MISSION THUMNA MAKAI- SEPTEMBER

Mission Thumna Makai

September 2011

Rhema Mission Field Andhra Pradesh Apan:

1. Unaunu Muani apan thumnapih ding ngetna kimu dan in August kha in mi nih in amau pawl va zom thak uh, amaute 1. Mr N Joseph B.Com.,Gochinkhup Veng leh Mr Tawnvel B.Th. saptuam dang apan ahi uh. Amaute thumpih zel ni.
2. Unaunu Muani pen Office lam a sem ahi a, adangte’n school ah sem ua, zing leh nitak tengin Praise & Worship nei zel uhi. Teacher Pathian thu awilou omte ahong lunglut theihna dingun thumpihna hon gnen uhi.
3. Naupangte zat ding Labu bawl lel uh Pathian vanzat poimohtak ahihna dingin thumna ah phawk ni.

Manipur Field

1. Tu August khasung in Evangelist leh Pastor te nasepna apan leh ithumnate ziakin Toupan gingthak 6 (guk) hon penawn a, Toupa min iphat hi.

1. EBCC Immanuel (Hq Veng) in TMC makaihna in ngaihnatna leh  deihsakna liantak toh Aug. 28. 2011 in Thamnapokpi hong veh ua, thilpiak manpha taktak hontawi uh. Program nitaklam dak 3:30 tan nuamtak in kizang hi. Sumtampi senga ngainataka hongvehte ziakin Toupa min iphat hi.

1. Manipur Rifle Khabeisoi Fellowship Church ten Pastor Manglemba Cycle khat ana pia ua, Toupa min iphat hi. Amau khateng in Field Office ah Rs 2,000/- missionary vakna in honthoh uhi.

1. Field BDF in EBCC Dorcas Veng ah Fund-raise bawl in ni thum va taam uhi. Amau Meitei dial leh ironba zuak ua, saptuam mite deihsakna hangin hunkhop mu uhi, kipahthu genni.

1. MEBC Phailian Quarter thak

   MEBCC D-Phailian Staff Quarter zoh ahihtoh kiton Aug. 30, 2011 in Rev S Vung Minthang (Dir Ms) in Pathian min in Honna leh Latna nei hi. Hiai hun ah local apan mi tamtak kipai khawm hi. Quarter adding vanzat omnailou ahihmanin Toupan akulte ahon piakna dingin thumna ah phawk ni.

1. Sabantongba a Fellowship dingthakte thumna ah delhzui ni. Amau  Evangelist te makaih in August 21, 2011 in Sanamahi kichi, inning leibel sunga tui koih a nitaklam tenga gimnamtui hal a abiak uh khetsiatna nei ua, Hiai ziaka a pathian uh a heh ding lau in khosung mite’n naupangte kholai pawtding phallou uhi. Toupa avual joh jel theihna di’n thumni.

10.  MEBC in Meitei la kaih ngen tuanna labu khat bawlkhiak sawm in la kaikhom lellel. Ei lakaihte awiloute’n azak chiangun culture khekna dan a ngaiin soisel sek uhi. Ahong pichinna dingin thupih ni.

11.   Hongtung ding October 6-7, 2011 sung Field Khawmpi Thoubal Khunnou ah om dinga, October 20, 2011 in D-Phailian ah Open Air Evangelism ki Conduct ding. Khamangthang tampi mat ahih theihna dingin thumna ah phawkni.

12.  Thiyamkonjin te biakin kisia, phel kheta ua tuin Rs 14 lakh vel beia bawlthak dingin pan kila lel, sum leh pai neihsa omlou ahiohmanin I thumna uah phawk chiat ni.

13.  Thamnapokpi biakin campus ah Sunday School Hall ding bawl kipan lel lel Pathian nasepna mun poimoh ahihna dingin thumna ah phawk ni.

Karbi Anglong Field

14. Paklongkam Chialpi

august khasung  Gingthak - 4 Toupan honpiak jiakin kipahthu genni.

15.  Pakongkam Convention English School naupang chialpina tungtawnin students - 52 ten Jesu Hondampa a sanna aneih theih jiak un kipah thu gennni.

16.  Mrs Dhana Maya Pradhan I Saptuam mi-le-sa Manja a om, sawtpi damlou, ithumpihpih tun ahongdamta. Kipah thugenni.

17.

Dengaon a Gingthak Mr Khoyasing Tissote inn, awiloute’n, amau (Tissote) Khristian ahihnung suanga vadengjel, vadengtute ading in thumpihni, Gingtu ahonghih theihna ding un.

18.  Dengaon ah Aug. 21, 2011 in mi 4 in Pastor Joel Hanse khut ah Baptima tang thak uhi. Kipahthu gen kawm in amaute thumpih jel ni.

