sem thei dia I om manin kipah thu genni.
5. Mission Support: Thilpiak ban ah thumna toh asun azan a missionaryte ading a
thum gigete ziakin kipah thu genni.
Nepal Field:
1. Nepal field tulaiin kihong mah mah hi a theih ahi. Fellowship thak ding jel,
saptuam kibehlap zel ahihmanin biakin lamthak kul leh biakiin mun ding kul
saptuam 6 vel ineihte’n biakin aneih theihna nding un thumni.
2. Kathmandu ah fellowship thak dingta, tunung saptuam malakna dia nutsiat
theihlouh ding mun poimoh ahihmanin, thumna ah phawk ni. Tuin member 40 val
neita uhi.
3. Nepal field office mun ding kileikheta kipahthu genin office bawlna ding a kisamte
Toupa kiang’ ngen ni.
4. Parajunggi ah Biakin mun ding gam kilei kheta, abawlna ding in Lamka South
DMC te’n Rs 1.5 (lakh khat leh akim) budget ah guang uh, alohchin ngeina
dingin.
5. Nepal a ding semtu kissam mah maha, agammi poimoh diak hi, Toupan ahon
piakna dingin thum ni.
6. Nepal gingtu tuailai 7 vel in Bible training lel uhi. Amaute Pathian mizat thupi
ahong hihna ding un thumna ah phawk ni.
Karbi Field:
1. Karbi Field ah tukumin biakin thak 4 dinga,Pastor quarters khat pucca in ana lam
zou uhi. Biakin nihte awilou khua a ding thak ahia, adang nihte gingtu hisate adia
kilam thak ahi. Ahong khan zel na ding un.
2. Tari Adong leh Dengaon ah saptuamk dingthak ta, khalam a nau ngek mah mah
lai ahihban uah, doutu hat mah mah nag am ahihmanin thumpih zel zel ni.
3. Field sung nasepna nzat ding in Karbi Field in Motor khat leikhiak ding chiin a
khawmpi un thupukna la hi, kipahpih huai lua, Toupa gam kekletna vanzat
ahihna dingin.
4. Karbi saptuamin labu gina neiloua hun sawtpi a om nungin tuin Biakna Late aleh
uh 350 sanga tam zaw deuh sutkhiak dingin manta, mkipahthu genin thumna nah
phawk ni. Asum ding a kidaih leh Kolkata a sutsak sawm ahi.
5. Karbi Gingtu tuailai in Bible training le uh, Pathian zat taak mi munahuia ahong
hihna ding un thumpih ni.
6. Tulaitakin Evan T Pauzalian leh Evan H N Khankhual te Jhansi UP ah missions
toh kisai training in om lel uhi. Gahsuah sem a sepna ding a panlakna ahih
theihna dingin.
7. Karbi Field lamdang takin kong kihong thak mawk hi- a theih ahi. Hiai hunlem
Toupan ahonpiak laia theihtawp apan ilak siamna dingin Toupa kiang pilna ngen
ni.
Manipur Field
1. Manipur ah tuailaite’ lakah khalam dantgtakna chikhat om hi. Tuailaite laka
Toupa mizat ding hiam tak kisam mah mah hi, Toupa kiangt ngen ni.
2. Thoubal kiang a Sabntongba mun ah tukumin fellowship thak hong ding khia hi.
Amaute thumpih ngai mah mah uhi.
3. Jiribam kiang Cachar ah Meitei saptuam khat in amau neih biakin, gam, leh
school toh MEBC zop utin kingetna honpe lut uhi. Ahiding bang tak thupukna lak
ahih theihna dingin.
4. Thiyamkonjin a I School khangtou zel thumpih ni. Government recognition kidelh
lel pen mna dingin thumpih ni.
5. Thiyamkonjin biakin bawlthak sawma kiphel khia bawlna ding Lakh 10 val beidia
tuat ahih, Toupa hauhsakna apan muhsuah na dingin thum ni.
6. Manipur field nasepna masawn jel a aom laiin semtulam khalam halhthakna
ngen in thum ni. Eisang a pilzaw te kemkha ihihmanin a enkoltu Rev L
Khaikhansong FS thumpih jel ni.
Pawldang Tawh Sepna:
1. Johnson Guite s/o Upa Gougin Pearsonmun, ‘Blessing Youth Mission’ te laka
vakuan thak Tezpur pansan a sem thumpih ni.
2. Khai John Paul s/o Chinkamlian MVM Maharashtra a semdia kuanthak culture
toh, bouruak thak toha kibulh lem a gahsuah taka a sep theihna dingin.
3. Logos Charitable Trust te laka vakuan thak Sunil leh a zi Chhungbiakkimte
Gujarat ah om uh. Chhungbiakin nau pai toh nasep kul
ahihmanin chidamna ngetsak ni.
4. Serving In Mission (SIM) te laka sem Dhaka, bangladesh
a om unaupa S lal Guite leh a lawinu Jenny Laldinliani te
nasepna ah ging thak leh baptistma tang thak om zel zel
chih kiza kipah thu genin thumpih jel ni.
5. MVM a EBC in deputation a I sawl L Ginmuanmang in
Nagpur MVM office ah sem a, lawinu Mary in naupang
kepna lam mohpua hi. Thumpih jel ni.
6. Arunachal TBCA field sem G Thawnkhanlian, H Thangkhansiam leh a seppihte
un chidamin sem zel uh. Dec. 5, 2011 shool final exam zou ta ding uh, suty sung
chialpina a manpha taka akizat theihna ding un thumpih ni. Tangsa field a isemtu
Nongsai Tikhak a upat tak ziakin khawlsak in om a amah mun ah tuailai Nimdong
Jugli lathak ua, amah EBC in chawm pan nawn ta hi, TBCA field thumpih jel ni.
7. Engage India(Bharatiya Christi Seva Dal) Liankhanmung of Zoar Veng,
Bungmual, leh a lawinu Chingbiakmawi te’n Jarkhand ah sem uh, athak ahihman
un thumpih poimoh mah mah uhi.
8. Punjab mission field ah Pathian nasep thupi petmah tung hi. EBC in asepna
Batala field kia ah khalui in gingthak 121 in baptima tang ua, Punjab pumpi ah
October kha sung in gingthak 528 kibehlap chiin Rev P David Field Secretary in
report hon pia hi. Kipah thu gen in thumpih jel ni.
9. Assam a Lakhimpur field pen field thak liklek ahihmanin asemtu C H John leh aji
Veni Johnte’ pauzilna, agammi tawndan azilna ding uah thumna tampi kisam uhi.
