{amr}Gingtu Vualzou Hinkhua{/amr}
Notes
A Joint Worship Service of EBCCs in Delhi
August 26, 2012
GINGTU HINKHUA DIKTAK
(Practical Christian Life)
Kol. 3:5-17
Spiritual warfare i douzoh na dingin leh gingtu vualzou hinkhua ihin theihna dingin bang dinmun ah ka om hiam chih iki theihchet poimoh ahihman in tuni thupi, Gingtu Hinkhua Dik, chih ka hon tel hi.
Gingtu hinkhua dik ichih tuh paihkhiak dingte paikhia a laklut dingte lalut hinkhua ahi. Huaite tuh-
1. HIHLUP DINGTE (3:5-7)
5 Huchiin, noumau a leilam thil deihna omte hihlum un, kingaihnate, nitnate, huknate, utna giloute, huaihamnate; huaihamna tuh milimbiakna ahi ngala.
6 Huai thilte ziakin ahi, Pathian thangpaihna tuh thumanglou tate tunga a tun nak;
7 nou leng tumalama huai thilte a na nuntak lai un, huaite ah na om zel uhi.
2. SUAHKHIAK DINGTE (3:8-11)
8 Tun zaw, nou leng hiai tengteng, hehnate, thangpaihnate, huatnate, gensiatnate, na kam ua pau zahmohte koih mang un.
9 Zuau kihilh tuah kei un, mihing lui tuh a thilhih tawh na suahkheta ua,
10 mihing thakin na kivanta ngal ua; huai mihing thak tuh a siampa batpih banga theihna a siamthak in a om lellel hi.
11Huai ah tuh Grik mi leh Juda mi, zeksum leh sumlouh, melmak mite, skithia mite, bawite, bawiloute leng a om theih kei; Khrist tuh bangkim hizaw in, bangkim ah a om behlap lai hi.
3. SILH DINGTE (3:12-17)
12 Huchiin, Pathian mi tel, misiangthou leh deihtakte bangin lainatna lungtangte, migitnate, kingaihniamnate, thunuailutnate, thuakzohnate in kivan un.
13 Kuapeuh in kua tungah leng thubuai nei bang hileuchin, kithuakzou chiat in, kingaidam tuah unla, Toupa’n a hon ngaihdam tak bangin, kingaidam sam un.
14 Huan, huai tengteng tungah leng itna kisilhthuah un; huaiin, thil bangkim kituaktakin a gakkhawm hi.
15 Huan, Khrist khamuanna in na lungtang uah vaihawm hen, huchibang hi dingin pumpi khat a sap na hi him uhi; kipahna dan leng thei un.
16 Khrist thu tuh a hauhna teng tawh noumau ah omsak kiihkeih un, pilna chitenga kisinsak leh kihilh tuaha om a kipahna lungtang tawh Pathian kianga phatna la bang, khalam la bang sa a om in,
17 Huan, na hih peuhmah uh, thugen ah hiam, thilhih ah hiam amah ziaka Pa Pathian kianga kipahthugen kawmin Toupa Jesu min in hih vek un.
PATHIAN’ HON LAMETNA-
- Khalam galdouna doutaak hi ding
- Khristian vualzou hinkhua zang ding
- Khrist khamuanna in lungtang a vaihawm ding
- Pathian pahtawi hinkhua zang ding
