Notes
Text: Isai 9:6, Lk. 2:1-20, Jn. 1:14
Thumasa: Tukum 2010, Christmas nuam leh pmanphataka hon zangsak Toupa Pathian min phat in thupina tengteng amah i pia hi.
Tunin i lakah mix-feeling aom ding; lungleng thei te adingin lunglen hun ahi a, kipak a lawptawp theite adingin nakpitaka pipah theihna hun ahi. Bangchibang feeling toh om in, bangchibang hinkhua zang ihimahle hang tunin Pathian mai ah kikim vek ihi chih thei in intektak leh angtang takin i om chiat ding uh.
Tuni, Christmas, message dingin THU KIPAH HUAI chih ka hon tel a, Thu Kipah huai bang hi hiam (the meaning) chih i en dinga, huai khit chiangin bangin tua Thu Kipah Huai omsak/piangsak ahia (the cause) chih en nawn in, a tawpna din bang dinga tua Thu Kipah Huai piak a om ihia (the purpose) chih i en ding uh.
1. The Meaning of "Good News"- Thu Kipah Huai bang ahia?
Tuni a i gen ut "Thu Kipah Huai" tuh huai gamdai a Belamchingte' kianga van angel in ava puak thu kipah huai ahi. Huai tuh Belamchingte concern masa ahi kholkei ding. Amau adin bel khaloh pun ding thu bang, belam man khan ding thu bang,inten-louten neihding thu khong te "thukipah huai" ahi lel kha ding. Himahleh, Pathian concern bel huai a David khua Belthlehem a naungek piang toh kisai ahi. Hiai tuh Tanchinhoih Johan Gelh in "Thu Sa mihing hongsuak" achi hi. Huai Thu Sa Mihing hongsuahna tuh Nungak siangthou hong gaina thu ahi (virgin birth) ahi. Huaiziakin, Thu Kipah Huai tunia i gen bel Bethlehem a naungek hongpiang Jesu Khrist toh kisai, ahihna (divinity & humanity) telin, Pathian in mihignte adia a concern lianpen thu ahi.
2. The Cause of the "Good News"- Bangin tua Thu Kipah Huai piangsak ahia?
Hiai Thu Kipah Huai tuh Belamchingte agim-atawl luat man ua hongpiang mawk ahi kei a, Pathian' itna apan hong kipan Thu Kipah Huai ahi. Johan 3:16 ah, Pathian in khovel a it mahmah a, huchiin a tapa tang neihsun a pia hi, chi hi. Pathian in ahon it luat mahmah ziakin Thu Kipah Huai a hong om hi. Itna a hong kipan Thu Kipah Huai ahi. Tua Pathian itna tuh Jesu Khrist kiniamkhiakna tungtawn in sepkhiak in hong om hi. Philipite 2:6 ah, Amah tuh Van muin a Pathian banga om hinapi in, thil khiaklah huai in a sim kei a, hong ki hih awlthawl a, sikha bangin hong om a, mihing banga bawl in a hong om a... chi hi. Pathian itna thuuktak mai Jesu Khrist kinuamkhiakna a sepkhiak a hong om tuh "Thu Kipah Huai" ahi. Thu Sa Mihing hongsuak ahi. Nungak siangthou hong gaina thu ahi.
3. The Purpuse of the "Good News"- Bang dinga Thu Kipah Huai piak a om ihi ua?
Pathianin ahon itna mihingte theih dia langsak ut maimai a thu Kipah Huai hon pia hilou in, mihingten tangtawn hinna i neih theih nang un Thu Kipah Huai ahon pia ahi zaw hi. Mathai 18:11 ah, Mangthangte zonga hondam dingin mihingtapa khovel ah hongpai ahi, chi hi. Tangtawn manthatna a pai mai dingte tatna hongbawl ding in Thu Kipah Huai piak in i om uhi. Tua in Pathian lumkim sak ahihman in Luka 4:19 ah, Pathian lungkim kum thu phuang ding in, achi hi. mihingte hotdamna pia a tangtawn hinna a pilut dingin leh Pathian lungkim kum thu phuankhiak a om dingin "Thu Kipah Huai" piak in i om uhi.
Thukhitna: Mother Teresa in, Zawnna huai se penpen tuh thawmhauna ahi, chi hi. Thawmhau taka ittu ding neilou bang a hinkhua zang na hi hia? Tuni a igen tuh Pathian in nang leh kei ahon it luat mahmah ziaka "thu kipah huai" hon pia ahi chih ahi. Pathianin nang hon it hi. Banghcibang hinkhua zang himahle chin Toupa'n hon it hi. Ahihkeileh, tua Pathian' itna nang hinkhua ah bangchin sepkhiak in a om ale? Kiniamkhiakna, dohzohna, thuaktheihna hinkhua tawh a hon itna puangzak din Toupan nang leh kei hon deih hi. Tua bang hih thei chiat dingin Toupa'n Christmas 2010 zangte tengteng hon vualzawl chiat hen aw, Amen!
