Hiai thu kuate kianga gen a hia? Bangziaka gen aom a hia?
Hiai thu Pathian in Jawlnei Haggai zanga Israelte kianga Pathian in a gen a hi. Israelte Babulon ah kum sawm-sagih vingveng saltang in a om uhi. Pathian in tua saltangte laka Jerubabel leh Josua kiangah Tempul lamna ding mohpuakna guan in, mi sing-nga ding khong toh Babulon a pan hong paikhia uhi. Jerusalem a hong tung ua, amau mimal inn ding kia buaipih in michih a om chiat uhi. Toupa inn kisegawp dimdem a mit un a mu ua, a limsak tuan kei uh. Huchibang in kum tamtak a om uhi.
Hichibanga Pathian inn limsaklouh a hih tak in, Pathian in jawlnei Haggai zangin Israelte kiang ah, Na lampite uh ngaihtuah un, chih thu a genta hi. Pathian inn lam ding a limsak louh ziak un Pathian in a khut nasep tengteng uah lohsapna a pia a, gamsung ah keuna a omta hi.
Tuni in eite a dia poimoh tuh hiai a hi. Laisiangthou in, Na pumpi uh Pathian kianga kipana na muh uh, kha siangthou tenna a hi, a chi (1Kor. 3:16,17, 6:19, 2Kor. 6:16). I pumpi, Pathian temple, Kha siangthou tenna inn tuh a kisiatnate bawl hoiha, kilawmtaka i chei ding uh a hi. Huai tuh Pathian kipah lam a hi. Na pumpi, kha siangtou tenna inn, bawl hoiha, chei mawina ding in a vanzat di tunglama kipana lak ngai a hi. Lei lam vante a bawl hoih thei ding. Pathian temple, i pumpi siangthoutak in chei in kem ni.
