THE 1ST LOCAL CHURCH LEADERS TRAINING PROGRAM 2012
Ani : January 15, 2012.
Ahun :1.30 – 4.30 p.m.
Amun :Biakinn Basement.
Piitu : Upa Thiankhanmuan.
Sinsaktute : 1) Pastor Nenglian.
2)Upa Damsawmthang.
Hun patna in piitu in Laisiangthou (Nasepte 20: 28) simkhiakna, tomkim a genna leh Pathian kiang a thumna nei. Tua zoh in Bl.No.278 (“Heutu toh ton gige’n…”) sakkhawmna nuamtak neih ahi. Aban ah minlamna in zui a, Department-wise in hiai bang a kitel hi in chiamteh ahi:-
- TBSUC – 16
- TBYF - 7 (kingen – 2)
- TBDF - 11
- TBMC - 9
- TBCD - represented by Superintendent.
Kisinsakna 1na : “Makaitu’ khalam leh lungsim kisak-kholhna” chih thupi a nei in Pastor Nenglian in sinsakna manphatak paper presentation nei hi. Aman agenna ah Saptuam mite kepna leh makaihna ah makaitu’ ading in Khris nungzui muanhuai hihna leh midangte lampi dik a piina a kikhen theilou leh a kiton khawm ngeingei ding ahi; tua ding a makaitu lamzang hihtheihna ding a poimoh mahmah khat tuh ‘khalam leh lungsimlam kisak-kholhna’ ahi, chi. Tua dinmun a ding thei ding a kisak-kholhna ding khenkhat te tuh:-
I.Nasemtu hihna tungtawn a makaihna (Leading Through Serving):
i) Pathian’ hon sapna poimoh masa zaw hi(Johan 6:38) – Midangte’n “heutu” chi a hon sap uh sangin Toupa’ hon sapna masa, amah nungzui muanhuai hiding a sapna pen buaipih masak zawk ding ahi; Jesu’ nungzui, Pathian’ nasem muanhuai hihna tungtawn a mite’n “heutu” chi a hon sap ding uh hizaw hi.
- Jesu Khris nasemtu ihihna(Johan 12:26) – Pathian’ gamthu toh kisai a Saptuam kepna bang ah ihihna ding poimoh masapen tuh Jesu Khris nasemtu hihna (servant-hood) nna ahi.
- Midangte Khris nungzui dia bawl ding in(Matthai 20:25-26) – Jesu Khris nungzui muanhuai i hong hih chiang in midangte lampi dik a pii thei ding in Pathian in hon thuam pan ding hi. Huaiziakin, eite’ makaihna nna tuh ‘nasemtu’ hihna tungtawn a sepkhiak theih lel nna ahi.
II.Khalam kithununna tungtawn a pichinna chituh (Cultivating Spiritual Maturity Through Spiritual Discipline):
Khalam khanna tuh khalam kithununna(spiritual discipline) lou in thil hitheilou ahi(cf. Heb.12:14; 1 Tim.4:7).
a)Khalam Kithununna chinihte:- (1)Mahni mimal kithununna- eg. Mimal thumna, Bible sim gige, anngolhna, thilpiak,etc, leh (2)Midang toh pangkhawm a kithununna- eg. Biakna kikhop, Inkuan kikhop, thumkhawmna, Holy Communion, prayer cell, etc.
b)Khalam Kithununna pen Khris batna tehna hilou in Khris batna hinkhua i neih theihna ding leh Pathian i naih sem theihna ding lampite ahi zaw uhi. Huaiziakin, ni khat hiam, kaal khat hiam kithununna in Khris hon bangsak pah ding hilou in lungtang sung a deihna leh lunggulh tuntunna in kithununnate zang a Khris batna hinkhua ah hon pi zaw hi.
III.Hongtung thei buainate maituah ding a kisak-kholhna:
Mailam hun a hongtung thei buaina khenkhat leh tua te bangchi maituah ding chih tomchik in anuai ah taaklang le’ng:-
a)Hongtung thei buaina khenkhat te – Kithukimtheihlouhna (disagreement), member buaihuaite (difficult members), makai lamzanglou (ineffective leaders), credit kituh, kingohtuah (blaming others), paaulam hau theilua (making excuses), midangte’ theihpih ut (demand recognition), muhkholhna omlou (visionless).
b)Atung a kigen te maituah na dia kisak-kholh theihna khenkhat te – Thumna (Eph. 3:14-21; Kol. 1:9-14; 1 Tim. 2:1-4), Bible a kibulphuh gige (Ps. 1:1-3), lamzanglou mun poimoh luah omte khekkhia, sinsakna/theihsiamsakna hoihtak kipiak pahpah, kithuzaktuahna limsak gige, kiniamkhiakna toh makaih (Rom. 12:3), taihilh ngam ding a hangsanna, zohlouh ding pi nna laklouh (balancing responsibilities), functional guideline bawlkhiak,e.g. Biakna kikhop: Pitu omlou a kipi theih ding, laa makaite toh thugentu pangkhawm ding, thupuan tuamtuam omsak louh ding, ushering kichiantak a sai ding, thillatna paizia kichian neih ding, kikhawm gige te’n midangte angvan ding, Biakin sung kilawmna puahphat ding, etc.
Kisinsakna 1na hun zoh in Pastor’ makaih in “Bible Games” a kipolhlimna hun nuamtak zat ahi hi.
Kisinsakna 2na : Hiai hun ah “Local Saptuam Kivaipuakna” chih thupi pansan in Upa Damsawmthang, Local Chairman in Saptuam’ administrative set-up dan leh kivaipuakdan toh kisai tomkim in genchetna nei. Tua zoh in Pastor Nenglian in ‘ahialna’ in Department chih a ‘Adviser’ tungtang genbehna nei a, Department te’n meeting agenda ding set ma in bye-law sukha thei te toh kisai Adviser(Pastor) hon dong masa thei teitei le uchin hoih di’n ka um, chi hi. Tua ban ah nna sep tuak om sak te Upa Committee ah nnabiik toh kisai a incharge kikoih tiltel te kiang ah tun thei zelzel le navak huai mahmah ding, chi in vaikhahna nei hi.
Tua bang a ‘Kisinsakna’ hun nuam leh manpha tak a neih ahih zoh in paikhawmte’n Pathian kiang a kipahthu genna leh ngetna thumkhawmna nei in azohna (program zohna leng hingal) Pastor in bawl in program manpha tak in kizou hi.
*****
Recorded by Upa Thiankhanmuan,
Secretary, Ministerial Committee
