Dorcas Day a 11 veina (2012) Thupuak
By- Ms. Liankhoman, Dorcas Coordinator, EBC
1. Dorka Pawl kipatkhiak dan tomkim:
January 11, 1950 kum in Mission Compound ah pu H. Nengzachin, Pu Tunvum leh Pu Siamkung ten Dorka Pawl a na phutkhia uhi. Amaute lak ah pu H. Nengzachin leh Pu Tunvum in thupina gam ah hon na paisan ta uhi. Dorka Pawl a phuhkhiak tung un amauteng thum in Dorka Pawl sum ding ana thohkhawm ua, pu Nengzachin in teng 2/- thoh a pu Siamkung leh pu Tunvum in teng 1.50 tuak thoh in Dorka pawl sum teng 5 nei uhi. Amauten hon na phuhkhiak tunglai in Dorka Pawl sum neih Rs.5/- kia himahleh Pathian vualjawlna Dorka Pawl in leng thupi tak in i dong a, Local chih ah aneilou pen ten leng a sang a sim bang i nei ta hi Pathian phat in omhen.
2. Dorcas Day kipatkhiak dan tomkim:
April 2, 2000 Dorcas Joint Meeting 11na a Res. No.1 ah, Dorcas Day zat ding heutute kiang a nget ding thupuuk ahihdungjui in ngetna kibawl hi. Hiai ngetna B O T tutkhawm 152na August 23, 2000 a Res, No 6 (b) ah January kha a Pathianni 3veina jel a Dorcas Day zat ding hon phalsak uhi. Huchi’n Dorcas Day masa pen January 21, 2001 kum in i na zang pan uhi. January Pathianni 3 veina jel a Dorcas Day zat ding chih ahihdungzui in kizang zel hi. Himahleh, kumbul a Dorcas Day zat toh kisai in Tualsung Dorka khawmpi toh thuah a kidemna tuamtuam hih ut te ading in kisakkhawlhna hun omlou a buaihuai deuh hi a theih ahi. Huaiziakin, Dorcas Day a kiphuhni chitchiat a kiza hituanlou ahihmanin isaptuam a nipoimoh omlouh kha deuh chi in August Nipini masa a Dorcas Day zatzel ding heutute kiang a ngetna a kipiak leh hon phalsak ziak un tukum apan in August a Pathianni masapen Dorcas Day a zatzel ding in kiguangthak hi.
3. Dorka Pawl kiphuhkhiakna san: Dorka Pawl ki phuhkhiakna san leh tup pipen “Tagah Genthei, Meithai leh panpih ngaite’ lam a banzak ding” chih ahihdungzui in kumnawn 2013 apan in naupang a neilou zawdeuhte laisim ut mahmah himahleh neihlouh ziak a school kai zoulou naupang 40 khawng school kai ding chawm kisawm hi. Thumna in kuapeuhmah in phawk zel ni.
Pathian in nna thupi sem semkhethei zel ding in Dorka Pawlte hon vualzawl hen.
