{s5_mp3}http://ebccdelhi.org/sermon/newyear2015.MP3{/s5_mp3}
New Year 2015 Sermon by Pastor V Nenglian
"Amah a lian semsem dinga, kei bel ka niam deuhdeuh ding"(Jn. 3:30)
PATHIAN PAHTAK INKUAN chih thupi nei a tukum thak 2015 sung kikem ding leh kisai dinga i kisak laiin eimah lampang ah hilou zaw in Pathian lampang mah etpen a nei di'n kisa le'ng Pathian ompihna, makaihna leh vualzawlna tamsem hongtung ding hi, chi'n lametna liantak ka nei hi. Huai ziakin kum bul a i din toh kiton in "Amah a lian semsem dinga, kei ka neu deuhdeuh ding" chi a Baptispa Johan in achih bang in en leng huai mah chi ding in kisa ni.
Pastor Jim Moore (Houston) = "You can grow bitter or you can grow better"
Eimah hinkhua a Pathian a hong let semsem theihna dingin-
1) Toupa aw, nang kon itna khangsak semsem inla, khovel leh a sunga thilte ka itna kiam sak deuhdeuh in, chi'n i thum ding uh. (Deut. 6:5)- lunsim, kha, hatna tengteng toh Pathian it ding ahi.
2) Toupa aw, ka kipahna nang ah bukim sak semsem inla, thil dangte ah kipahna zong lou ding hon panpih in, i chi ding uh. Sam 37:4 ah- Toupa tungah leng kipak in huchin na lungtang deihlamte a hon pe ding, chi hi.
3) Toupa aw, ka muanna (trust) nang ah khangsak semsem inla, keimah theihsiamna leh ngaihsutna dan ah kinga lou dingin hon panpih in, ichi ding uh. (Pau. 3:5-6)-
Eimah hinkhua Pathian lian semsem dia i thum laiin testing tuamtuam i tungah hongtung ding hi. Na ginna (faith) test in hong om ding a, na kipiakna (commitment), na nasepna (service) ah, na chihtakna (integrity), leh na philosophy ah test in na om ding hi. Huai hun a Toupa aw, na chih teitei theihna in vualzawlna tampi hon tun ding hi. Huai dingin hanchiam tek ni.
Toupa aw, ka hinna ah nang lian semsem in......ka hih hih ah kipakta ning!
Amen. Toupa'n nang leh na sungkuante 2015 sung ngei in vualzawlna thak toh hon vuk hen aw.
-----------------
January 01, 2015 @3pm
