{s5_mp3}http://ebccdelhi.org/sermon/hangpu.mp3{/s5_mp3}
TWO TYPES OF CHRISTIAN
Text: Matthew 7:21-23(21)
21- Ka kianga: Toupa Toupa, hon chi na peuh vantung kumpigam lut kimlou ding a, vantung a om ka Pa’ deihlam hihte kia lut ding hi.
22- Tua ni chiangin, mi tampi in ka kiang ah: Toupa Toupa, na mina thu gen a, na mina dawi hawlkhia a, na mina thillamdang hih hilou kahi umaw? Hon chi ding uhi.
23- Tua hun chiang in, amau te kiang ah: Noute hon thei ngei keng. Dan bei a gamta noute , Ka kiang apan paimang un, ka chihsan ding hi.
I. Christian of convention (mi tam zaw te Khristian a suah ziaka suak top)- (cf.vv 21a)
Hiai Christian of convention i chih in a gennop tak bel, mi atam zaw te Khristian ana hihziak lel ua Khristian a kipe lut top te genna ahi a; amah mimal in Jesu Khrist toh kituahna anei kei uhi. Khristian diktak hilou chihna ahi. Mi khenkhat khristian (gingtu) kichi hinapi in a hinkhua uh a ut bang bang a zang pawl leng om ua; a sukha tu ding amau ah a omlouh man hilel ahi. Jesu lam lang/ dawk khalou te; Jesu a ginna neilou te genna ahi. Mi khenkhat in khristian kichi pawlpi khat; mi bangzah hiam kipawl khawmte om khopna mun (organization) tawh kibang om ahi a; Christian I chih Jesu Khrist nungzui dinga sapkhiat/ Saptuam te ihih man in organization himok lou a, the leng tehpih theih hilou ahi. Khenkhat in lah Khristianna kichi kiluahsawn theih (inheritable) thil dan a ngai pawl bang ki om thei mawk hi. A pa/nu/unau hiam gingtu ahihziak a amah leng Khristian kisa thei mawk uh hi.
Nikhat Bible College a ka omlai in namdang lawm (min genlouh) mundang a hong kipan khat toh ka kihoulim uh a, Khristian a hongsuah dan kadot leh hichi’n a hon dawng hi: Kapa’n missionary te thegenna tungtawn in Jesu a Hondampa ding in ana sang a gingtu/ Khristian hongsuak a, huchiin huai apat in kou (azi a tate)leng Khristian suak vek ka hi uh.
Khristian Sahkhaw kichi sahkhaw dang toh kibang lou, a khang a kiluahsawn thei himawk lo ahi. Tulai in ngaihdan diklou pipi tam mahmah ta I HIHNA ziak bang sa mok, Saptuam Department a tanmun let khak ziak lel khong a Khristian kisa kha mawk tam ta lua ihi.
Juda te tawh kibatna khat nei hive hang aw; Juda te’n Jesu Khrist theih zaw thei mah ve uh aw himahleh ana sang ut het kei mawk uh ahi. A kam un zaw Khristian mah mah ve uh aw, Pathian min a thilhih ziak banga leng Hotdam ding kisa uh ahi. Himahleh Pathian in bel kam lel khawng, nasep ziak lel khawng a Hotdamna (Khristianna) kichi deih lou ahi.
II. Christian in Conviction (Jesu a ginna kichian tak neite)- (c.f vv. 21b)
A tom zongin genle, Christian in Conviction I chih chiangin Jesu ginna tungtawn a sang a, Jesu Khrist a ki bulhphuh Khristian te genna ahi a; Tuamah ahi Pathian deihlam ichih;a tom zawng a genin Khristian diktak chihna ahi.Vangam lut ding khristian te genna leng hi ahi. I Laisiangthou simna chang 21b ah I et leh vangam lut thei di te Jesu’n huchiin ana gen a; ka Pa van a om deihlam hihte kia a lut diing uh. Achihleh Pathian deihlam bang ahi diale..???.. mihing a piangkhe ta phot chu mi khial, mikhial in a matuah non di chu tangtawn gaawtna, sihna (meidiil) ahi chih Laisiangthou ah chiang takin i mu uh ahi. Genesis ah I et non aleh Pathian in mihing Amah batpih in a siama hoih asa mah mah hi chih I mu a (cf. Romte 5: 12; Gen. 1; 26; 31). Pathian in Amah batpih a abawl itlou a a manthat ding uh phal ahi diam..???? Hilou…. Kuamah a manthat ding a phalkei a, khelhna ziaka kikhen khinsa, kizopna nei nonlou himahle hang a itna jiak liau liau in a Tapa tang neihsun (Jesu Khrist) khovel tatna dingin hon pia a (Jn. 3:16). Tua a gingta te kia hotdam a om ding chih i Laisiangthou hon sinsak dan ahi (Pathian deihlam).
Jesu Khrist khovel tatna dia honpiak himahleh Vangam I lut theihna dingin Pathian in thil phuut khat hon nei ahi…tuabel Khross tunga ki khaikang Jesu Khrist Ginna tungtawn a saan ahi. Pathian in vangam na lut theihna dinga a deih chu GINNA kia ahi (cf Eph 2: 8-9). Vanmi ihih theihna dinga hon qualified saktu Jesu bek hi ahi. Amah’ pom le chin Aman’ hon tunpih na ding ahi. Vangam ah kuamah i ki sawllut theikei a himahleh Jesu na ginna in vangam hon tun ding ahi. Jesu Khrist tellou a zaw Christianity kichi bukim zoulou ahi.
Christian chi nih (2) i gente lak ah koimun pen ah na omkha a...??
Khristianna kichi i tehna (measurement) vanzat uh bang a…???
Pathian gam nna i sepna ua i kipiak zawhna te, i thilhih te uh set theih hileh- Khrist a ngai non kei ding.
Huaiziakin, Christianitykichi i tehna vanzat pen Jesu Khrist ahih khak keileh bukim zou tuanlou ahi….
-------------------------------------
By Evan. Khaikhuphang, Pastor Asst. (April 27, 2014).
