{s5_mp3}http://ebccdelhi.org/sermon/khrist_zalenna.MP3{/s5_mp3}
KHRIST A ZALENNA
(An Independence Day 2014 Message)
Text: Johan 8:31-36
31Huchiin, Jesun a gingta Judate kiangah, Ka thua na om gige uleh, ka nungjuite na hi taktak ding uh; 32huan, thutak na thei ding ua, thutakin a honsuaktasak ding, a chi a. 33Huan, amau a kiangah, Abraham suante keive ua, tu tannin kuamah salah ka om ngei kei uh, Suahtaksakin na om ding uh, bangchihchiha chi na hia? a chi ua, a dawng ua. 34Huan, Jesun a kiang uah, Chihtaktakin chihtaktakin kon hilh ahi, kuapeuh thil hihkhial tuh, khelhna sal ahi, 35Sal tuh chikpeuhin in ah a om gige kei; tapa tuh chikpeuhin a om gige hi. 36Huchiin, Tapain sal apat a honsuahtaksak leh, na suakta petmah ding uh.
India in zalenna angah nung kum 67 chingta hi. Independence Day a lop 68na zanhal (15 Aug. 2014) a zatin om hi. Hiai Zalenna in bangteng huam kha ding hiam: political freedom, economic freedom, religious freedom chihte ahi mahmah ding uh.
Zalenna angah ma in India bang dinmun ah om hiam: Leng (Kumpi) tuamtuam te'n amau opkhumna mun chiat ah thuneitakin om uh ahi ding a, thamlou in, khat leh khat ki dou a ki gal bawl leng ahi lai kha ding uhi. Huchiin, 1608 kum a British East Indai Company honglut akipan in khat khit khat in thuneihna hon la tou ziahziah uh a, a tawp in 1891 velin Manipur telin tua India chi a i theih gam pumpi amau thuneihna nuai ah omsuakta hi. Kivaihawmna leh kisumdawnna peuhmah ah British-te thunuai ah India pumpi omta hi.
Mahatma Gandhi, Jawaharlal Nehru leh midangte'n ma hon kai uh a India gama kipan British te nohkhiak ding thu hon sawm uhi. Huai tuh 1875 vel ahi ding. Hong hahpan deuhdeuh uh a, mipi leng hong pangkhawm semsem in a tawp in 1947 Aug 15 ni'n India British khut apan suakta leh zalenna ahihna puankhiak in om a India flag kaihpalh in om hi. Hiai hamphatna eite'n i zarzou uh a zalenna takin sahkhuana ah leh kong bangkim ah nuam isa mahmah hi.
Khrist a zalenna bang chibang ahia le? Khrist a Zalenna tuh political freedom ahi kei a, religious freedom ahi kei a, economic freedom leng ahi kei hi. Hiai tuh khalam zalenna (Spiritual freedom) ahi.
Spiritual Freedom:
1) Khelhna ziaka Tangtawn manthatna apan suahtakna
2) Pathian' thangpaihna apan suahtakna
3) Lauhna- sih ding lauhna, midangte hoihsak louh ding lauhna, lohsap ding lauhna, vuallelh ding lauhna, apan suahtakna
4) Self-justification (mahni kisiamtanna) apan suahtakna
5) Pathian deihdan zonga tuabang a hing thei dia zalenna
Judate' saltanna:
-Political
-Economic
-Spiritual bondage
Amau Abraham suan ahihna uh suangin khalam (ginna) ah Abraham saunte ahihlouh lam uh kithei ban lou/ pom utlou uhi.
Bangchi a Khrist a Zalenna tangkha thei ding?
- Ginna (believe)
- Khrist THU (thutak) a om gigena (remain in Khrist' word)
- Thutak theihna (khalam thutak- Pathian thu theih semsemna)
------------------------
August 17, 2014
