March 03, 2013 zinglam 10am in Biakin Basement a Anngawl thumna hun ah Local Pastor in Prayer Network (Thum pawl) honna Pa tawh, Tapa tawh, Kha Siangthou tawh min in nei a, thumtu paikhawm ten Pathian khut ah latna thumkhawmna nei uhi.
Hiai ni in Prayer Network (PyrNet) ah member dinga min pelut mi 33 pha hi.
PyrNet tawh kisai theihtuak tamlou-
01) Thumna tungtawn a Toupa naih ding leh Amah buan ding- michih tel theihna
02) Mahni omna mun, sepna mun, inmun a thumna hun ana zang jel ding.
03) A poimawh mahmah na hong om hial kei leh, kinaihkhawm sese louh a eimah mun chiat a thumna hun zat jel ding
04) Thumna ding point hong kipe jeljel ding a, huai te pansan a hun teng a ana thum gige ding
05) Sms tungtawn in thumna points ding hawmkhiak jel ahi ding
06) Min leh Phone number piaklut ngai ding, huai dingin form kibawl a tuni (3-3-2013) akipan kihawmkheta
07) Hiai PyrNet enkai dingin Local Pastor leh Upa Chinsum seh ahi uh.
08) Member a hong tam chiangin area tuamtuam a khen in huaite a makai ding seh touh jel ahi ding
09) Hiai PyrNet tungtawn a Thumna hinkhua zangthei mi tamsem hong kibehlap ding
10) Saptuam mite tamsem in Toupa’ gam kekletna ding leh saptuam kilamtouhna a pan i lak theihna uh kalbi hi ding
11) Hiai PyrNet in khalam galdouna leh ginna a kalsuanna ah naktaka hatna hon pe ding
12) PyrNet tungtawn a khalam kipahna tamsem Toupa’n honpiak i lamen hi.
Hiai Prayer Network a tel ding in Saptuam mipi kuapeuh chial leh theihsak i hi. Chiklaipeuh in form fill-up in min piaklut theih ding.
