{s5_mp3}http://ebccdelhi.org/sermon/biakson-1.MP3{/s5_mp3}
KHRISTIAN INNKUAN POIMOHNA
I. Bangziak a Innkuan Poimoh? Dawnna mawl leh chiang pen tuh “Pathian in poimoh sa” ahi.
- Pathian in poimoh sa in, tup nei in innkuan bawl hi (Kolosate 1:16,17 Paunakte 16:4).
- Innkuan a lunglut masa leh tup-le-ngim nei a bawlkhetu Pathian ahihna in innkuan’ poimohna gen hi (Gen. 1:26-28;2:18,21-24; Mk. 10:2-9; Mal. 2:15).
Thil bangkim, thilsiam chiteng muhtheih leh muhtheihlouh hitaleh, mihing leh innkuan tel in, Pathian in Amah ading leh a thupina ding a A siam ahi. Hiai thutak a i kimin dimdem a, eimah leh i innkuan Pathian a-vek i hihna kitheihchetna toh i kibulphuh masak a poimoh hi. Tua lou in innkuan poimohna kisut theilou ding hi.
Pathian in innkuan tup kichian khat nei a, poimoh a sak ziak kia a innkuan a hon bawlkhiak ahi. I Saptuam in tukum a poimoh sa phiing i hikei a, tanglai a Pathian in poimoh ana sa khin ahi. Bang hang a innkuan poimoh sa a bawlkhia hiam chihpen thutuun lianpi a hong hi a, tukum sung pumpi i sin leh i suut ding hong hi ding hi. Tua ahihmanin, a sin tamtam, a sut tamtam a hampha leh vualzawlna tam tang i hong hi ding hi.
II. Pathian in innkuan tungtawn in tundingna nna sem hi.
~Melma’ ziak in Innkuan masa pukse mahleh tua innkuan tungtawn mah in tundingna nna sem hi (innkuan, khotang & minamte tundingnawnna).
A. Innkuan tungtawn a tundingnawnna thukhun tuamtuamte:
- Numei’ suan in melma zougawp ding: Huan, nang leh numei ka hon kidou sak dinga, na suante leh a suante leng ka kidou sak lai ding; huaiin na lutang a sidup sak dinga, nang a khetul na sidup sak ding, a chi a (Gen 3;15).
- Noah’ innkuan toh thukhun: Huan, na kiang ua ka thukhun hihkip ding; sa tengteng leng tuichima hihmanin a omta kei ding uh; lei hihse dingin tuichim a tung nawn sam kei ding hi, chiin, a gen hi Gen. 9).
- Abraham’ innkuan toh thukhun: Huan, Toupan, Abram kiangah, na kha lama kipan leh na tanaute laka kipan leh na pa in akipan pawt inla, gam ka honetsak ding lamah pain:Huchiin, chi thupi mahmahin ka honbawl dinga, vual ka hon jawl dinga, na min ka hih thupi ding; huan, nang vualjawlna hiin: Huan, nang hon vualjawl peuhmah ka vualjawla dinga, hon hamsiat peuhmah ka hamsiat ding: nangah leia nam chih a nuamsa ding uh, achia (Gen. 12: 1-3).
- David’ innkuan toh thukhun:Na ni a bei a na pute kiang a na lup hun chiang in, na nung a na suan, na gil a gah ding ka tungding ding a, a gam ka hihkip ding;Aman hotdamna thupi mahmah kumpipa a pe zel hi: a sathau nilhpa tungah, David leh a suante tung ngei ah khantawn in a siamdan a lang sak ding, a chi a (2 Sam 7:12; 22:51)
B. Pathian in nang' innkuan tungtawn in tundingna nna sem ut hi.
Hiai in innkuan poimohna, nang’ innkuan mahmah poimohna gen hi. Aman, nang’ innkuan a tungding ut a, na innkuan tungtawn in saptuam, khotang leh nam tungding ut hi.
1. Tua di’n Priority set in
a. Pathian a masapen ah. Amah deihdan mah a masapen a koih in, na Pathian toh na kikal uah thildang bangmah tasaklou din hong hamchiam in. Pathian phawklou leh a deihdan zonglou a na nekzonna leh na innkuan vai na sai a na buaipih leh na lohsam thouthou ding hi.
b. A zom in na innkuan. Pathian zom a na innkuan sang a na ngahpoimohzawk ding thil ding omlou hi.
c. A zom in na nnasep. Nnasep ding hon pepa Pathian, innkuan Amah a ding a bawlpa Pathian toh kizom a, na innkuan Amah ding a pahtak tham hiding in pan la inla, tua zoh in na nnasep ah hong hahkat in.
d. Nam makai Joshua in leng a sih kuan tanpha a apoimoh ngaih tuh a innkuan mah ana hiden hi'n a lang hi (Joshua 24:15). Tuabang in Pathian in Kumpi Hezekiah kiang a, a sihma ngei a a hihfel masakpen ding tuh "a innkuan om dingdan" ahi (Isai 38:1). Toupa'n a priority ding uh a pia hi. Tuni'n ei a di'n leng a kilamdang tuankei hi.
2. Vauhilhna: Priority i koihkhelh chiang in buaina piang hamtang.
a. David in a innkuan sang in pawlam galdouna uangbawl kha a, a innkuan melmate’n pawmang uh a, innsung ah lungkhamna meipi zing hi.
b.Himahleh Pathian’ hehpihna lian. Priority pelou a ana hihkhial te leng Toupa’n hunlem dang hon pe lai. “Delh in na pha ngeingei ding, na hunkhe vek ding” (I Sam. 30:8).
c. Unau, tuni’n Toupa’n kuapeuh hunlem leh thuchiam manpha hon pelai, Amah pahtak innkuan bawl ding in hon lamen hi. I kipan uh aw!
