EBC Saptuam a kahiang poimoh mahmah Dorka pawl min “Baptist Dorcas Fellowship” apan “Baptist Dorcas Committee” a a kikhek toh kiton in Dorka Pawl in Logo thak bawl uh a, hiai Logo thak toh kisai hilhchetna leng hiai bang in suahkhawm uhi.
DORKA PAWL LOGO THAK & A HILHCHETNA
EBC Kumsim Khawmpi 73/2021 Thupukna No. 7na of dated December 03,2021 “Bye Law Amendment” w.e.f December 03,2021 dungzui a min kikhek toh kisai General Secretary, EBC apan laihawm No. EBC/MN/4(02)/2022. Dated the 23rd August, 2022 dungzui in Dorka Pawl min, “Baptist Dorcas Fellowship” pen “Baptist Dorcas Committee” chih a khek hita hi. I min hong kikhekta ahihna ah Dorka Pawl LOGO khek ngai a hihziak in Central Dorcas Sub Committee in genkhawmna kinei a LOGO ah eipau a “DORKA PAWL” chih gelh ding a thupukna lak ahi (vide 105th meeting resoln. No.7 dated 18/1/2023). Heutute’n sample hon nget dungzui in kipia a approve hon bawlsak uh hiai anuai abang a LOGO zat ding hita hi. Kuapeuh in hiai lasawn a poimohna munte a zang ding in i kitheisak hi.
- Laisiangthou — “Dorka Pawl” i chih Laisiangthou sung Nas.9:36 a thu pansan a nasep hoih sem Dorka min tam a kibulphuh, EBC thugin leh Bible a kinga hihna genna ahi.
- Kros — Jesu Khrist sisan banna Kros a kizomkhawm in Toupa’ gam na semkhawmte, pumkhat i hihna langsak hi.
- Buhvui & ESTD 1950 – A kiphuhkhiak ua kipan Toupa vualzawlna tang in panpih ngaite panpih, tagah meithaite, genthei leh liangvaite kankuah in, ‘Thilhoih hih leh thilpiak a hausa’ Dorka Pawl buhvui bang a gahsuah genna ahi.
- Lungtang lim & EBC — EBC sung a khuam poimoh Dorka Pawl in lungtang tawng a kipan itna toh nasem genna ahi.
- Lallukhu — Dorka Pawl theihtawp a thilhoih hih leh thilpiak hau a nasem, sepgah pahtakman lallukhu muh ding genna ahi.
Dorka heutu masate’n LOGO thutun ding heutupa Sub.Thangkhopau Retd. Kiang a pia in, ama’n design hoih leh gen neitak a hon bawlsak ziak in kipahthu Pathian min in i gen hi
Source: www.ebc-india.org
