(Marka 16:1-4)
Jingsangpii a Jesu han lam vanaih vingveng nupite ginna thupi kasa. Amaute’n Jesu Kros a akikhai lai leh asih lai leng mu ua, aluang mahmah leng Kros apan a lakhia in hankhuk sungah asial uhi. Han suang lianpi a ki siin ahi chih leh Jesu gingtaloui ten ahan kiptaka veng ahiuh chihleng thei uhi. Huchipi aleng Jesu veh dinga jingsang baihtak a hanmual lam ahon naih ngam uh thupi mahmah.
Himahleh, a gintak louh dantakun, thil tengteng ana ki lumlet vek mai a, Suangpi ki khukkhia leh Jesu thounawn ahi chih ava mu/thei maimah uhi.
Eiten leng, khelhna ziaka sikhin, vuikhit phial a ikikoih na a oma, suangpi liantakin hon sitkhum bang a iki theih na aom lehleng hiai athounawn Jesu kianglam jingsangpi mah in thumna toh zuan ni. Aman ilungkhamnate hepkhiak dingdan theilua ahi. Jingsangpi mah a athounawn Jesu thumna toh naih zelzel thei dingin sim tu tengteng Khasiangthou in hon hihhat hen.
