Key D
Toupa ka nam uh lungmawl in
Na panpihna ka ngai uhi,
Gensiatin kana om zouta,
Hii leh kialte ahong pungzel,
Buh leh tuia kial chauh hilou,
Laukha a kialin ka om zou’h
Laukha siangthou hongleng inla
Na tatsate aw hongveh thak nawn in
Aw hon ngai ung Laukha siangthou kon ngai uhi
Nang tellouin kalsuan dan hi ka siamthei lou’h
Na hon hihhalh thaknawn kei ding ahia?
Buh leh tuia kial chauh hilou
Laukha a kialte hi hon hehpih in
Laukha siangthou khuva nunnem
Hong leng nawnin kon ngai uhi
Lei thupina etlawmnate’n
ahon tum kalsuan ka siamlou;
Ka saptuam uh hingsaktu di’n
Diktatna leh ginomnate’n
Vaihawm nawn leh ka ut ngei e
Kisikna maitam hon dingsak nawnin.
Toupa na laukha huailouha
Laukha saltang ka tamta ngei
Tanglai Mosi napi bangin
ka belampute’ ma pi’nla,
Gam hehpihhuai leh tawltakin,
Na suk halhna ka ngai uhi
Van saron pallun Lal Jesu;
Ka gamlei uah aw hong pallun nawn in
Ginna mi hangsan paisate’
sulnung zui ngamding kua om a?
Thoukhia in tungding thak ni e
Innchih kulhdai chimkhin mahleh
Khelh kisikin Amah zuan leng
Toupa’n hon siamthak nawn dinga
Tua chin i gam taksap halhna
Laukha halhna ahongtung ngei ding hi.
