Notes
PATE DINMUN: PATHIAN IN AMA HIHNA TAKLANGTU DINGIN PATE ZANG HI
Sam 103:13-18
Pate' tungtawn in Pathian' mizia ding ki mu thei hi.
Pathianin ama hihna taklatna dingin human fatherhood omsak hi.
v. 13: Pain a tate a hehpih bangin Pathianin amah laute tuh a hehpih naknak. Pathianin Pate' hih bangbangin hih zel chihna hilou in Pa hoihte'n a tate uh a hehpih theih zel bang un Pathian in amah laute hehpih gige hi chihna ahi. Pathianin mi hehpih ahi chih Pa hoihte'n a tate uh a hehpihna ua kipan ki mu thei hi, chihna ahi. Huai tuh, Pathian' lemgeel Pate hihna ahi; showing our children what God is like- Pathian bangchibang ahia chih eite' (Pate) hinkhua, kampau, ngaihsang leh deihte apan lahkhiak ding chihna ahi.
Bangziaka Pathian in tuabang a Pate zang ahia?
1. Leivui lel ihi chih a theih luat ziakin, v.14. Leivui tuh buannoi omsak, vuikhu omsaktu lel ahihbangin, Pathian tellou in Pate tuh buaina tuntu lel ahi uhi. Panpih ngai, thop ngai, vanzat a neih ngai ahi uh. David in ama hihtheihna leh Pathian' hihtheihna a tehkak chiangin Pathian maiah leivui bang lel hin a ki mu hi.
2. Tate tawh omkhawm gige lou ding ihih ziakin, v. 15-16. mihingte, Pate tuh paak bang lel, hoih in kilawm bangsim mah lele mangnawn pah ding bang ihi. Kuamah Tate tawh Leitung a khawsa dending ki om lou hi. Sawtlou i damsunga Pathian' hihna leh mizia eite' hinkhua tungtawn a i tate leh khovel a taklat ding tuh Pate' hihna ahi.
Bangchibang a Pathian' hihna taklang thei ding- Bangchileh Tate'n Pathian' chitna, hehpihna hamphatpih thei ding?
1. Pathian kikta ding, v. 17.
2. Pathian' thukhun zui ding, v. 18
3. Pathian' thupiakte zui dinga chiamteh ding, v. 18.
Hiai te tuh Pathian pahtawi hinkhua i zatchiangin tua ah baihlam takin (points 3te) muhtheih in om ding hi. Pathian phat hinkhua, Pathian pahtawi hinkhua zang chiat ni. Amah bangkim tunga vaihawmtu ahi (v.19), Amah diktat Pathian ahi (v.6), Amah hehpihna tawh kidim Pathian ahi (v.3).
Toupa'n Amah pahtawina hinkhua zanga Amah hihna leh mizia taklangtu hi thei chiat dingin Pate leh mimal chihte hon vualzawl hen aw.
