La Phuaktu : V. Hangpu
Key G
Toupa’ nong itna lian hi,
Van pan na tapa nong sawl;
Mohneilou Jesu kei mohna pua in si,
A ching lou ching in nong bawl,
A khial kei siam nong tangsak,
Tua kia hilou na van khopi nong tangsak.
Sakkik:
Hong phat ing Toupa,
Na min thupi hong phat ing;
Keitang Jesu hong sihtel lamdang lua hi;
Mipil misiam tampi om mihau mihoih tampi om;
A ching lou kei bang nong tel lungdam lua ing.
Lamet bei a ka om in,
lamet na thak nong guan a;
Suan ding nei lou suan ding nang kong neih nuam lua,
Tasam a ka om nong mu,
Hauhsak dan nong sinsak a,
Hiai itna lamdang a bei ngeilou itna.
Ka kha zongkhal leh bah a,
nang ngai a gilkial dangtak;
Nong muh chiang hinna tuikhuk ah nong pizel,
Suk liam a ka om nong mu,
Nong tuam a nong damsak man,
Halleluiah Toupa na min thupi hen.
