Notes
TOUPA MIN A HONGPAI TUH A HAMPHA
Mathai 21:1-11
1Huan, Jerusalem khua a tun ding un, Bethphage khua, Oliv tang tuh, a tun un Jesu'n nungjuite nih a sawl a, a kiang uah, 2Na ma jawn khua uah vahohta unla, sabengtung khih, a kiang a a nou toh, na mu ding ua; phel unla, ka kiang ah hon kai un. 3Huan, kuapeuh in na kiang ua banghiam a gen uleh, Toupa'n a deih a ahi, na chi ding uh; huan, aman tuh a hon sawl pah mai ding, a chi a. 4Hiai tengteng tuh jawlnei kam a gen a hong tun theihna ding in a hong omta hi. 5En dih, na Kumpipa, thunuailut tak in, sabengtung tungah- sabengtung nou tung ngei a tuang in na kiang ah a hong dek, chi in, Zion tanu tuh hilh in, a chih. 6Huchi in, nungjuite tuh a vapai ua, Jesu'n a kiang ua thu a piak bang ngei in a hih ua, 7sabengtung leh a nou tuh a honkai ua, a tunguah a puante uh a phah ua, huai ah a tuangta a. 8Huan, mipi lak a tamjaw in lampi ah a puante uh a phah ua, midang in sing sawl a sat ua, lampi ah a phah ua. 9Huan, mipi a malam a paite leh a juite'n, David Tapa kiang ah Hosanna: Toupa min a hongpai tuh a hampha hi: tungnungpen ah Hosanna: chi in, a kikou ua. 10Huan, Jerusalem khua a honglut in, a khua in, Hiai mi kua ahia? Chi in, a ling souhsouh ua. 11Huan, mipite'n, hiai mi jawlnei Jesu, Galili gam a Nazaret khua a ahi, a chi ua.
Toupa min a hongpai-
1) Pathian apan hongpai Thaunilh ahi (Messia) ¢Chingkamtakin (gentle) sabengtung tunga tuang in
- Lemna Kumpipa
- Sepaih thahatna hilou in itna’ thilhihtheihna in
2) Mawhpaih ding leh hihmang ding hilou in panpihtu dingin
3) Hangsantakin a tawt ding lampi mah tawn hi
4) Itna tawh ngetna (appeal) bawl hi
