{s5_mp3}http://ebccdelhi.org/sermon/gbc_day_2015.MP3{/s5_mp3}
Grace Bible College (GBC) Sunday 2015
July 05, 2015
SUPREMACY OF THE BIBLE
(Bible Tungnunna)
Bangziaka Bible thunei sangpen ahi chi ihia? Bangziaka Bible thutak kembit a kisinsak sek ihia? Bangziaka Bible thugen/thusinsak a dikpen ahi chi ihia?
A ZIAK-
1) Pathian om ahih chih i gintak ziak ahi- Gen. 1:1; Rom. 1:20; Sam 14:1
Pathian gingta nuam lou te adi'n Bible tuh laibu hoih mahmah khat ahi. Thudik tampi leh thuhoih tampi kigelhna laibu ahi.
Huchihlaiin, Pathian gingta te adingin huai Pathian' thu kigelhna, Pathian hihna leh Amah leh mihing kisai kigelhna tuh Laibu hoih maimai hilou in Laibu poimoh, Laibu dik zuihtuak ahi.
Gen. 1:1 ah- a tungin Pathian in lei leh van a siam....chi hi. Khovel omsaktu Pathian ahi a, Pathian tuh om lou theilou ahi.
2) Bible Pathian' hatkhum apiak ahi- 2 Tim. 3:16, Heb. 4:12; Jn. 12:48
Huai Pathian thilbangkim siamtupa, thilbangkim kipatna Pa'n a hatkhum omsun Bible ahi. Huai omdan bel hiai Bible pen Pathian akipan ahi, chihna ahi. Pathian'thute omna ahihman in Pathian' thutak leng kichi hi. Amah deihdan, Amah toh thilsiamte kikal thu, mihingte toh kikal thu, mihing te omdan leh om dingdan te, tuma leh tunung thute, hun paisa leh maban a dia genkholhna thute tuanna ahi. Pathian' itna thu leng akichi hi. mihingte khial ihihlai a a hon tatkhiakna thu ahihman in.
Hiai hatkhumna bangchi lel hiam chih i chian kei, himahleh, Pathian' supernatural control a piak ahi chihbel ichian mahmah hi. Hiai toh kisai theory tampi ahi. Huai hatkhum tungtawn in Bible-
Laibu 66 kigawm i nei
mi tuamtuam 40 velin kum 1600 sung a a gelh uh
a diklou om lou ahi
Huchihlaiin, hun paisa leh tuhun mahmah inleng hiai Bible thuneihna leh tungnunna tuh naktaka doudal in a om hi. Tunai chin in USA Supreme Court in Gay marriage ahon legalized uh bang etsakna khat ahi. Khantouhna leh pilna a ngaiin hun tamtak ah Bible thu sinsakte kalh in omsek uhi. Rom. 1:26-27 ah chiangtakin Bible in Gay marriage pomlou ahihdan leh homosexual khelhna ahihdan gen hi (Eph.4:19; 1Kor.6:9; Lev.18:22;Gen. 19:1-13). Pathian in kuamah pasal hinapi a pasal dang kipolhpih (numei-pasal kipolh a) utna lungsim toh piangsak lou hi (Got Questions, published by CBCNEI, Guwahati). Huai bangin numei leng ahi . Huaiziakin, kuahiam pasal in pasal mah huai dan a a ngaih et leh khelhna a lut lellel ahi a thil lauhuai ahi. Mihingte ki itna ichih a tamzaw te "lustful love" ahi ua, khovel damsung leng daihlou sek uhi.
Hiai bangin mahni kithahna (suicide) i chihleng khelhna ahi. Tamtakte sui dan in mahni kithahna (suicide) tuh lamet beina (hopelessness) leh kingaihsiatna (despair) ziak ahi, chi uhi. Kingaihsiat ichih leh lamet bei kisakna mihingte hinkhua a thil tung thei mah ahi. Himahleh, bangzah ta in lungkiat huai dinmun ah om mahleng, bangzahta a lamet bei dinmun ah ding mah leng, Pathian bangkim hihthei i nei veve hi. Amah Pathian hing Pathian a neite adi'n mahni kithah utna lungsim sepsuah na ding ziak om theilou hi. Bible ah Jona leng sih ut khop hial in thangpai hi, himahleh, kithah lou hi. Elija leng a hinna lauhuai sa in sih ding Pathian kiangah ngen hi, himahleh amah leh amah kithat lou hi. Mosi leng maban sawn thei lou, nunglam ah lah Pharo sepaihten um uh, amah mipi te'n lah thah sawm a suang a deng dia kiman uh, lamet bei kiuhkeuh dinmun ah om hi. Himahleh, aman Pathian lam nga a Pathian in amahleh Israel mipite honkhia hi. Mahni kithahna tuh Pathian a lamet koihlouhna leh Pathian gintak louhna khelhna thupi tak ahi (Lk. 1:37). Juda Iskariot in kisik mahmah napi Pathian kiang zuan lou in va oklum a a khelhna sihpih hi.
Huaijiakin, Bible pomkip ni...thunei sangpen ahi ngal a....
--------------------
July 05, 2015
