Evangelical Baptist Convention Church: Delhi
Khristmas & Kumthak Nektak Committee-2013
NGETNA
Kum 2013 tawplam a i din tawh kiton in i ngaklah mahmah Khristmas hunte galdot thei dinmun ah i ding nawnta a, la in “Mang pian hun lungdamhuai i tung nawnta, Nunnuam a zai sa’n lambang pak ni; Sihna mial nuai-a tute di’n khawvak thupi hong tungta, Halleluia! Nuam in la sa ni” chih leh “Bethlehem ngaihna tulsa lungsung ah hongthak nawn” chih te lungsim ah hongthak nawn mahmah hi. Huan, a khaw-hun leh thilsiam sing-le-loute’n honpuak khiak Christmas season a Toupa’n A hon pikai nawn i kipak petmah hi. Hiai Khristmas leh Kumthak hun manpha, a damlaite’n innkuan kim a i zatkhawm siausiau uh Khristmas & Kumthak Nektak Committee in ka hon deihsak uhi.
Tualsung Baptist Saptuam Upa Committee in Khristmas 2013 & Kumthak 2014 Nektak sai diing lemsa-a vaisaina-a madawk deuh di’a hamphatna leh mawhpuakna a piak Sub-Committee in nisim 06.10.2013 in Sec 7/RK Puram ah tutkhawmna masa nei hi. Hiai hun a meeting thupukna bangin Khristmas / Kumthak, ankuang lui a lopna ding ah atawmpenin sum Rs.1,50,000/- bang poimawh dingin kituat a, hiai dingin saptuam mipite kiphalna tungtawnin kimusuah zoumah inteh chi’n lametna lianpi tawh hih Ngetna (Appeal) hong kibawl hi. Pathian in khelhna nuai-a tu, tangtawn a mangthang mai ding eite tankhe di’a A Tapa neihsun honsawl hongpian phawkthakna hun/ champha, tu tan mu leh zang thei dinga A’ hehpihna hon tansak kipahhuai dan ngaihtuah vengveng kawmin, Khristmas & Kumthak lopna di’a vualzawlna hon kepsak sum-le-paite apan na phal/ lemtang zah hon luikhe di’n Jesu Khrist min in ka hon ngeen uhi. Mite sanga TOUPA’ vualzawlna tangzaw hi’a na kitheihleh kuahiam a haksazaw deuhte phawkkawma na hon thawh leng hon kilamen ahi.
Htp. Pumkhothang in Kha Siangthou tawhthawhna tawh, “Nunlun liamsa ka gel zel a… Kipahna gensenglouh ka nei TOUPA, Na vualzawlna ka tan vang in aw; A omlai ding ka kipahna, Ka tan lai ding vualzawlna omte ah” ana chi hiauhiau. Tua la koppih mimal/ innkuan/ saptuam khat i hita. TOUPA min phat in om hen! TOUPA tunga na kipahna pansan a nei in na lemtang zah, anuai a Ngetna form kipia-a hon gelh a, dakbawm zanga December Nipini nihna (08.12.2013) tana biakinn a thilpiak bawm a ana khe ding in ka hon ngen uhi. Khatvei piaka khit haksa sa i omleh, tuate’n nihvei piak leng suahtheih ahi.
TOUPA’N na innkuan un hon vualzawl hen!
A’ gam adi’a naseppih uh,
-Khristmas & Kumthak Nektak Committee, 2013
EBCC, Delhi.
-------------------------------(Hia’h bottan in)----------------------------------
Khristmas 2013 & Kumthak 2014 lopna di’n ke’n/ kou innkuan in kipaktakin
T.____________ (Teng ................................................................................) pia ing/ ung.
Min: - ________________________________________________________
Omna Prayer Cell/Upa Bial/Area Fellowship:- ______________________________________
Telthei di’a lamet zah:- Piching_____ & Naupang _______ .
