Daan Siangthou a Kiteeng diing: Pa G. Chinkhanmuan, EBCC New Kangkap khomi’ tanu, Worship Team a member lia Ngainemsiam leh Upa T. Khaichinpau, EBCC Pethuel a om’ tapa taang Dousonmang, February 9, 2023 (Ningani) zinglam dak 9 in EBC Pethuel Biakinn ah saptuam Daan Siangthou in a kiteeng ding uhi. Program uap di’n saptuam member-te hon chial uhi.
Sepna apan Retire (Superannation): Pa Vumsuan Naulak, TBMC Chairman, in kum 34 leh kha 6 a sep nung in, nisim 31 Jan 2023 ni in a sepna Intelligence Bureau (IB) ah Joint Deputy Director in pension hi. Ama’n 1988 Kum in seem pan hi.
Pa Letchinthang Shoute, TBMC Committee Member leng tua ni mah in kum 27 leh kha 6 khawng a sep nung in a sepna Border Roads Organisation, Ministry of Defence ah Superintendent Engineer in pension hi. Ama’n Aug. 1995 in UPSC exam a lohching in a na seem pan hi.
Kuitungtak a sep diing teng seem zou a khawl thei a a om man un i kipahpih mahmah hi. Maban ah leng Toupa’n ompihlaileh chih i deihsak uhi.
Pastor Orientation-cum-Fellowship om diing: EBC saptuam a Pastor-te aa di’n Olive Retreat Centre (ORC), Lamjang (Lamka) ah nisim 27 Feb - 1st March, 2023 sung Pastor Orientation-cum-Fellowship om diing hi. Hiai hun a va tel diing in i Pastor tegel 27th february - 3rd March kal zinkhe diing uhi.
EBCC Chandigarh ah hun zang diing uh: EBCC Chandigarh ah Pastor T Lamkhanthang leh Missions Committee a member pa H Liankhanlam-te’n Nipini (05.02.2023) hun va zang diing uhi.
Toupa kiang a kipahthu genna nei: Lia K Muanniang Tunglut, Dy. Secy., Lok Sabha Sectt in Govt. nna kum 26 chin tanpha a sep theih ziak in Toupa kiang a kipahthu genna nei hi. Toupa’n chidam a seem thei zel di’n ompih hen aw.
Tulel a EBCC DELHI Ministerial Committee: Chairman - Pastor (Dr.) Suankhanhau Gualnam Secretary - Upa Chinsum Members - Pastor T Lamkhanthang, Upa Kam Suanthang, Upa L Ngulminthang, Upa T Roumuan, Upa Tuanmuanthang, T/Upa Khamchin Naulak, T/Upa Kamzapau
FEB 18 SEMINAR & FEB 19 PROGRAM THUTHAK: Team ‘Truth 78’ [c/o Rev (Dr) Kumam Suresh Singh] toh Feb 18 (Kiginni) a seminar neih diing guansa himahleh gamdang apan India a hong pai/seem Khristian khenkhatte’n haksatna a tuah uh toh kizul in lem theilou thak diingdan in om chih heutute apan kiza hi. Tua toh kiton in a zing, Nipini (19 Feb) zinglam kikhop kia omsak hi diing chih thu kiza.
Zing dak 9 (9:00 AM) in Biakinnpi leh Basement (BCD) ah biakna kikhop om diing. Nitaklam kikhopna neihlouh phot hi diing hi.
PEACEFUL PROTEST RALLY: Christian Community of the NCT of Delhi (CCNCTD) pawl in India pumhuam a Khristiante’ thuakna leh soisakna om toh kisai theihsiam haksa sa leh poisa hih suklatna a Khristian kipawlkhawmte’n thilhih khat neih ngai ahi, chi a 19 Feb 2023 (Nipini), 11.30 AM to 4.00 PM sung a “peaceful protest rally” neih diing a sawm uh; EBCC Delhi hon sukha vaipi khat ahihman in sawm a om ‘rally’ kithuahpihna khut taklam piak diing heutute’n phasa uhi.
Hiai toh kisai United Christian Forum (UCF) meeting nisim 04.02.2023 ni a Mt. Carmel School, Anand Niketan a om ah Upa H Kam Suanthang & Pastor (Dr) Suankhanhau Gualnam-te va tel in Ministerial Committee meeting (07.02.2023) ah report tomkim pia uhi. Aw i vek in pang chiat ni...
