Notes
NUNGZUI THEI DING MI 3TE
Luke 9: 57-62; Mark 8:34f
Tuni a i thupi nungzui thei ding mi 3te leh Jesu a kituahna (encounter) uapan Nungzuihna Man (Cost of Discipleship) chih ahi.
Nungzui thei dinga Candidate mi 3te leh Jesu a ki houna (conversation) u hiai bang ahi-
- 1. Amasa pa; Mikhat hongpai a Jesu kiangah Toupa, na paina peuhah ding... achihlaiin, Jesu’n bangchi hiam ichihleh, Sihalten buk na ding kua nei ua, tungleng Vasate’n Bu nei uh a, himahleh, Mihing tapa’n lu ngak nang mun a nei kei, chi’n dawng hi. Kikaih lou lua abang.
- 2. A nihna pa: Midang kiangah bel Jesu’n Kei hon zuiin (follow Me) achi a, himahleh, aman Ka Pa hon vuisak phot in chi’n a dawng hi. Hun sa nailou, amah tua Jesu nungzui dinga chin kisa nailou a bang hi. Tua phet in, Jesu’n Misi in a misite uh ki vui uhen achihsan hi.
- 3. A thumna pa; Midang khat hongpai nawn in a kiangah, Toupa, kon zui ding, himahleh, ka sungkuante thupha in hon khsak phot in, chi hi. Tua mipa kiangah Jesu’n Kuapeuh leilehna len a nunglam en tuh Pathian gammi hitak ahi kei chi hi.
Hiai a tunga Mi thumte leh Jesu kihouna apan theihtuah sinlai i muh khenkhat hiai bang ahi. Jesu in a gen nop hi a kilangte-
- Amah mihing JESU theihna ahi. “Kei hon zuiin”- KEI or Jesu ahihna bangtaka theih ding poimoh mahmah hi. Amah tuh kuahiam extraordinary man mai hilou in Pathian tapa ahi. Pathian thaunilh khovel hondampa ahi. Pathian leh mihingte kizop nawnna siamtu ahi.
- A lampi (pathway) zuihna, huai tuh a Mission ahi. Jesu ahihna bangtaka i theih khit chiangin amah paina lampi a pai kisam hi. Amah Jesu khovel a hongpai nasan tuni a khovel a ka hinna san ahih ding ahi. Jerusalem khopi a vapai ngeingei ding chihna hilou in Jesu Mission tuh ka mission ahih ding, huaituh ka hinsan ahih ding chihna ahi.
Huaiziakin, Jesu’n tuh hiai i tangteel a amah zui thei ding mite kiangah sinsakna (Teaching) poimohtak apiak banah etkhiakna (Testing) toh leng athuah pah ngal hi.
A sinsakna tuh huai Calvari lampi Jerusalem tawna paina tuh a nuam ahi gige kei a, haksatna tampitak a om chih ahi.
- Mark 8:34 ah Jesu’n kuapeuh in hon zuih a ut leh amah kingaihsak lou in, a cross pua in hon zui hen, chi hi. Haksatna lam tampi ah i tuah ngeingei ngai ding chihna suak hi.
A etkhiakna tuh banghiam ichihleh tua mi thumte amah Jesu amau hinkhua chiat ah a lianpenpen in a koih ngam na uh hiam chih ahi. Tua bel, If Jesus really is your treasure, your joy, your hope, your security and your best friend chih ahi. I kipahna tengteng amah Jesu a hong bukim a, i muanna tengteng amah Jesu a ingak chingin, i lametna tengteng amah Jesu kiangah ahong om chiangin, amah Jesu i lawm hoihpen ahong hih chiangin Nungjui muanhuai, Nungzui ginom hi thei pan ding hi hang. Tua hih, nungzuihna man- cost of discipleship ahi.
Tuabanga, amah Jesu nungzui muanhuai hithei chiat dingin tuni a hongpaikhawmte na vek un Toupa Pathian itna leh a Kha siangthou ompihna hoihpen in hon ompih in hon makaih chiat hen aw...
