Pate'Ni 2011

Notes

FATHERHOOD

Inkuan hoihna (quality) tuh Pa tungah kinga hi. Inkuan a Papen in lampi dik atel chiangin inkuan lampi dik ah pai uh a, inkuan lampi dik ah apai chiangin saptuam leh minam lampi dik ah kipai thei pan hi.

Pathian in inkuan sungah Pate Amah sika ding ding (representative) in koih a, Amah leh inkuan kikalah palaina mohpuakna guan hi.  Huaiah Pathian’lunggulh masa tuh, Pate’n amau inkuan’chiat Pathian’ itna leh hoihna chiampih ding, taklat ding, ahi. Hiai bang mohpuakna nelhsiahna tuh inkuan (adiak in khalam) puksiatna ahi. Tuabang inkuan ah tate’n Pa’thuneihna zahtaak lou in engtatna toh mumal lou hinkhua zang nuam mahmah uhi. Alehlam ah, khauhtak leh gaktaka kietkolna inkuan ah tate’n Pathian’itna muh haksa asa mahmah jel uhi.

Cecile Myers said, “Your sons need to have respectable and imitable manhood. So do your daughters. Fathers are a criterion against which their daughters judge manhood in the future. Remember that if your daughter selects a wrong spouse, it is because she adopted the wrong type of ideal manhood from you yourself. If a father lives a good and happy life, his daughters will very likely to choose such a man as her father is.”

Huaziakin, Pate tuh tate’di’n a khovel muhna uh totlet bang ahi uh.

Pa’ hihna (Father’s Manhood) theihtheihnate (elements)-

1. Kumpipa- amah tuh thuneihna tawi a vaihawmpa leh amite’taksap guantu ahi.
2. Galdoutu- amah tuh kumpi thupiak ahi bangbang a zuia, hangsantaka hinna pephala galte doutu ahi.
3. Sinsaktu- amah tuh thil teng theitu ahi a, amah tuahsa leh sinsate pansan in mite sinsak jel hi.
4. Lawm ginom- amah tuh itna toh hing gige panpihtu nai gige ahi.

Pa’ hihna suse thei thilte (cultures that destroy Fatherhood)-

1. Tawndan – tradition bik ngaihnat luatna, ahihkeileh, a khengvala paidan ngeina pum let-tangna in Pa’ hihna melsesak thei hi.
2. Nasepna- workaholic in insung leh saptuam a Pa’ hihnate melhemsak thei hi. Eg. Erma Bombeck in a Pa sihni in a Pa thupidan leh manphatdan phawk khe pan hi. Amah theihdan in a Pa bel inn a om ngeilou zingkhang a “ka kuan ei” chi a pawtkhia vengveng, nitaka inn hongtung kiknawn lel Pa ahi. A belta-lem kineihna uah a Pa role ding theilou in a Pa a pangpen “ka kuan ei” chisakin lupna nuai ah lawnlut zel hi. A Pa’n nasep uangbawl lua in insungah hun zang manlou hi. Banah, Billy Graham interview na hun khat uah, “kum hiaizah Pathian a din lohchingtakin nakizangta a, hiai hun sungin hihkhial na kisak/bawlthak tuak nasak a om hia?” chia a kidotna uah aman, “Hi, ka nasep a bula panthak thei ding hileng, insungah/inkuante toh hun tamzaw ka zang dinga, a pawlam a nasepna nakpitakin ka tawmsak ding. Birthday leh party tuamtuam a katel nate keiloua leng hi thei lua mahmah ding uh ahi” chi’n a dawng kichi hi. Nektak zonna nasep nakpitaka a poimoh lai in, Insung leh saptuam a Pa hihna melhemsak ding hial a kizat louh ding ahi. Tua hileh, insung chidam zaw ding hi.
3. Nek-leh-dawn- mihingte’ ngeinadan khat tuh eimah hihna tantan hoih-hun sak mahmahna ahi. Tua bang kalah, Pate’n i theihdia hoih mahmah bel, nek leh taak, tep leh muam thilchin khenkhat te’n Pa i hihna naktakin susia uhi. En hoih hun mahmah i sak laiin Pathian’ deihna tung zoulou, hon etton tute a dia siatpih theih ding thilchin i nei hiam chih bang kivel tuak mahmah hi. Zu dawn zeuhzeuh a se pahkei a himahleh chi’n a neih ahih chiangin kisiamtan kawmkawm a tun utlouh tan hon tun thei ahihman in, leh hon etton tute’n aleh tampi hoihlou lama hon zui ding uh ahihman in zeuhzeuh louh tuh hoih zaw lai ding hi.Hiai bang thilchin in i gintak sangin Pa'hihna melsesak zaw hi.
4. Sex- women as sex objects- pasal pawl khat-te’n numeite tuh sex object bang lel in enkha nak uhi. Papi khenkhat te’n amau zite sanga midang, numei dang, a etlah zawk bang uh leng gitlouhna huaisetak ahi. Hiai bang ngaihtuahna leh thilchinte’n Pa hihna naktakin sesak uhi.
5. Hiamgamna- verbal violence- Hiamgamna i chih kivuak, chianga kisat kia hilou in kampau uanglua/sanglua leng ahi thei hi. Insungah, saptuam ah, midang lakah i kampau pilvan mahmah ding ahi.
6. Cyber culture- Khovel khantouh dungzuiin vanzat hong kikheng tam mahmah hi. Tuate lakah internet leh phone tungtawna kithuzaktuahna bang ahi. Zongsat theih thil ahihman un, pilvan mahmah ding ahi.

