Notes
HAITHAK
“Thilsiamte’n Pathian’ thupina phuang hi” Sam 19:1-4 (cf. Sam 65:9-11)
>Vante’n a (Pathian) thupina phuang (declares)
>Huihkhua in a (Pathian) khutsuak genkhia (proclaims)
Bangchibangin thilsiamte’n Pathian’ thupina phuangzaak uh ahia?
> Sun teng in (day after day pour forth speech) thu gen a; sun hun a thil tampi i muh theih te Pathian’ thupina phuangzakna ahi uhi. Amaute limtaka i et a i suut chiangin siamtu nei, a design tu nei, ahihna uh kilang semsem hi. Huai a siamtu leh design tu Pathian ahi.
> Zan teng in (night after night) amah theihna phuangkhia hi; zan hun a vantunglam bang i et chiangin Pahtian’ thilsiam kilawm mahmah van dum kikiai leh aksi tang setset te’n siamtu Toupa thupina khuangzak uhi. “Zankhua hongmial chiangin non itna hong lang jel, hong lang jel, hong lang jel...”
Bangchi theihtheih ding ahia?
> Zaak theihlouh aw hilou hi; zaak theihlouh dinga thugen, kampau hilou hi. Aw gingkhia tawh kigen hilou, himahleh, zah theihlouh bel hi lou jel. Huai omdan bel non-verbal revelation of God ahi. Huai tuh muhtheih –visual ahi chihna. Tulai khawvel ah muh theihlouh kuaman ki theisiam thei nawnlou hi. Article khat ah- people need pictures not lectures, kichi hi. muhtheih lemlah ki theih baih a, muh theihlouh thute kuaman ki ngaikhe peih nawn lou hi. Pathian in a thupina muh theih in phuangzak a, huai theisiam lout e bel tulai mi hilou chihna ahi. Khalam dan in gen leng, amaute khelhna nuai a omlai, piangthak nailou te hi ding uhi.
> Leitung khempeuh thang suak hi. open takin (secret hilou) khawvel pumpi ah muh theih dingin lahkhiak in om hi.
Huaiziakin, thilsiamte apan sinlai tampi i muhtheih lakah hiai a nuai ate i taklang ding-
1. Thilsiamte’n a siamtu Pathian om ahi chih hon gingtasak uhi; Rom. 1:19-20 ah kuamah in Pathian ka theikei chi theilou ding hi, Pathian in a hihna thilsiamte ah taklang khinta hi, chi hi.
2. Thilsiam te’n Pathian hihna (attributes) hon chiansak uhi. Tangtawn Pathian ahihna (eternality), Alpha leh Omega ahihna, huai thilsiam tengteng ma a amah om khin ahihna taklang hi.
3. Thilsiam te’n pathian mah phatna, pahtawina leh biakna tengteng piaktaak him ahi chih hon chiansak semsem hi.
