{s5_mp3}http://ebccdelhi.org/sermon/kipahna_hc.MP3{/s5_mp3}
KIPAHTHUGENNA
(Thanksgiiving)
Kum tawp (2014) ah i ding ua, tukum adia Nipini nunungpen ahi tuni. Hiai tan Toupa'n ahon pina ah bangzah kipahthu gen ding i nei a, bangzah kipahthu gen theihlouh ding haksatna i tuah a om a? chihte ngaihtuah tham ching ahi.
Bible in thil khempeuh a kipahthu gen ding ahon chihlaiin mihing lam ah thil hi theilou ahi, ei deihdan hilou i tunga hongtungte, i nget louh pi lah i tuah teitei te, i nget zenpi ei nget banga hong tung loute, ah bangchin kipahthu i gen thei dia!!!
Bible in - 1 Thes. 5:18 ah Bangkim ah kipahthu gen gige un; haui tuh noumau lam thu ah Kris Jesu ah Pathian deihlam ahi ngala. chi hi
Bangkima kipahthu gen gige dia sawl (command) ihi. Eilam ah haksapi ahi a, himahleh, hon sawltupa' lamah thil hithei ahi. Aziak tuh, hon sawltupa' deihlam ahihman in, AMah deihlam hih ding tuh kua ahia kithalawp lou ding.
Lungtang tawng apan kipahna leh pahtawina piak tuh Pathian a dingin manpha mahmah hi-
Sam 69:30-32 ah- Pathian min la (song) in ka phat dinga, kipahthu genin amah ka pahtawi (magnify) ding hi. 31Huchibangin bawngtal hiam, ki leh chinnei bawngpa hiam, sangin Toupa a kipaksak zo ding hi. 32Thunuailutten (oppressed) huai tuh mu unla, kipak un: nou Pathian zongte aw, na lungtang uh hing (revive) in om hen. chi hi.
Lungtawn tawng apan Pathian phat a pahtawi, akiang a kipahthu gen, tuh ganta toh kithoihna sangin Pathian in kipahpih zaw ding hi. Huchi bang kipahthugenna, pahtawina ah oppressed a omte di'n kipahna leh Pathian zongte di'n halhna ahi.
I tuah bangbang, Pathian in a phala i tunga hongtung te, ziakin Pathian kiangah kipahthu gen in Amah min i pahtawi ding ahi. Ei' thadah ziak hiam, utlouh ziak hiam, gitlouh ziaka hongtung te ziakin Pathian kiangah thupha tawi ni, aman tuabang hon tungsak lou thei hi.
Bangkim ah, tukum sunga thil tungte, Pathian tunga kipahthu genna hi hen aw, Amen.
----------------
December 28, 2014