Pa’ hihna tunding nawn theihnang lampite (ways to recover Fatherhood)-

1. Restoring responsibility- Pate’n i mohpuakna chianthak in tuate tungding nawn ni. Eimah mimal hinkhua a i mohpuakna, inkuan a i mohpuakna- alu pen ihihna, saptuam a i mohpuakna, leh khotang a i mohpuaknate chianthak in tungding nawn ni. Zite hiam, ompihte hiam tungah ngamai louin eimah mohpuakna ahi bangbang a sangin semkhe di’n panla thak chiat ni.
2. Restoring purity- sianthouna lamah i ki tung ding thak ding uh. Hinkhua a sianthouna (Rom. 12:12,21) leh khalam siangthouna (Jn 17:15-19),
3. Restoring Leadership- makaihna toh kisaiin inkuan ah Pate’n ma ikai na u hiam ki enthak ni. Inkuan kikhop bang, insung mite’ sep leh bawl ding tungtang ah bang, kivaipuakna leh khat leh khat kisaituahna ah makaihna nna ei khut a om pen ahihna banga sangin tua semkhia di’n panlathak ni.
4. Restoring Love (Jn 4:8, Eph. 5:25)- insungah ki-itna in vai a hawm hiam, mimal chihte’n christian itna i hinpih hiam chihte vel thak tuak mahmah hi. Itna toh dohzoutaka ki enkol inkuan tuh hong lamzang ding hi.

Pa’ hihna tunding nang’ ah etton ding (model of manhood)

1. Jesu’n hahkattakin sem a, zankhua in thum a, pathian toh kizom den uhi.
2. Jesu’n khemna leh etkhiakna tuak den hi.
3. Lungkhamtaka a om hun leng pukse ngeilou- Pathian ah kinga gige hi.
4. Khelhna leh diktatlouhna amuh chiangin heh mahmah hi
5. Kingainiamtak leh dohzoutakin sinsak gige hi.

(1 Korinte 16:13-14)- Pate’ Ni 2011 i zat toh kiton in tuni a hong paikhawm Pate leh Pa hi thei ding tuailaite’n limtakin ngaihsun thak le’ng chi a i deih mahmah tuh hiai ahi- Pathian in Pa hihna hamphatna leh mohpuakna hon pia a, tuate ahihna bangtakin i hinpihin i inkuante chiat tuabang lampi ah i pi na hiam chih ahi. Pilvangtaka thu-up sung ah dingkip a, hattak leh hangsantaka pang a, itna toh i mohpuaknate semkhia thei jel dingin Pathian in Pate tengteng leh a mi siangthoute tengteng hon ompih in hon vualzawl hen aw.