La Phuaktu : T. Thangkhanmuan
Key E
Simlei ka nuntakna lunga ka gelchiangin
Khualzin lampai lel hi’ng ka tenna ding hilou
Khawlna gam ahilou ka tangtawn gam hilou
Gentheih lungzuan sunsawt Naubang oihna gam hi
Simlei zaw lungkham buai naubang kahna gam hi
Nunnopna pahnate loupapak banglel hi
Duhthu ai bang sama mahni masialna hi
Damsawtna zong lungngaihna sepgimna lel hi
Sakkik:
Aw ka ngaingei Toupa Tunkal ka ngaklah ngei
Na sat Salem khopi it leh ngaihteng kimna
Gentheite hauhna mun lungkhamte kipahna mun
Aw mubang ngai na’ng e, tunkal ka ngaklah ngei
Simlei ka nuntakna lunga ka gelchiangin
Damsung khosak buaina dahna lungkhamna lel
Ngaihtam sial luankhinula gibang khenna gam
Tuangnung siah’n leng nuam veng
Ka tangtawn inn zuan in
Simlei ka khualzinna khawlna ding omlou e
Buaina tui kihawtte’ lauhna’n nisim hon tuam
Lungmuanna ding omlou ka machiang khimbang zing
Hongtang in aw Toupa na vak ka lam mialah
Tu’n buaina simleiah genthei thuak mahleng zong
Zohna puanlap khaia sihna gal k’ong kai chian’
Sual thuneihna khemna kihuat om nawnlou ding
Sih leh nat lusun luankhi nulna beita ding
