La Phuaktu : Lun Thawmte
Key G
Ka Toupa hon itna lamdang lua sa’ng,
Mikhial kei hon itna thuuk in sang hi;
Khelh vanga siding kei hon it man in;
Sing khros tung ah sihna hial kei di’n hong tel.
Sakkik:
Mellawm lou tua khros ah kikilhdenpa,
Aw kei di’n sakmel etlawm pen ahi;
Gim gentheih zatam thuak in N’ong lei maw!
Tangtawn hinna nei ta’ng Jesu, Nang vang in.
Engbawlna linglukhu hon khusak uh,
Mihingte nuihsan leh pampaih in om;
Tuabang teng Na thuak zong sulheilou lai;
Kei vang in maw Toupa hiai bangteng N’ong thuak.
Kalvari tang lam manoh in a pai,
A khros puak giksa in tawl in a puk;
Bah leh chau in aw kei di’n a pai zel;
A thuakgimna kei di’n lungmuanna ahi.
Khros tung ah enghouna chiteng Na thuak,
Simmoh leh bawl gentheih in Na om a;
Na taksa pan sisan hong luangkhia hi;
Tua sisan luang te’n ka khelhna sawp siangta.
Halleluiah Toupa hon phat ning e!
Kei dia hinna lampi N’ong bawlsak vang’n
Ka moh N’ong maisakta ka bat teng zong,
Tun kei suakta hi ta’ng Jesu Nang vang in.