19.  Longnit a om Mr Sing Terang, Pathian thu lunglut mahmah, himahleh kipekhia ngamlou

thumpihni. Alunglut bang a akipiak theih na dingin.

20.  Basbari a om Upa Subhas Marak zi Helina akum asim damlou, adam theihna dingin thumsakni.

21.  Longnit mun a om, Mr Sikari Koila Lama leh Mr Jit Bhadur Budhist ahi ua, Semtute a inn a vahoh in Pathian thu va houlimpih in, Pathian thu honglunglut mahmah, Semtute’n Bible khat tuak  pia ua, amaute thumpihni.

22.  Karbi Anglong Mission Field 41^st Annual Conference EBCC Bithilangso mun ah,

October 4 - 7, 2011 sung neih ding hiai hun a thugentu ding Rev S.Vung Minthang (Director of Missions) Devotional Talks pitu ding Pastor V. Thangkhanmuan leh Business Officers, delegates te ading in thumpihni. Khawmpi lohching ahihtheihna dingin.

23.  Hiai khawmpi toh kizom in semtuten seminar nei ding ua Director pa toh Rev S Ginmalsawm DS, Singat te’n sinsakna pe ding uhi.

Nepal Field

24.  Dt 9-10 Oct. kha sung Damak ah Field Annual Business Convention om ding. Fs leh DilipKumar in sinsakna leh Thugeenna nei ding Thupi - Noumau nekding pia un Matt 14:16 ahi. Field Annual report leh kumthak budget ding gel khawmna om ding. A lawhchihnna din hong na thumpih un aw.

25.  Dt 19 Sept. in Dorcapawlte singtang lam veh ding in mi 5 kuan khia uhi. Amau Numeiten saptuam sung a amawhpuak uh tawh kisai campaign nei ding chi ahi uhi. Amau ni 15 veel ka zang bei ding uhi. Sing tang lam haksa, a suk atou leh nekledawn kikhengte jiak a buaina omlou a atup bang ua, khalam a gahtampi a hong suahna din honna thumsak un aw.

26.  October 14-16 sung Singtang khua Ektin/Zima ah Evangelism prog. omding hi. Thugentu ding CP Sharma ki chial hi,Namsangte lak ahihjiakin . Vaisaitute leh Ps Dilip a ding leh Khalam vualjawlna thupi tak ahih theihna dingin thum ni.

27.  Office Plot kilei zota hi. Kipahthu gennni. Building lam na ding leng sum tampi ngai ding. Toupan koilam hiam a pan pnpihtu ding a hong piakna din thum lailai ni.

28.  Toupan Field a semtu ding mi muanhuai leh ginom, Pathian itmi, mi chitak a hong piakna ding in thumni.. A semtu ding kisam lam kihita  ahi.

29.  Field a zat ding amau pau a Byelaw bawl pat sawm ahi. NEBC Nepal kumpi a registration ding lampi process ding sawm lel ahi. Hiaite a hong lawhchinna din hongna thumpih un aw.

30.  Parajunggi fellowship te leng akikhopna mun uh aneutak ziakin biakin ngaihtuah louh theihlouh hita a, biakin mun ding amau local leh HQ pangkhawm in leikhiak ding buaipih lel uhi Thumna ah phawk ni.

31.  Kathmandu telin mun tamtak ah fellowship thak phuhin om, adang leng piang zel thei dinmun a ahihmanin, semtute leh gingthak kibehlap zelte thumna ah phakw ni.

32.  Nepal field tulaitakin kihong mah mah rheih ahihmanin, semtu hiam tak leh Pathian mizat tamsem ineih leh gam lianpi lak theih dingin kilang, semtu hoih I muhbehna dingin thumni.

Missionary a Kuanthakte

33.  Unaute Chhungbiakkim leh a pasal Sunil Taloh te Logos Charitable Trust toh sem khawm dingin Gujarat ah Sept. 5, 2011in kuan kheta uhi.

34.  N Samuel nidang a I naupang kepte uh (a upa pen) Doimukh, Arunachal Pradesh a IEM te naupang kepna a Warden  sem dingin Aug. 29, 2011 in kuanketa hi. Aman Rev Zamzakapte toh va sem khawm ding dan ahi.

35.  Johnson Guite s/o Upa Gougin Guite of Pearsonmun Blessing Youth Mission te toh sem ding  September kha in Jorhat ah va join ta hi. Hiai atung a unaute amau kuankhiak ma in Commissioning leh thumsakna Rev L Kham Kho Lun GS, EBC in neihsak chiat hi.

­­­­­­­­--------------------------------000---------------------------