{s5_mp3}http://ebccdelhi.org/sermon/HOPE.mp3{/s5_mp3}
A sermon on "Biblical Hope"
Lametna tuh mailam hun a banghiam thilhoih leh kipahhuai hong om ding lunggulhna genna ahi.Hiai thupi ka hon telna san-
India in govt. thak nei ding ihita uh a, hiai govt. thak hong ding ding ah mipite'n lametna liantak nei uhi. Thil tengteng ah kikhekna leh khantouhna hong tung ding bang hial in lamen uh hileh kilawm hi. Huchihlaiin, govt. thak in mipite' lametna bangtan ahon su tangtung zou ding uh hiam chih tuh ki theichian lou ahihman in kigen thei nailou suak phot hi. Banghiam beek zaw hong om na peuhmah lou ding hia maw, chih lel mai phot in om hi.
Tukum thupi -Na deihlam lei ah kihih hen- chi-a Pathian deihdan hihtou jel dinga ikisak laiin hanthawnna, hangsanna, kuhkalna, thuakzohna, itna leh siangthouna te poimoh hihman in Bible hon sinsak lametna bang hi hiam chih gen sawm ihi.
Biblical Hope: Bible hon sinsak lametna tuh maban a thilhoih hongtung ding theihchetna toh kithuah lunggulhna ahi. Aziak bel, Bible a Pathian thuchiam i neihte hong tangtung ngeingei ding uh ahihman in. Pathian thuchiamte tangtung tou jel a hong tangtung toutou lai ding uhi. A tawpna ah Pathian in amah tehna (standard) zangin khovel leh a sunga om tengteng vaihawmna ah pilut ding hi. Huaijiakin, Pathian' standard mah a dikpen hong hi ding a, huai te mah hong tangtung tou jel lai ding uhi.
Huchihlaiin, mihingte' lametna bel theihchet louhpi lametna leh lunggulhna ahi a, duhthusamna lel ahi. Logical & mathematical pattern a dik te kia pom theih ichi uhi. Huchilou peuhmah lamet ding leh kingakna tak omlou ichi uhi.
Himahleh, Bible hon sinsak lametna tuh logical & mathematical pattern a zuihkhak ziak uh hilou in Pathian' chih, Pathian thupawt ahihman un dik uh a, huaite mah hong tangtung tou jel ding uh hizaw hi. Bible in lametna hon gen tuh khenkaht te'n moral certainty ahi, chih uhi.
Hebrute laibu gelhtu'n a lametna theichian mahmah ahihdan kimu hi- (Heb. 6:9-12)
9Himahleh, deihtakte aw, huchibang thu gen mahleng zong, nou jaw huchibang thil sanga thil hoihjaw, hotdamna jui thilte, nein a hih uh ka um (theichian) uhi. 10Na nasep u leh a min jiaka itna na latsak uh, mi siangthoute na nasepsak uh, tutana leng na seplai uh, mangngilh dingin Pathian mitak lou ahi ngal kei ahi. 11Himahleh, atawp tana lametna theihchetna kim mu dingin na thanop ngeingei bang un thanop suah gige chiat le uchin ka chi mahmah uhi. 12Huchiin, na kithadahsak kei ding ua, ginna leh kuhkalna jiaka thuchiamte gouluah khin khawngte entawnte na hi zo ding uhi.
Pathian a i lametna leh ginna tuh a chiangloupi hilou in a chiang mahmah hogntung ngeingei dingte ahi uhi. Huaiziakin, Pahtian theilou leh gingta loupi a lametna theichian chih om theilou ding hi. Hiai lametna in -
-hangsanna
-kuhkalna
-dohzohna
-theihsiamna
-itna
-siangthouna
chihte hon tun hi. Hiai bang lametna theihchetna nei a hinkhua manphataka zang dingin Pathian' Kha in hon ompih hen.
--------------------
May 25, 2014
