Mission Thumna Makai - August 2011
- Arunachal Pradesh a isepna Living Hope School building kiseta lungkham taka iom laiin Toupa’ mizat TBCA member Arunachal Pradesh Minister khatin asum ding honpia in tuin lamzoh hita a Aug. 16, 2011 in honna neita uh chih thukiza. Kipah thugenni.
- Arunachal a music zanga isepna ah unaupa H Thangkhansiam’ nasepna lohching zel ahihlaiin a vanzat Keyboard luita, track leh atuam tuam bawl haksa chih kiza Toupa vualjawlna ngen ni.
- Karbi Anglong filed a Tari Adong khua ah gingtu nasatakin hong kibehlap a tuin biakin kibawl lel lel a, zousiang dekta uhi. Awiloute’n naktakin soisel ua, gingthakte thumpih ngai uhi.
- Karbi field a sem T Pauzalian Rongali leh H N Khankhual, Paklomngkam te October apan kumnawn April (Oct. 3, 2011 – April1, 2012) sung training in National Institute of Mission, Jhansi ah kuan ding uh, thumpih ni.
- Rev T Paukhanmang FS Karbi shillong ah kha 4 training tu August kha in zouta ding kipah thugenn in gahsuah sema asep theihna dingin thumpih ni.
- Field a sem ding native mi Pastor candidate dia teelkhiak te training pailel thumna ah phawk zel ni. Tulaitakin Pastoral laikhakte kisinsaka December kha in examna Field office ah nei ding uhi. January 2012 apanin practical administration leh ministry lam sin nawn ding uhi. Amaute Manipur field apan 1) Th Ibomcha Singh, Thoubal Khunou leh 2) O Manibabu Singh, Thanga Chingkha. Karbi Field a sem ding Upa Manthing Hanse, Koilamati apan te hi uhi.
- Nepal Field lohching zel in fellowship thak kibehlap zel kipah thu genni. Fellowship te khantou zel ua tuin biakin bawlsak kul omta ua, akhente amun ding gam neinailou leng om uhi. Fellowship omna khuate thumsak ni; Chisang fellowship, Phaklung, Kholaghari, Parajunggi, hiai te kikhopna ding etpih baih kul diakte ahi uh.
- Kathmandu khopi ah NEBC apan tuailai member khenkhat laisim leh atuam tuam ziaka va om hunkhopte toh fellowship anakipan hi. Ei gama New Delhi bangsim ahihmanin isaptuamte kepna ban ah tua muna awiloute laka sem ding missionary hoihtak khat ikoih uh kisam pah ding dinmun ah om hi. Panlakna aomkeileh tuailaite khahsuah theih din mun ah om uhi.
- Nepal field adingin Office mun ding lakh 10 val in leikhiak kisawm hi. Field nasepna a naktaka gahsuahna ahong hih theihna dingin thum ni.
- Missionary Chingngaihmang pearson mun a om H Thawngkhandou tanu ahi. Amah tuin Jarkhand ah Indian Missionary Movement (IMM) te missionary in sem hi. Malto nungak mawl tak tak te taksa lam khalam ah makaih in puankhui dan sinsak in Project Coordinator mohpuakna len hi.
- EBC Missionary L Ginmuanmang MVM a deputation a kuan Nagpur pansanin aji Mary toh sem tau hi. Muanmang in office ah account lam huhin sem a, aji in correspondence lam mohpua hi.
- EBC sung ah missionary vaktu kibehlap zel kipah thu genni.
- Tuialaite missionary a akuanna ding uh lampi kizong zel a, Toupan alampi hon kawkmuh zel hi. Siman leh kipaikna hoihtak neite mah mi’n deih uh ahihmanin, tuabang mi tamsem ahong kuankhiakna dingun thum zel ni.
Hiai thum na point te hunk hat adding hise se loute veng/cell prayer groupte laka na share zel ding a nget ihi. A chiang zaw a theihbeh utte’n
