La Phuaktu : Pastor Haopu Sitlhou
Key E
Lei mihing pilna’n a phak zohlouh
Ni-le-kha aksi khengam lam ah
Khuta lamlouh Van khopi nuam ah
Sana leh suangmantama kizem ahi
Muvanlai banga lengthei hileng
Ka lengta ding thangvan sang gamah
Toupa tenna Vankhopi nuam ah
Tangtawna tawldam dingin kapaita ding
Sakkik:
Aw Toupa nagam bawl ka gelchiang’
Tua mun tun ka ut tatsate kimna mun ah
Lungleng beidot natnate om nawnlou ding
Toupa bawl Jerusalem thak ah
Hehpihsiam Toupa kei hon en in
Liangvai gentheitak ka hinkhua hi
Nopna om nawnlou hiai gam apan
Hon pikhiain na vangam nuam ading in
Van Jerusalem khopi thak ah
Mitdel khebai piangsual om nawnlou
Natna gentheih thuak kah leh mauna
Om nawnlou ding aw Toupa na hong pai chiang’
Toupa zawlneite’n a gen bang in
Amah ngakte a nun nuam uhi
Muvanlai bangin i lengtou ding
Thatawl nawnlou a lengtou ding ihi uh.
