{s5_mp3}http://ebccdelhi.org/sermon/inkuan_guhgel-1.MP3{/s5_mp3}
1-KHRISTIAN INKUAN GUHGEL (CHRISTIAN FAMILY STRUCTURE)
Gen. 2:22-24
22Huan, Toupa Pathianin, Adam akipana a lak nakguh numei dingin a bawla, Adam kiangah a honpita hi. 23Huan Adamin, hiai hial jaw ka gu bang guh neia, ka sa bang sa nei ngei ahi; pasal akipana lak khiak ahih jiakin, Numei, chih ding ahi ding, a chi hi. 24Huaijiakin pasalin a nu leh a pa a paisan dinga, a ji lamah a belh ding: huchiin sa khat a hong hita ding uh.
Khovel a inkuan (family) a om ma in Pathian in Khristian Inkuan guhgel (Structure) ana bawlkhinta hi. Huai tuh tomchik in Genesis 2:22-24 ah muh theih hi.
Khristian Inkuan hong piankhiakna dinga Pathian' geldan (designed structure/blueprint) hiai bang ahi-
1) Numei khat leh Pasal khat- Pathianin a thilsiamte a et chiangin hoihsa mahmah hi. Hilele, Pasal (Adam) kituahpih ding, a panpihtu ding, kilawm a omlouh Pathianin ngai khawk mahmah hi, Huchiin, a kituahpih dia kilawm (Adam nakguh apan) bawlsak in Adam kiangah pia hi. Mihingte adia nupa kipatna tuh huai ahong hita. Huai ah, Pathian in tampi bawl khe thei ding hinapi Adam adia poimoh hun geih numei khat kia bawlsak hi. Huaijiakin, Khristian inkuan hong piankhiak theihna dingin nupa poimoh a, huai ah, numei khat leh pasal khat ahih ding ahi, chih chiantakin kimu thei hi. Numei khat leh numei dang khat hilou in, pasal khat leh pasal dang khat hilou in, numei khat leh pasal ahih ding ahi.
2) Marital relationship- Nupa (Kitenna) a kizopna- hiai tuh v. 24a ah kigen hi. Pasal in a nu leh pa paisan in a zi lamah a belh ding....John MacArthur in nu leh pa paisan (leave) kichi in a gen nop bel mohpuakna thak hong kipan pen ahi, huai Exo. 20:12 & Eph. 6:1-2 a kigen Na nu leh na pa zahtak in, ,, chih kalh kha hihet lou ahi, chi hi. Huai bang ahih in tuh ei ZOmi-Paite paidan toh kikalh kha lou ding hi. Zi-pasal i neih khit chiangin i tuam om hia om kei hia i pianna nu-le-pa toh kizopna a bei siangta chihna hilou hi. Mohpuakna thak (new and primary responsibility) kipan genna ahihbanah a kikhen thei nawn lou ding kichimatna (permanent union) genna ahi. Hiai bang kizopna pen Khristian Inkuan bawlna dia kiphamoh mahmah ahi. Hiai thu tuh Pathian in Adam & Evi in sadan a nu-le-pa a neih ma ua Pathian gelkholhsa ahi.
3) Sa khat suahna- pumkhat hihna genna ahi. Khristian inkuan suangkhe dingin pumkhat hihna poimoh hi. Pathian in huai nupa te nih banga en nawn lou in khat in hon simta hi. Huai in tup kibang, tun nopna kibang leh zuih kibang hihna hon theisak hi. Pathian a kibulphuh, Pathian' deihdan zonga huaimah zuih a neihna genna ahi.
> Khristian Inkuan guhgel Pathian lepsa ahi.
> Huai Pathian gelsa zuih ding eite' mohpuak ahi.
-----------------------
March 01, 2015
