THOHNAWNNA: GINNA BUKIMSAKTU | By- Pastor V Nenglian
{s5_mp3}http://ebccdelhi.org/sermon/eastersunday2015.MP3{/s5_mp3}
1 Korinth 15:12-20
12Huan, Kris thu misi laka kipan kaihthohin a om chih a honhilh ngal uleh, bangchidan ahia na lak ua khenkhatin, Misi thohnawnna himhim a om kei, na chih uh? 13Misi thohnawnna himhim a omlou ahihleh, huai Kris leng kaihthohin a om kei ding hi. 14Huan huai Kris kaihthoha a om kei leh, i thugen uh bangmah lou ahi dinga, na gin uleng bangmah lou ahi ding hi. 15Ahi, Kris a kaithou chih Pathian i theihpih jiakin, Pathian lam thu ah theihpih juauthei leng i honghi ding hi, misite kaihthoha a om kei uleh, amah leng a kaithou kei dinga. 16Misite kaithoha a om kei un jaw, Kris leng kaihthohin a omta kei ding. 17Huan, Kris kaihthoha a om kei leh, na gin uh bangmah lou ahi dinga, na khelhna uah na om ni louhlouh uh ahi ding. 18Huai ahihleh, Krisa ihmu sate a mangthangte uh ahi ding hi. 19Tu damsung kiaa Kris tunga lametna i neih injaw mi tengteng dia mi hehpihhuai pen i hi ding hi. 20Himahleh, Kris misi laka kipan kaihthohin a om taktak ahi, ihmute laka kipan gahmasa a na hita hi.
Jesu Khrist sihna apan thounawn lou hitaleh-
1) Thugente a thawn hiding (v.14)
2) Ginna a mawkna hiding (v.14b, 17)
3) Theihpih taklou ki hiding (v.15)
4) Khelhna a omlai hiding (v.17b)
5) Khrist a ihmu sate mangthang uh hiding (v.18)
6) Mi hehpihhuai pen ki hiding (v.19)
Himahleh, Jesu Khrist sihna apan a thohnawn taak man in-
1) Pathian thu kigente thawn lou in manpha mahmah uhi
2) Ginna ah i dingkip thei uhi, bukimsak a omta ahihman in
3) Theihpih muanhuai leh ginom i hita
4) Khelhna thuneihna apan suakta ihita
5) Khrist a ihmu sate tuh a hing uhi
6) Mi hampha penpen te ihi
Thohnawnna in tatna nna bukimsakta hi.
Thohnawnna chetna-
1) Han vuak (empty tomb)
2) Thounawn Khrist kilakna (appearance of the risen Christ)
Huajiakin, hiai Khrist thohnawnna in ginna bukimsak a, muanlahna ding bangmah omlou hi. Pathian' tatna (hotdamna tuh) ginna a san ding lel ahi. Bangmah sep-le-bawl ding a om kei a, sep-le-bawl ziak a ngah ding le ahi kei hi. Pathian in mi tengteng adia a thawn a hon piak ginna a san ding ahi.
______________
April 05, 2015
