Notes
HOLY COMMUNION (5)
1. Holy Communion is a call to LOVE (1 Cor.11:17-22).
Itna tawh hing dinga sapna ahi. Paul in Korinth a gingtute kikhop khawmna in hoihlam sang siat lam nawt ahihdan gen in, kikhenna nasatak om ahihthu taklang hi. Huchibang mun ah Toupa Annkuang siangthou um theihna vual hi lou ahihdan leng gen hi. Huchihlaiin, Toupa' annkuang siangthou in kuamah khentuam lou ahihdan gen hi. Toupa' annkuang siangthou tuh Kikhenna piansaktu hilou in itna a hon gawmkhawm tu ahih ding ahi. Tuni'n mihing tehna dan a midangte en kei ni. Pathian itna tawh midangte en zaw ni, huai dingin Holy Communion in hon sam hi.
2. Holy Communion is for self-examination (1 Cor. 11:26-29).
Toupa' annkuang siangthou in ki-it tuah a itna tawh hing dinga hon sap banah eimah mimal chiat ki-enchian dingin hon sam hi. Midang tawh kiteh a ki-enchian ding hilou in, khovel etdan banga ki-en mai ding hilou in, Pathian tawh i kal Pathian' tehna zanga ki-enchian dingin. Pathian' tehna zang a eimah mimal i ki-etchet theih chiangin i hihna diktak i mu chiang thei pan phet ding hi. Pathian ma ah kuamah a chingsa ki om lou hi. Himahleh, a itna ziak in Jesu Khrist a siamtansakna hon pia in Amah ta in hon pom hi.
