Notes
Mother’s Day 2011
NA NU THUHILHNA PIALSAN KEN, Paunakte 1:7-9
Solomon in anu Bethseba nakpitakin zahna pia hi. 1 Kings 2:19 ah, Bethseba in Adonija dia ngetsak dingin Kumpipa Solomon kiang’hong pai hi. Hiai Bethseba tuh David in Pathian deihdan kalh a akitenpih himahleh a tapa Solomon in zahna liantak pia a, amah mu dia hong kuan laiin a Laltutphah apan ana dingtou in anu mai ah khupboh in kun hi.
Bangzah ta a lian leh thupi himahle hang, i nute bangzah ta a mawl leh simmoh huai in kilang mah le uh, zahna lian tak ipiak ding ei mohpuak hi veve hi.
Tuni’n, hiai Solomon thugelh (Laisiangthou) apan sinlai i en khawm ding uh,
I ki dotna masa dingin- nute hon lamet/hon thuhilhna bangzah i pialsan ua le? Hiai dotna poimoh tak tuni, nute ni, a i ngaihtuah khawm ding hileh i chi hi.
Tua dotna poimoh tak i ngaihtuah laiin, i text a kigen thupoimoh tamloun kon taaklang ding-
- Inkuan Pathian lemgeel ahi (family is God’s idea)- Solomon in a hisa banga angaih inkuan tuh Nu omna, Pa omna, leh Tate omna ahi. Himahleh, tuni chiangin ut mawng a ta neilou bang ki omta abang. Tua Pathian lemgeel a poimoh mahmah tuh-
- All members have unique accountability (inkuan sunga michih in mohpuakna khat leh khat tungah kinei chiat hi). Nu kia hiam Pa kia hiam in alian zaw/ aneu zaw mohpuakna la hilou in a kikim leh tan kibang mohpuakna kinei hi.
- Kisinsakna ah- inkuan amah leh amah hong kivok khia (evolve) ding himai lou in Pa in kawkmuhna (instruction) pia in Nu in thuhilhna (teaching) piak ding ahi chi hi. Eimah muhdan leh hoihsak dan mai kisinsak ding hilou in Pathian laudan siam dinga kisinsak ding ahi. Tua bang dingin Toupa’n hong pung unlan leitung luah dim un chi hi. Mawk pongpaw tam ding hilou in, kisinsakna kichiantak toh hong pung a leitung luahdim ding chi hi zaw hi. Hiai ziakin, nupa kitenna, inkuan tuh God’s institution ichi thei hi.
- Tua ahihman in, taten nu leh pate hon sinsakna te i limsak ding uh ahi. Leitunga ipiankhiak apan hon deihsak masapen, hon lamen masapen tuh i pianna nu mah ahi. Amaute i zahtakna leh tawisangna i latsak theihna hoih pen tuh ahon lametna uh tangtun ding ahi.
- The Promise- tuabanga, nu leh pate thuhilhna leh lametna bang a i hinkhua i zat chiangin eimah adin thupina hong hi ahi chih mangngilh kei ni. Pathian thupiak (command) apiak peuhmah chiangin thuchiam (promise) in zui jel hi.
Huaiziakin, nu leh pate damlaite hi'n nu leh pa toh dam nawn lou hi ta leng hang, i vek pi in, ki en thak le i nute hon lamet tungzou dingin tua lampi ah i ding hiam, Pathian lauhna toh niteng hinkhua kalsuan hi'n iki thei hiam.
Nute hon thuhilhna koi mah a pialsan lou tanu tapa, nu leh pa, hi thei chiat dingin Toupa hon vualzawl hen aw...
