Notes
Vualzawlna tawh Kilamtouhna
"MONEY"
Luka 12:13-21
13Mipi laka khatin, Jesu kiangah, Sinsakpa, ka u kiangah gou honhawm sam dingin hilh in, a chi a. 14Himahleh, aman, a kiangah, Mihing, noumau tungah kuan ahia kei thukhenpa hiam tanseppa hiam a hon bawl? a chi a. 15Huan, a kiang uah, Pilvang unla, enna himhim lakah kiveng un; hauhna mihing dam san ahi kei hi, a chi a. 16Huan, a kiang uah gentehna thu a gen a, Mi hau kuahiam a hongpung mahmah a, 17huchiin a kingaihtuah a, Bangchi bangin ka hih de aw? Ka buh leh bal koih khawmna ka nei ngal kei a. 18Huan, Hichi bang in ka hih ding e; ka buhin te ka phel dinga, a sanga lianin ka lam dia, huai ah tuh ka buh leh ka van tengteng ka koih khawm ding. 19Huan, ka kha kiangah, Kha, kum tampi sunga ding tampi na khol a; khawl inla, nein dawn inla, nuam takin omin, ka chi ding, a chi a. 20A hihhangin, Pathianin a kiangah, Nang mihai, tu jan chiah na kha a honlak sak ding uh, huai nalam khiakte, kuaa ahi ta dia? 21Amau adinga gou khola, Pathian lama haulou tuh huchi ahi nak uh, a chi a.
Sum (neih leh lam) in bangchidan a hon panpih or hon susia hiam?
Money represents value > Na sum zatdan ah na lungtang in bang thupi ngaihpen hiam chih akilang ding.
Lk. 12:34 ah, Na gou omna peuh ah na lungtang a om ding, chi hi.
Jesu’n hongpai san mangngilh lou hi. Deihtelna dik tel thei gige hi (vv.13-14). Goutan tawh kisai in Judate adin a piangmasa (first born) in gou sehnih a tam a tan ngeingei ding ahi. Himahleh, hiai ah a nauzaw in gou kimkhat lunggulh hi. Amah adin huai gou ah a hinna kisel ahi ding.
v.15 ah sum in a hon nak zawlzawh dan kigen hi. Sum in tuh “I am your Life” (kei na hinna ka hi) chiin hon zawl hi. Kei lou a hing thei ding kisa na hi hia? hon chi hi. Himahleh, Jesu’n bel sum (neih leh lam) ah hinna a omkha kei chi hi- one’s life does not consist in the abundance of his possessions.
Koi ah i hinna om ahia le? Jn.17:3 ah Pathian theihna ah hinna om hi, chi hi. Pathian leh a hon sawl a tapa Jesu Khrist theihna ah tangtawn hinna om, chi hi. vv.16-18 ah mihau khat om a, a neih leh lam hong pung deudeuh hi. Neih leh lam a khangtou ding, pilna siamna a masawn tou jel Toupa hon deihsak ahi. Gingtu hihziak mai a lawhching ding hilou in, kukkal leh ginom taka pangte hong lawhching tou jel ding uhi.
Mihau in apung hong tam hiai hiai te a lawh dingdan hon gelta hi. Ka buhin ka phel dinga huai sanga lianzaw in ka lam ding, chiin. Bang dinga hihsawm- 1) vualzawlna kibehlap a neih leh lam hong pung ahihman in, 2) om maimai a ut man in (v.19). Hiai mihaupa tup lianpen tuh “om maimai” ahi. Pathian pahtawina leh midangte khualna a tel kha himhim kei hi. Huai neih leh lam a aKha kibualsak tuh a lungtang lunggulh lianpen ahi. Hiai ziakin “Mihai” a hong suak maimah hi (v.20). hausa mahmah napi, Mihai a hongsuak ta.
Huaiziakin, mahni a ding kia a hing, mahni a ding kia ngaihsun a hinkhua zangte tuh “mihai”tea hi uhi (v.21). Toupa apan vualzawlna it ante, neih leh lam, sum leh pai, pilna siamna, leh hihtheihna khat peuhpeuh Amah min thupi nang, Amah min than semsem nang a i zat ding ahi. Toupa mah lungsim a lianpen, i sep-le-bawl te khempeuh Amah thupina ding ahih ding ahi.
