{s5_mp3}http://ebccdelhi.org/sermon/motherday_2014.mp3{/s5_mp3}
MOTHERHOOD
Nute Ni 2014 chibai!
Nidang pekin Ancient Greece in a pathiante uh NU, Rhea kichi kipahpihna in Ni khat hun ana zang uhi. AD 1600s in England gama om Gingtute'n Jesu Nu, Mari zahna in Ni khat hun ana zang uhi. Huai nung sawtlou in USA ah Nute Ni kichi kumteng a May Pathianni nihna a zang in om hi. Pawl khat te'n Pathian theilou mite chiin ahi chi uhi. Himahleh, Bible in Nute (leh Pate) zahtak ding leh pahtawi ding ahihdan gen hi (ref: Deut. 5:16;Eph.6:2). A ni leh hun pen Bible in bangmah a genlouh man in nituak biik seh a zangte a leng a dik a, ni tuam biik seh sese lou Nute (leh Pate) pahtawina leh zahna pe gige thei te'n leng a hihkhial kei uhi (Rom.14:5-8). Eite'n bel hun teng a Nute (leh Pate) zahna leh pahtawina piak ding ahi, ichih laiin, khovel in a zat Ni, May Nipini nihna ah a kituakin Biakin ah program bawl in NUTE NI chi'n i zang uhi.
NU HIHNA (MOTHERHOOD):
“To be a mother is a called to suffer” – John Piper.
“There is no role in life more essential and more eternal than that of motherhood. While women live in homes under many different circumstances- married, single, widowed, or divorced, some with children and some without- all are beloved of God, and He has a plan for His righteous daughters to receive the highest blessings of eternity”- Elder Russell Ballard
1) PANPIHTU (Gen. 2:18). Nu pil in tuh panpihtu ahihna a theichian a a Pasal' hatlouhna leh chinlahna a muhkhiak chiangin simmoh suk mai leh mualphousak mailou in a liahkhuh a, nungthuaptu in a pang jel hi. Hiai dinmun tuh kuamah in a khekkhiak theihlouh Nu' hihna ahi. Pasal bukim louhna (deficiency) bukimsaktu (efficient) ahi uhi.
2) CHI TAMPI SUANG DING (Gen. 1:28). Nute tuh hiai khovel paitou jel dinga chisuangtu hihna (pasalte toh) piak in a om uhi. Pathian in sapna leh sehna tuam nei a ta neilou dinga hon sehtuam ahih kei leh Ta neih ding tuh Nute adi'n a dinmun uh, a hihna uh ahi. Deihlouh man a Ta neihlouh maimah chihtuh Pathian' sehdan kalhna ahi a, gitlouh man ahi.
3) ETTON DING (MODELING with integrity). Deut. 4:9; 6:6-7. Nute tuh etton dingte ahi uhi. Pathian mitna ah, Pathian lau dan ah, Itna ah, zalenna ah, mahni dikna ah, leh Pathian deihdan a hinna ah etton dingte ahi uh.
Hiai bang Nu hihna hinpih thei chiat dingin Nut tengteng Pathian in hon vualzawl hen aw.
