{s5_mp3}http://ebccdelhi.org/sermon/gingtuhinkhua.MP3{/s5_mp3}
GINGTU HINKHUA
Text: 2 Peter 1:3-11
3Amah thupina leh hoihna jiaka honsampa, a tanchin theih jiakin a Pathian thilhihtheihnain hinna leh Pathianlimsak na lam thuah thil tengteng a honpe ngala. 4Huaite jiakin a thuchiam manpha tak leh thupi petpette tuh honpia ahi; huchiin utna jiaka khovela siatna hongom tuh taikhiak santa in; huai thuchiam manpha tak leh thupi petpette jiakin Pathian omdan na kikoppih thei sam ding uhi. 5A hi, huai jiak takin, thanop himhim suahin, na ginna uah hoihna hel unla, na hoihna uah theihna hel unla, 6na theihna uah kidekna hel unla, na kidekna uah kuhkalna hel unla, na kukhalna uah Pathianlimsakna hel unla, 7na Pathianlimsakna uah unaute itna hel unla, na unaute itna uah itna hel un. 8Huaite noua a hiha, a khanjel ngalleh, i Toupa Jesu Kris theihna lamah thadah lou leh gah loulouin nou a honbawl nak hi. 9Kuapeuh huai thilte neilou tuh mittaw ahi, naichik ate kia a mu theia, a nidanglai khelhnate silsiang sakna tuh a mangngilhta ngala. 10Huaijiakin, unaute aw, nou a honsapna leh a hontelna hihkip dingin thanop suah semsem un; tuate na hih uleh chiklai mahin na puk kei ding uhi; 11huchiin, Jesu Kris i Toupa leh Hondampa khantawn gama lutna a honmu sak lo mahmah ding uhi.
Gingtu hinkhua tuh ginna akipan itna kikal a hinkhua kizatna ahi. Huai bel, Toupa' min a kizatna ahi; tuisik nou khat Pathian min a pia in van ah akipahman tan lou hial ding hi. Phattuamngaihna leh hoihna ziak lel hilou Pathian deihdan Pathian min a sepkhiakna ahi.
Huchibang gingtu hinkhua izatna dingin Delhi a omte' adi'n i sep-le-bawl tampi khek a ngai khol kei maithei. Himahleh, Pathian min tellou a i sep-leh-bawlte, inkuan i etkolnate, nupa kal ikisainate, leh naupang kepna a pan i laknate tengteng Pathian min thupina ding leh amah min a hong hih chiangin huai ah Pathian min pahtawi in om a eilam ah gingtu hinkhua zang dik ki hiding hi.
2 Peter 1:3-11 sunga gingtu hinkhua toh kisai bangchi-a kigen hiam i ensuk ding-
1) Gingtu hinkhua hiai (vv.5-7) a kigen in a tup (purpose)- Pathian' pianken (nature/qualities) tang ding (v.3)
- Khovel siatna (khelhna ziaka) tungte pumpelh ding (v.4)
2) Gingtu hinkhua (requirements)- vv.5-7- kuhkal/thanop suah ding
- ginna ah hoihna behlap ding
- hoihna ah theihna behlap ding
- theihna ah kidektheihna behlap ding
- kidektheihna ah kuhkalna behlap ding
- kuhkalna ah Pathianlimsakna behlap ding
- Pathianlimsakna ah unaute itna behlap ding
- unaute itna ah itna (Christian love) behlap ding
3) Gingtu hinkhua zat dikna manphatnate- (vv.8-9)
- Jesu Khrist theihna lamah khang ding
- mitvak, vualzou hinkhua zang ding- puk ngeilou ding
- Pathian gam a nakpitaka kipahpihna tawh lutsak a om ding.
Jesu Khrist a thuchiam i neihte (promises) kia hinpih/kipahpah mai hilou a, Pathian in a hon lametna (demands) te zui a hinkhua zang hi dinga sap ihi.
Hiai bang hinkhua manpha- gingtu hinkhua- zang chiat dingin Toupa'n hon vualzawl hen aw.
--------------------------------------
October 05, 2014
