Notes
THE GIFTS OF RESURRECTION
1 Korinte 15:12-20
Kum paita 2010 Easter Sunday hun in “The Significance of Christ’s Resurrection”chih thupi a neiin Khrist thohnawnna bangzahta a manpha hiam chih igenta ua, tuni’n tua ban kal khat suan in “The Gifts of Resurrection”chih thupi a neiin Khrist thohnawnna in bang thilpiak manpha hon puak hiam chih enkhawm le’ng ichi hi.
I Laisiangthou tangteel ah ( 1 Kor 15:12-20) Jesu Khrist thohnawnna in thilpiak manpha ahon puakte a hoihlou lam (negative) in akigen a, tuni’n tuate a hoihlam (positive) in i taklang ding.
- Khelh Ngaihdamna ahon tun hi (v.17)- Forgiveness of Sins- Khrist thounawn lou hi leh, khelhna ah na om lailai ding uh ahon chi a, himahleh, Khrist a thohnawn tak ziakin khelhna ah na om nawn kei uh chihna suak hi. Huai tuh, Khrist thohnawnna tungtawn in khelh ngaihdamna na tangta uh chi ahi. Hiai ngaihdamna tuh mihing tengteng in i poimoh uh ahi. Khelh ngaihdamna louin Pa’kiang kitung theilou hi.
- Ginna in kibulphuhna a nei (v. 14)- Faith is well-founded- Khrist thounawn lou hileh na ginna uh bangmah ahikei ding, himahleh, Khrist a thohnawn ziakin na ginna uh tuh kibulphuhna nei ahong suak ta. Khrist a ginna tuh blind-belief hilou ahi chihna suak hi. Kibulphuhna kichian nei ahi.
- Thutak theihpihte i hi (v. 15, 14)- witnessing an absolute truth- Khrist thounawn lou hileh, Pathian i theihpihna uh a zuau hi ding hi, himahleh, Khrist a thohnawn ziakin Pathian nasep-thutak- theihpihte ihi uhi. Khrist a thohnawn tak ziakin Pathian itna nasep Jesu a latsaka omte toh kisai peuhmah ah theihpihtu ( witness) a ipanna tuh zuau maimai hilou in ataktak theihpihte i hongsuak uhi. Huaiziakin, Sawltakte thugente tuh thutak mah ahi. Thutak omlouhna khovekl a i khosak laiin, Khrist thohnawnna tungtawn in kingakna ding, hinpih thaman ding, thutak i neita uhi. Tuni’n koi zawk ah muanna i nga dia- evolution theory or biblical eyewitness account?
- Khrist a sisate ahing uhi (v. 18)- alive in Christ- Khrist thounawn lou hileh, amah a sisate tuh amangthang taktak uhi, himahleh, Khrist a thohnawn ziakin amah a sisate tuh a mangthang mai kei uh a, hing in a om uhi. Ei tuni a hing dama omlai ten sisate tuh i makhelh kei hial ding uh.
- Khrist ziakin a hamphapen/ enhuaipen i hongsuak uhi (v.19)- the most envied- Khrist thounawn lou hileh, amah a lametna ngate leh hiai khovel hinkhua ading kia a amah a kingate mi hehpih huaipente hi ding uhi, himahleh, Khrist a thohnawn ziakin, amah a lametna ngate tengteng tuh mi hamphapente, a enhuaipen te hongsuak uhi. Khrist thohnawnna ziakin hazat haui khop a enhuai te ihi uhi.
Tuni’n Khrist thohnawnna koppihte ihihman un, hiai thilpiak manphate Khrist thohnawnna tungtawnin piak in i om uhi. Huaiziakin, Khrist suangpi kip tung ah ding kip ni, amah a muanhuai ngal a.
