{s5_mp3}http://ebccdelhi.org/sermon/inkuanapathiannasem.MP3{/s5_mp3}
INKUAN A PATHIAN NASEPNA-2
Eph.2:10
Thilhoih hih dingin Kris Jesu ah siam a om in, amah khut suak i hi ngal ua; huai thilhoih hih tuh i khosak dan dingin Pathianin a bawl khol ahi.
Hon siamtupa' hon siamna banga om ding tuh eite mohpuakna leh manphatna ahi.
Bang ahia "Pathian Nna"?
- Jawlneite adingin Pathian Nna tuh Pathian apan thu hongtung bangbang a genna ding mite leh a genna ding mun ah gen/hilh sawn ahi. Eg. Nathan in Pathian thu hongtung bangbang Kumpipa David kiangah gensawn hi.
- Siampute adingin Pathian Nna tuh thillat leh kithoihnate sai, damloute kep leh sinsakna piak ding ahi. Pathian leh mihingte kala palai nna sep tuh amaute adi'n Pathian' Nna ahi.
- Daniel adingin Pathian Nna tuh thumna hun zat gige leh diktatna hinkhua niteng a zatna ahi a, Pathian a masapen a koih gigena ahi.
- Israel te adingin Pathian Nna tuh Jawlneite thugente zuih ding leh siampute ma a kihtoihna thillatte lat ding, hinkhua siangthou (Pathian' deihdan) a zat ding ahi.
- Baptispa Johan adingin Pathian Nna tuh khelh kikisikna thu tangkoupih ding leh tui a baptina piak ding ahi.
- Sawltak paul adingin Pathian Nna tuh a ginna toh kizui a tangthupha tangkoupih, saptuam dinkhiak leh kepzui ahi.
- Thukhun Thak hunlai a saptuam mite adingin Pathian Nna tuh a ginna uh toh kituak a kithuahkhomna (fellowship) neih jel leh niteng hinkhua zat ahi.
Joshua in "Kei leh ka inkawten zaw, Pahtian nna ahi ka sep ding uh," achih bangin eite'n leng inkuan inkuan in Pathian nna sem thei leng huai tuh Pathian in i om dingdan him a hon sehsak ahi ngei ding hi. Bang chi'n-
- Inkuan a Jawlnei nna sem dinga kipiakna, Pathian in hiai nna nang leh an sungkuante hon pia uh hi'n na thei hia? Hiai dingin michih hon sam khollou ding a, himahleh, nang hon sam ahilhleh kin takin dawng pah in.
- Pathian thupiakte zui dinga inkuan a hamchiamna, thilpiak ah, missionary vakna ah, Nipini tenga Biakna kikhop a tel gige, mahni hihtheih lam chiat sem dinga inkuan a kihanthawn...
- Pathian thupiak banga Khrist Gospel gensawn/hilhsawn dinga inkuan a panlakna.
Toupa'n inkuan a Amah nna sem thei jel dingin hon vualzawl hen.
---------------
November 22, 2015
