La Phuaktu : T.S. Khai
Key E
Aman keimah lam hong en peuhmah louin
Amah deihna leh A geelna bang in
A Tapa neihsun in hong tankhia zou
Lamdang zensi Toupa’ hong itna lian!
Sakkik:
Mihing hoihna chiamteh zen lechin Toupa
Na maipha kuan muzou om ding maw, aw Toupa
Asem zoulou Pasian zong phawk zoulou
A diktatpa ka upna hang in ah
Ka tang din Khrist in hong ding sak zouta
Lamdang lua e Toupa’ hong itna!
Keimah leh keimah kaki ettak chiang in
Hoihna themkhat bek zong nei keng e
Aih hang Toupa hoihna ka ettak chiang’n
Mi hoih midik in hong chiamteh zen maw!
Mihing mitmuh in ching kei mahleng zong
Ka Tou Zeisu ka upna hang in ah
Aching loupi hong kiching sak zouta
Lamdang zensi Toupa’ hong itna!
Amah banga hong it dang om ding maw?
Simlei vannuai mi zata lai ah
Aman kei hong it kha zenzen si maw
Zeisu lou gual hong it ka neilou!
