Pastor H. Laithang
Key E
Damlai khualzinna hun tawmkha adi’n
Tenna ding inn nuam leh hoih i zong a
Sun leh zan a ngaihsun in i sem a
Tenna ding inn nuam leh kilawm i lam hi
Sakkik:
Toupa’n inn alam kei a leh
Toupa’n inn alam kei a leh
A lamte’n asemgim thawn phet uhi
Toupa’n khopi aven hoih kei aleh
A veng mite ahakthawn lel uhi
Na gamtatna sate ki ngaihsun in
Na kalsuanna lam adik na hiam
Innsunga na puaklut sum leh paaite
Mi dangte khasiatna tunthei ahi diam
Tanglai a Sodom leh Gomora ah
Inn leh lou thupite akang mangta
Na innsung kilawm leh nuamtak sung a
Omte toh Pathian phatin omta hen aw!
